ଶ୍ରୀନଗର: ଜମ୍ମୁ କଶ୍ମୀର ପୋଲିସ ଏବଂ ରାଜ୍ୟ ତଦନ୍ତ ସଂସ୍ଥା (ଏସ୍‌ଆଇଏ) ମଙ୍ଗଳବାର ଶ୍ରୀନଗରର ନଅଟି ସ୍ଥାନରେ ଚଢାଉ କରିଛି। କୁହାଯାଉଛି ଯେ ଏହି ଚଢାଉ ୧୯୯୦ ମସିହାରେ ଜଣେ କଶ୍ମୀରୀ ହିନ୍ଦୁ ମହିଳା ସରଲା ଭଟ୍ଟଙ୍କ ହତ୍ୟା ସହିତ ଜଡିତ ମାମଲାର ତଦନ୍ତ ପାଇଁ କରାଯାଉଛି।

ସୂଚନାଯୋଗ୍ୟ, ସରଲା ଭଟ୍ଟ ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲା ବାସିନ୍ଦା ଥିଲେ। ସେ ଶେର-ଏ-କାଶ୍ମୀର ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେସ୍ ସୌରା ଶ୍ରୀନଗର ନଗରରେ ଜଣେ ନର୍ସ ଥିଲେ। ୧୯୯୦ ଏପ୍ରିଲରେ ଜମ୍ମୁ କାଶ୍ମୀର ଲିବରେସନ ଫ୍ରଣ୍ଟର ଆତଙ୍କବାଦୀମାନେ ତାଙ୍କୁ ଅପହରଣ କରିଥିଲେ।

ଆତଙ୍କବାଦୀମାନେ ତାଙ୍କୁ ଅନେକ ଦିନ ଧରି ଗଣବଳାତ୍କାର କରିଥିଲେ ଏବଂ ପରେ ତାଙ୍କୁ ହତ୍ୟା କରିଥିଲେ। ତାଙ୍କ ମୃତଦେହକୁ ଶ୍ରୀନଗରର ସହର ରାସ୍ତାରେ ଫିଙ୍ଗି ଦିଆଯାଇଥିଲା। ୟାସିନ ମାଲିକଙ୍କ ଘର ସମେତ ଲିବରେସନ ଫ୍ରଣ୍ଟର ୯ ଜଣ ପୂର୍ବତନ କମାଣ୍ଡରଙ୍କ ଘରେ ଏହି ଚଢାଉ କରାଯାଇଛି।

ଏହି ଆତଙ୍କବାଦୀଙ୍କ ଘର ଉପରେ ଚଢାଉ 

• ଗୁଲାମ ନବୀ ମିରଙ୍କ ପୁଅ ଜାଭେଦ ଅହମ୍ମଦ ମିର ଓରଫ ନାଲକା ନିବାସୀ ଜୈନାକଦଲ
• ଗୁଲାମ କାଦିର ମଲିକଙ୍କ ପୁଅ ମହମ୍ମଦ ୟାସିନ ମଲିକ ନିବାସୀ ମୈସୁମା, ଶ୍ରୀନଗର 
• ସାଥି ନୁର ଉଲ୍ ହକ୍ ଶାହା ଛଦ୍ମନାମ ଏୟାର ମାର୍ଶଲଙ୍କ ପୁଅ ଗୁଲାମ ରସୁଲ ଶାହା ବର୍ତ୍ତମାନ ଶ୍ରୀନଗରର ବୁଖପୋରା ଇଲାହି ବାଗରେ ରହୁଛନ୍ତି
• ବାଟାମାଲୁର ଦାଣ୍ଡରାକା ନିବାସୀ ଅବଦୁଲ କବୀର ଶେଖଙ୍କ ପୁତ୍ର ଅବଦୁଲ ହମିଦ ଶେଖ
• ଶ୍ରୀନଗରର କାଦିକାଡାଲ ସୋକାଲିପୋରା ନିବାସୀ ଗୁଲାମ ରସୁଲ ଗୋଜ୍ରିଙ୍କ ପୁତ୍ର ବଶିର ଅହମ୍ମଦ ଗୋଜ୍ରି
• ଶ୍ରୀନଗରର ସାଜାଗ୍ରିପୋରା ନିବାସୀ ଗୁଲାମ ଅହମ୍ମଦ ଖାନଙ୍କ ପୁତ୍ର ଫରୋଜ ଅହମ୍ମଦ ଖାନ ଛଦ୍ମନାମ ମହମ୍ମଦ ଛଦ୍ମନାମ ଜନ କାଚ୍ରୁ
• ଅସଦୁଲ୍ଲା ତାପଲୋଙ୍କ ପୁତ୍ର ଗୁଲାମ ମହମ୍ମଦ ତାପ୍ଲୁ, ଏପି ଅଲ-ହାମଜା କଲୋନୀ, ଅହମ୍ମଦନଗର, ଶ୍ରୀନଗର 

ଅଧିକ ପଢ଼ନ୍ତୁ: ବିବାହ କରିବେ ୫ ସନ୍ତାନର ପିତା କ୍ରିଷ୍ଟିଆନୋ ରୋନାଲ୍ଡୋ