ନୂଆଦିଲ୍ଲୀ: ଦେଶର ୧୫ତମ  ରାଷ୍ଟ୍ରପତି ଭାବେ ଶପଥ ନେଇଛନ୍ତି ସିପି ରାଧାକ୍ରିଷ୍ଣନ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଅନେକ କେନ୍ଦ୍ର ମନ୍ତ୍ରୀ ଏବଂ ବିଭିନ୍ନ ରାଜନୈତିକ ଦଳର ନେତାମାନେ ଉପସ୍ଥିତ ଥିଲେ। ଅନ୍ୟପକ୍ଷରେ, ସମାରୋହରେ ପୂର୍ବତନ ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କ ଉପସ୍ଥିତି ମଧ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ଧନଖଡ଼ ଜୁଲାଇ ୨୦୨୫ରେ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ। ଏହା ପରେ, ସେ ପ୍ରଥମ ଥର ପାଇଁ ସାଧାରଣରେ ଦେଖାଦେଇଛନ୍ତି।

ସ୍ୱାସ୍ଥ୍ୟଗତ କାରଣରୁ ଧନଖର ଦେଇଥିଲେ ଇସ୍ତଫା

ସ୍ୱାସ୍ଥ୍ୟଗତ କାରଣରୁ ଧନଖର ୧୪ତମ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ, କିନ୍ତୁ ତାଙ୍କର ହଠାତ୍ ଇସ୍ତଫା ସରକାର ଏବଂ ବିରୋଧୀ ଦଳ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି କରିଥିଲା। ପ୍ରକୃତରେ, ବିରୋଧୀ ଦଳ ତାଙ୍କ ଦ୍ୱାରା ଦିଆଯାଇଥିବା କାରଣ ସହିତ ସହମତ ନଥିଲେ ଏବଂ ଦାବି କରିଥିଲେ ଯେ ଶାସକ ଦଳ ତାଙ୍କୁ ବାଧ୍ୟତାମୂଳକ ଭାବରେ ପଦରୁ ହଟାଇ ଦେଇଛି। ଇସ୍ତଫା ଦେବା ପରେ, ଜଗଦୀପ ଧନଖର କୌଣସି ସାର୍ବଜନୀନ କାର୍ଯ୍ୟକ୍ରମରେ ଯୋଗ ଦେଇ ନଥିଲେ କିମ୍ବା ଗଣମାଧ୍ୟମ ସହ ଯୋଗାଯୋଗ କରି ନଥିଲେ, ଯାହାକୁ କିଛି ଲୋକ ତାଙ୍କ ପକ୍ଷରୁ ଏକ ଜାଣିଶୁଣି ନିଷ୍ପତ୍ତି ବୋଲି କହିଛନ୍ତି।

୫୩ ଦିନ ପରେ ମିଳିଲା ଦେଖା

ସୂଚନା ମୁତାବିକ ଜୁଲାଇ ୨୧ ତାରିଖରେ ମୌସୁମୀ ଅଧିବେଶନର ପ୍ରଥମ ଦିନ ଥିଲା। ଆଉ ଏହି ଦିନ ହଠାତ୍ ଜଗଦୀପ ଧନଖଡ଼ ସ୍ୱାସ୍ଥ୍ୟଗତ କାରଣ ଦର୍ଶେଇ ନିଜ ପଦରୁ ଇସ୍ତଫା ଦେଇ ଦେଇଥିଲେ। ତାଙ୍କ ଇସ୍ତଫା ପଛର କାରଣକୁ ନେଇ ସରଗରମ ହେଇଥିଲା ରାଜନୀତି। ଏମିତି କି ବିରୋଧୀମାନେ ମଧ୍ୟ ଏହାକୁ ନେଇ ପ୍ରଶ୍ନ ଉଠାଇଥିଲେ। ସେବେଠୁ ଜଗଦୀପ ଧନଖଡ଼ଙ୍କର କୌଣସି ଦେଖା ମିଳିନଥିଲା। ଦୀର୍ଘ ୫୩ ଦିନ ପରେ ଜଗଦୀପ ଧନଖଡ଼ଙ୍କ ଆଜି ଦେଖାମିଳିଛି।

ଅଧିକ ପଢନ୍ତୁ: ତୁଣ୍ଡ ଖୋଲିଲେ ମୁଣ୍ଡ ଗଡ଼ିଲା, ପ୍ରଫୁଲ୍ଲ ମଲ୍ଲିକ ବିଜେଡ଼ିରୁ ନିଲମ୍ବିତ