ଏକ୍ସପ୍ରେସୱେରୁ ତଳକୁ ଖସିଲା ବସ : ଜଣେ ମୃତ , ୨୫ ଆହତ Khabar Odisha :29/05/2024 Share story: ଦିଲ୍ଲୀ-ମୁମ୍ବାଇ ଏକ୍ସପ୍ରେସ ରାଜପଥରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି । ହରିଦ୍ୱାରରୁ ଜୟପୁରକୁ ଫେରୁଥିବା ସମୟରେ ଏକ ବସ ଏକ୍ସପ୍ରେସୱେରୁ ତଳକୁ ଖସିପଡିଛି । ଫଳରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୨୫ ଜଣ ଆହତ ହୋଇଥିବା ଜଣାପଡିଛି । ସୂଚନା ଅନୁସାରେ ଆଜି ପ୍ରାୟ ସକାଳ ୫ଟା ସମୟରେ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ହରିଦ୍ୱାରରୁ ଜୟପୁରକୁ ଫେରୁଥିଲେ । ଏହି ସମୟରେ ବସଟି ଡିଭାଇଡର ଭାଙ୍ଗି ୧୦ ଫୁଟ ତଳକୁ ଖସିପଡିଥିଲା । ଫଳରେ ବସରେ ଥିବା ୪୦ ଜଣ ଯାତ୍ରୀଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ୨୫ରୁ ଅଧିକ ଲୋକ ଆହତ ହୋଇଥିଲେ । ତେବେ ଏନେଇ ସ୍ଥାନୀୟ ଲୋକ ଆମ୍ବୁଲାନ୍ସ ଏବଂ ପୋଲିସକୁ ସୂଚନା ଦେବା ସହ ଆହତ ମାନଙ୍କୁ ଡାକ୍ତରଖାନାକୁ ପଠାଯାଇଛି । delhi accident Henilprava Swain, Author, 29/05/2024