ବେଙ୍ଗାଲୁରୁ: କର୍ଣ୍ଣାଟକ ସରକାର ରାଜ୍ୟ ସାରା ସିନେମା ହଲ୍ ଟିକେଟ୍ ନେଇ ମଙ୍ଗଳବାର ଏକ ବିଜ୍ଞପ୍ତି ଜାରି କରିଛନ୍ତି। ଏଥିରେ କୁହାଯାଇଛି ଯେ, ଏବେ ସମସ୍ତ ଚଳଚ୍ଚିତ୍ର ଏବଂ ଥିଏଟର ପାଇଁ ନୂଆ ଦର ଲାଗୁ ହେବ। ମଲ୍ଟିପ୍ଲେକ୍ସ ହେଉ କିମ୍ବା ଫିଲ୍ମର ଯେକୌଣସି ପ୍ଲାଟଫର୍ମ ହେଉ, ମନୋରଞ୍ଜନ କର ସହିତ ପ୍ରତି ଶୋ ଟିକେଟ୍ ପାଇଁ ସର୍ବାଧିକ ୨୦୦ ଟଙ୍କା ମୂଲ୍ୟ ସ୍ଥିର କରାଯାଇଛି।

ରିପୋର୍ଟ ଅନୁଯାୟୀ, ଏହି ପ୍ରସ୍ତାବ କର୍ଣ୍ଣାଟକ ସିନେମା (ନିୟନ୍ତ୍ରଣ) (ସଂଶୋଧନ) ନିୟମ ୨୦୨୫ ଅଧୀନରେ ଆସେ ଏବଂ ଗୃହ ବିଭାଗ ଦ୍ୱାରା କର୍ଣ୍ଣାଟକ ସିନେମା (ନିୟନ୍ତ୍ରଣ) ଆଇନ ୧୯୬୪ର ଧାରା ୧୯ ଅନୁଯାୟୀ ପ୍ରଦାନ କରାଯାଇଥିବା କ୍ଷମତା ବ୍ୟବହାର କରି ଜାରି କରାଯାଇଛି।

କର୍ଣ୍ଣାଟକ ସରକାରଙ୍କ ଏହି ନିଷ୍ପତ୍ତି ପରେ, ସମସ୍ତ ସିନେମା ପ୍ରେମୀ ଖୁସି ଥିବା ପରି ମନେହେଉଛି। ସରକାରଙ୍କ ଏହି ନିର୍ଦ୍ଦେଶ ପଛରେ କାରଣ ମଧ୍ୟ ଲୋକଙ୍କୁ ଥିଏଟର ଯିବାକୁ ଉତ୍ସାହିତ କରିବା ବୋଲି ବିଶ୍ୱାସ କରାଯାଉଛି। ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁଯାୟୀ, ଟିକେଟ୍‌ର ସର୍ବାଧିକ ମୂଲ୍ୟ ଏବେ ୨୦୦ ଟଙ୍କା ପର୍ଯ୍ୟନ୍ତ ରହିବ। ଏହି ନିୟମଗୁଡ଼ିକ ସମସ୍ତ ପ୍ରକାରର ସିନେମା ହଲ୍ ଏବଂ ମଲ୍ଟିପ୍ଲେକ୍ସ ପାଇଁ ପ୍ରଯୁଜ୍ୟ ହେବ। ଏପରି ପରିସ୍ଥିତିରେ ଏବେ ଥିଏଟର ପରିଚାଳକମାନେ ସେମାନଙ୍କର ସ୍ୱେଚ୍ଛାଚାରିତା ଦେଖାଇ ପାରିବେ ନାହିଁ।

ଅଧିକ ପଢ଼ନ୍ତୁ: ରୁଷ ସହିତ ବ୍ୟବସାୟ କରିବା ହେବ ମହଙ୍ଗା