ନୂଆଦିଲ୍ଲୀ: ପୁଣିଥରେ ଦିଲ୍ଲୀ-ଏନସିଆରର ସ୍କୁଲଗୁଡ଼ିକରେ ବୋମା ଧମକ ମିଳିଛି। ଧମକପୂର୍ଣ୍ଣ ଇମେଲ୍ ଦେଖିବା ପରେ ସ୍କୁଲରେ ଉତ୍ତେଜନା ପ୍ରକାଶ ପାଇଛି। ଏହା ପରେ ପୁଲିସକୁ ଖବର ଦିଆଯାଇଥିଲା। ଦିଲ୍ଲୀ ଏବଂ ନୋଏଡାର ସ୍କୁଲଗୁଡ଼ିକୁ ନୂତନ ଧମକପୂର୍ଣ୍ଣ ମେସେଜ୍ ମିଳିଛି ବୋଲି କୁହାଯାଇଥିଲା। ଏହି ସମୟରେ, ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ତଥାପି, କିଏ ଧମକ ପଠାଇଛି ତାହା ଏପର୍ଯ୍ୟନ୍ତ ଜଣା ପଡ଼ିନାହିଁ। ପୁଲିସ ତଦନ୍ତରେ ବ୍ୟସ୍ତ।

ଦିଲ୍ଲୀ-ଏନସିଆର ଅଞ୍ଚଳର ମୟୂର ବିହାର ଫେଜ୍-୧ରେ ଥିବା ଆହଲକନ୍ ଇଣ୍ଟରନ୍ୟାସନାଲ୍ ସ୍କୁଲରେ ଏକ ଧମକ ମିଳିବା ପରେ ତଦନ୍ତ କରାଯାଇଥିଲା। ତଥାପି, ସ୍କୁଲରେ କିଛି ଅସାଧାରଣ ଜିନିଷ ମିଳିଲା ନାହିଁ।

ସୂଚନାଯୋଗ୍ୟ, ଦିଲ୍ଲୀ-ଏନ୍‌ସିଆରରେ ଥିବା ସ୍କୁଲଗୁଡ଼ିକୁ ବିଗତ ୬ ମାସ ମଧ୍ୟରେ ଅନେକ ଥର ଧମକ ମିଳିଛି। ତେବେ ଗୁରୁତ୍ବପୂର୍ଣ୍ଣ କଥା ହେଲା, ଯେଉଁଭଳି ଭାବେ ଧମକ ମିଳୁଛି, ପୁଲିସ ତଦନ୍ତରେ କୌଣସି ସନ୍ଦିଗ୍ଧ ଜିନିଷ ଠାବ ହୋଇପାରୁ ନାହିଁ। ତଥାପି ଏହି ଧମକ ଯୋଗୁଁ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକ ମହଲରେ ଭୟ ସୃଷ୍ଟି ହେଉଛି। ସେହିପରି ପ୍ରଶାସନର ଚିନ୍ତା ବଢ଼ୁଛି।