ଉଧମପୁର/ରାମନଗର: ଜମ୍ମୁ କଶ୍ମୀରର ଉଧମପୁର ଜିଲ୍ଲାର ରାମନଗରର କଘୋଟ ଗାଁରେ ଏକ ବଡ଼ଧରଣର ସଡ଼କ ଦୁର୍ଘଟଣା ଘଟିଛି। ରାମନଗରରୁ ଉଧମପୁର ଯାଉଥିବା ଏକ ଯାତ୍ରୀମାହୀ ବସ୍ ଓଲଟି ପଡ଼ିବାରୁ ବଡ଼ଧରଣର ଦୁର୍ଘଟଣା ଘଟିଛି। 

ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଦୁର୍ଘଟଣାରେ ବହୁତ ଜୀବନ ଏବଂ ସମ୍ପତ୍ତି କ୍ଷତି ହୋଇଥିବା ଅନୁମାନ କରାଯାଉଛି। ଆନୁମାନିକ ୧୫ରୁ ୨୦ ଜଣଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି। ଘଟଣାସ୍ଥଳରେ ତୁରନ୍ତ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା।

କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ଏବଂ କହିଛନ୍ତି ଯେ ସେ ଉଧମପୁର ଡେପୁଟି କମିଶନର (ଡିସି) ଶ୍ରୀ ମିଙ୍ଗା ଶେର୍ପାଙ୍କ ସହ କଥା ହୋଇଛନ୍ତି। ଡକ୍ଟର ସିଂହ କହିଛନ୍ତି ଯେ ସେ ପ୍ରାୟ ଏକ ଘଣ୍ଟା ପୂର୍ବରୁ କାନୋଟେ ଗାଁରେ ବସ୍ ଦୁର୍ଘଟଣା ସମ୍ପର୍କରେ ସୂଚନା ପାଇଥିଲେ ଏବଂ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା।

ଶ୍ରୀ ସିଂହଙ୍କ ଅନୁଯାୟୀ, ଆହତମାନଙ୍କୁ ତୁରନ୍ତ ଚିକିତ୍ସା ସହାୟତା ପାଇଁ ଡାକ୍ତରଖାନାକୁ ପଠାଯାଉଛି। ପରିସ୍ଥିତିର ଗମ୍ଭୀରତାକୁ ଦୃଷ୍ଟିରେ ରଖି ଗୁରୁତର ଆହତମାନଙ୍କୁ ଏୟାରଲିଫ୍ଟ କରିବା ପାଇଁ ମଧ୍ୟ ବ୍ୟବସ୍ଥା କରାଯାଉଛି।

କେନ୍ଦ୍ରମନ୍ତ୍ରୀ ସ୍ଥାନୀୟ ପ୍ରଶାସନ ଏବଂ ରାଜିନ୍ଦର ଶର୍ମାଙ୍କ ନେତୃତ୍ୱରେ ସ୍ଥାନୀୟ ସ୍ୱେଚ୍ଛାସେବକଙ୍କ ଦଳ ସହିତ ନିରନ୍ତର ଯୋଗାଯୋଗରେ ଅଛନ୍ତି।  

ଅଧିକ ପଢ଼ନ୍ତୁ: ମହିଳା ଇନ୍ସପେକ୍ଟରଙ୍କୁ ଚାପୁଡ଼ା ମାରି ସ୍ୱାମୀ-ସ୍ତ୍ରୀ ଗିରଫ