ଆଜି ‘ଆତ୍ମ ନିର୍ଭର ଭାରତ ଶପଥ‘ ଶୁଭାରମ୍ଭ କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ
Khabar Odisha:Nation-defense-Rajnath-Singh-to-launch-atma-nirbhar-bharat-saptah-today

ନୂଆଦିଲ୍ଲୀ, ଅଗଷ୍ଟ ୧୦ (ଖବର ଓଡ଼ିଶା): ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସୋମବାର ‘ଆତ୍ମ ନିର୍ଭର ଭାରତ ଶପଥ‘ ଅଭିଯାନ ଶୁଭାରମ୍ଭ କରିବେ । ଭାରତର ପ୍ରତିରକ୍ଷା ମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଜାତୀୟ ଗଣମାଧ୍ୟମକୁ ମିଳିଥିବା ସୂତନା ଅନୁସାରେ ଆଜି ଅପରାହ୍ନ ସାଢ଼େ ୩ଟାରେ ଏହି ଅଭିଯାନ ଆରମ୍ଭ ହେବ । 

ପ୍ରତିରକ୍ଷା ମନ୍ତ୍ରୀ ଶ୍ରୀ ସିଂହ ରବିବାର ଘୋଷଣା କରିଥିଲେ ଯେ, ପ୍ରତିରକ୍ଷା ମନ୍ତ୍ରାଳୟରେ ସ୍ୱଦେଶୀ ଅସ୍ତ୍ରଶସ୍ତ୍ରକୁ ସାମିଲ କରାଯିବ । ବିଦେଶରୁ ଆସୁଥିବା ୧୦୧ ଯୁଦ୍ଧ ସାମଗ୍ରୀ ଉପରେ କଟକଣା ଲାଗିବ । ଏହା ଦ୍ୱାରା ଦେଶୀୟ କଂପାନୀଗୁଡ଼ିକ ଉପକୃତ ହେବେ । 

ରାଜନାଥ ସିଂହ ରବିବାର କହିଥିଲେ ମନ୍ତ୍ରାଳୟ ୧୦୧ ଜିନିଷର ତାଲିକା ପ୍ରସ୍ତୁତି କରିଛି, ଯେଉଁଗୁଡ଼ିକ ଆମଦାନୀ ଉପରେ କଟକଣା ଲାଗିବ । ଏହି ତାଲିକାରେ ସାଧାରଣ ପାର୍ଟସ ବ୍ୟତୀତ କିଛି ହାଇ ଟେକ୍ନୋଲୋଜୀ ଯୁଦ୍ଧ ସାମଗ୍ରୀ ମଧ୍ୟ ସାମିଲ ରହିଛି । ଏକ ନେଗେଟିଭ ଯୁଦ୍ଧ ତାଲିକା ପ୍ରସ୍ତୁତ ହୋଇଛି । ଯୁଦ୍ଧ ସିଷ୍ଟମ ଏବଂ ପ୍ଲାଟଫର୍ମର ଆମଦାନୀ ଉପରେ କଟକଣା ଲଗାଯିବ । ଏହାଦ୍ୱାରା ଘରୋଇ ଉତ୍ପାଦନକୁ ପ୍ରୋତ୍ସାହନ ମିଳିବ । ଏହି ତାଲିକା ସେନାର ଆବଶ୍ୟକତା ଅନୁସାରେ ବିଭିନ୍ନ ସମୟରେ ଅପଡେଟ କରାଯିବ । ସିଂହଙ୍କ ଅନୁସାରେ ପ୍ରତିରକ୍ଷା କ୍ଷେତ୍ରରେ ଭାରତର ଆତ୍ମନିର୍ଭରଶୀଳତାର ଦେଶରେ ଏକ ବଡ଼ ପଦକ୍ଷେପ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜାଣତରେ ଏହି ନିଷ୍ପତ୍ତି ନିଆଯାଇଛି । ଏହି ନିଷ୍ପତ୍ତିଦ୍ୱାରା ଭାରତର ପ୍ରତିରକ୍ଷା ଶିଳ୍ପକୁ ବଡ଼ ଧରଣର ଉତ୍ପାଦନ କରିବାରେ ସୁଯୋଗ ମିଳିବ ।  

ପ୍ରତିରକ୍ଷା କ୍ଷେତ୍ରରେ ଘରୋଇ ଉତ୍ପାଦନକୁ ଗୁରୁତ୍ୱ ଦେବା ଲାଗି ମନ୍ତ୍ରାଳୟ ଯେଉଁ ତାଲିକା ପ୍ରସ୍ତୁତ କରିଛି, ଏହା ସେନା, ପବ୍ଲିକ ଏବଂ ପ୍ରାଇଭେଟ ଶିଳ୍ପ ସହିତ ଚର୍ଚ୍ଚା ପରେ ହୋଇଛି । ଏହି ୧୦୧ ଜିନିଷରେ କେବଳ ସହଜ ବସ୍ତୁ ସାମିଲ ହୋଇ ନାହିଁ, ବରଂ କିଛି ଉଚ୍ଚ ଟେକନିକ ଅସ୍ତ୍ରକୁ ମଧ୍ୟ ଯୋଡ଼ି ଦିଆଯାଇଛି । ଏଥିରେ ଆର୍ଟିଲାରି ଗନ, ଆସଲ୍ଟ ରାଇଫଲ, ଟ୍ରାନ୍ସପୋର୍ଟ ଏୟାରକ୍ରାଫ୍ଟ, ଏଲସିଏଚଏସ, ରାଡାର ଏବଂ ଅନ୍ୟ ଜିନିଷ । କେନ୍ଦ୍ର ସରକାରଙ୍କ ଏହି ଯୋଜାନା ଦ୍ୱାରା ଦେଶୀ କଂପାନୀଗୁଡ଼ିକୁ ୪ ଲକ୍ଷ କୋଟି ଟଙ୍କାର ଠିକା ମିଳିପାରିବ ।  

 

  • Tags:

Subscribe

National International State Sports Entertainment