ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀ ଉପକଣ୍ଠ ନୋଏଡାର ଏକ ଆପାର୍ଟମେଣ୍ଟରେ ଏସି ବିସ୍ଫୋରଣ ହୋଇଛି। ଏହି କାରଣରୁ ଆପାର୍ଟମେଣ୍ଟର ଅନେକ ଫ୍ଲାଟ୍ରେ ନିଆଁ ଲାଗିଛି। ସେକ୍ଟର ୧୦୦ସ୍ଥିତ ଲୋଟସ୍ ବୁଲେୱାର୍ଡ ସୋଇଇଟିରେ ଏହି ଅଘଟଣ ଘଟିବା ପରେ ସ୍ଥାନୀୟ ଲୋକେ ଭୟଭୀତ ହୋଇଯାଇଛନ୍ତି।
ଲୋଟସ୍ ବୁଲେୱାର୍ଡ ସୋଇଇଟିର ଏକ ଆପାର୍ଟମେଣ୍ଟରେ ଏସି ବିସ୍ଫୋରଣ ହେବାରୁ ଅଗ୍ନିକାଣ୍ଡ ହୋଇଥିଲା। ଏଥିରୁ ନିଆଁ ଅନ୍ୟ ଫ୍ଲାଟ୍କୁ ବ୍ୟାପିଥିଲା। ଆଖପାଖର ଫ୍ଲାଟ୍ରେ ଥିବା ଲୋକେ ଭୟଭୀତ ହୋଇ ଏଣେତେଣେ ପଳାୟନ କରିଥିଲେ। ଆହୁରି ଅନେକ ଫ୍ଲାଟ୍ରେ ନିଆଁ ଲାଗିଥିବା ସନ୍ଦେହ କରାଯାଉଛି। ଫ୍ଲାଟ୍ରେ ଅଗ୍ନିକାଣ୍ଡ ନେଇ ଅଗ୍ନିଶମ ବାହିନୀ ସୂଚନା ପାଇଲା ପରେ ଘଟଣାସ୍ଥଳରେ ପହଞ୍ଚି ଏହାକୁ ନିୟନ୍ତ୍ରଣ କରିବା ପାଇଁ ଉଦ୍ୟମ କରିଛି । ଅଗ୍ନିକାଣ୍ଡର କାରଣ ବିଦ୍ୟୁତ୍ ସର୍ଟସର୍କିଟ ବୋଲି ଅନୁମାନ କରାଯାଉଛି।
ସୂଚନାଯୋଗ୍ୟ, ବୁଧବାର ଦିନ ନୋଏଡା ଉପକଣ୍ଠ ଗାଜିଆବାଦର ଇନ୍ଦିରାପୁରମରେ ମଧ୍ୟ ଏକ ବିସ୍ଫୋରଣ ଘଟିଥିଲା। ଏସି ବିସ୍ଫୋରଣ ହେବା କାରଣରୁ ନିଆଁ ଚାରିଆଡ଼େ ବ୍ୟାପିଥିଲା । ଏକ ଘଣ୍ଟାର ଉଦ୍ୟମ ପରେ ଦମକଳ ବାହିନୀ ନିଆଁକୁ ନିୟନ୍ତ୍ରଣ କରିଥିଲା।