ନୂଆଦିଲ୍ଲୀ: ରାଜଧାନୀ ଦିଲ୍ଲୀର ତିହାଡ଼ରେ ଜେଲରେ ଥିବା ଅଣ୍ଡର୍ ୱାର୍ଲ୍ଡ ଡନ୍ ଛୋଟା ରାଜନ ସ୍ୱାସ୍ଥ୍ୟ ଅବସ୍ଥାର ବିଗିଡ଼ିଛି । ତିହାଡ଼ ଜେଲ୍ ପକ୍ଷରୁ ଛୋଟା ରାଜନକୁ ଦିଲ୍ଲୀର ଏମ୍ସ ମେଡ଼ିକାଲରେ ଭର୍ତ୍ତି କରାଯାଇଛି । ରାଜନର ଏକ ଅସ୍ତ୍ରୋପଚାର କରାଯାଇପାରେ ବୋଲି ଖବର ପ୍ରକାଶ ପାଇଛି । ଏମ୍ସ ପରିସରରେ ଦିଲ୍ଲୀ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି । 

ଛୋଟା ରାଜନର ସ୍ୱାସ୍ଥ୍ୟ ଅବସ୍ଥା କେତେ ଗମ୍ଭୀର ଅଛି ସେ ନେଇ ଏମ୍ସ କିମ୍ବା ପୋଲିସ ପକ୍ଷରୁ କୌଣସି ଆନୁଷ୍ଠାନିକ ସୂଚନା ଜାରି କରାଯାଇ ନାହିଁ । ପୂର୍ବରୁ ମଧ୍ୟ ତାର ସ୍ୱାସ୍ଥ୍ୟ ସମସ୍ୟା ଦେଇଥିଲା ଏବଂ ତାକୁ ମେଡ଼ିକାଲରେ ଭର୍ତ୍ତି କରାଯାଇଥିଲା । 

ଛୋଟା ରାଜନ୍ ଅନେକ ସାଂଘାତିକ ଅପରାଧରେ ସଂଶ୍ଳିଷ୍ଟ ଅଛି । ୨୦୧୫, ଅକ୍ଟୋବର ୧୫ ତାରିଖରେ ତାକୁ ଇଣ୍ଡୋନେସିଆର ବାଲି ବିମାନବନ୍ଦରରୁ ଗିରଫ କରାଯାଇଥିଲା । ଏକ ହୋଟେଲ୍ ମାଲିକଙ୍କ ହତ୍ୟା ମାମଲାରେ ଅଦାଲତ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ । ମାତ୍ର ମୁମ୍ବାଇ ହାଇକୋର୍ଟ ଏହି ରାୟକୁ ଖାରଜ କରି ତାଙ୍କୁ ଜାମିନ ପ୍ରଦାନ କରିଥିଲେ । ତେବେ ଅନ୍ୟ ଅପରାଧ ମାମାଲାରେ ସେ ସଜା କାଟୁଛି ।