ଏଥର ଧମାକା କରିବ ବିଗ୍ ବସ୍-୧୩, ସୁଟିଙ୍ଗ୍ ପାଇଁ ପ୍ରସ୍ତୁତ ଆଲିଶାନ୍ ମହଲ
Khabar Odisha:entertainment-odisha-salman-khan-show-bigg-boss-13-house-inside-pictures-goes-viral
ମୁମ୍ବାଇ, ସେପ୍ଟେମ୍ବର ୨୩ (ଖବର ଓଡିଶା) :

ପ୍ରସିଦ୍ଧ ରୁୟାଲିଟି ଶୋ ବିଗ ବସ- ୧୩ର ସୁଟିଙ୍ଗ୍ ଆରମ୍ଭ ହେବାକୁ ଯାଉଛି। ଏହି ଶୋର ପ୍ରିମିୟର ସେପ୍ଟେମ୍ବର ୨୯ରେ କଲର୍ସ ଟିଭିରେ ପ୍ରସାରଣ କରାଯିବ। ଏଥର ବିଗ୍ ବସ୍ ଘରର ନିର୍ଦ୍ଦେଶକ ଉମଙ୍ଗ କୁମାର ବେଶ୍ ଡିଜାଇନ କରିଛନ୍ତି। ତେବେ ଏଥର ବିଗ୍ ବସ୍-୧୩ର ସୁଟିଙ୍ଗ୍ ସେଟ୍ ଫିଲ୍ମ ସିଟି ମୁମ୍ବାଇରେ ପ୍ରସ୍ତୁତ କରାଯାଇଛି। 

ପ୍ରତି ଥର ବିଗ୍ ବସ୍ ଶୋ ଲୋନାବାଲାରେ ସୁଟିଙ୍ଗ୍ କରାଯାଏ। କିନ୍ତୁ ଏଥର କିଛି ଖାସ୍ ହୋଇଛି। ସୁଟିଙ୍ଗ୍ ପାଇଁ ପ୍ରସ୍ତୁତ କରାଯାଇଥିବା ବିଗ୍ ବସ୍ ସେଟର ଚିତ୍ର ଏବେ ସୋସିଆଲ ମିଡିଆରେ ଭାଇରାଲ୍ ହେବାକୁ ଲାଗିଛି। ୧୮ ହଜାର ବର୍ଗଫୁଟରେ ନିର୍ମିତ ଏହି ଘରେ ପ୍ରତିଯୋଗୀମାନଙ୍କ ଉପରେ ଦ୍ୟନ ରଖିବା ପାଇଁ ୯୩ଟି କ୍ୟାମେରା ଲଗାଯିବ। 

ପ୍ରବେଶ ଦ୍ଵାର

ବିଗ୍ ବସ୍ ଘରେ ପ୍ରବେଶ କରିବା ସମୟରେ ଦୁଇଟି ବି ଆକାରର ଦ୍ଵାର ପଡିବ। ଏହା ବିଗ୍ ବସର ଥିମକୁ ଦର୍ଶାଉଛି। ୨୦ ଫୁଟ ଉଚ୍ଚର ଏହି ଦ୍ଵାର ଫୁଲ ଗଛରେ ସଜା ଯାଇଛି। 

ଲିଭିଙ୍ଗ୍ ରୁମ୍ 

ଘରର ସବୁଠୁ ଗୁରୁତ୍ଵପୂର୍ଣ୍ଣ ସ୍ଥାନ ହେଉଛି ଲିଭିଙ୍ଗ୍ ରୁମ୍। ଏହି ସ୍ଥାନରେ ସବୁ ପ୍ରକାରର ଟାସ୍କ ପଢାଯାଏ। ଏଠାରେ ଆପୋସ ଆଲୋଚନା ଏବଂ ଟଣା ଓଟୋରା ଦେଖିବାକୁ ମିଳେ। ତେବେ ଏଥର ଲିଭିଙ୍ଗ ରୁମ୍ କଲରଫୁଲ ରହିଛି। ବିଭିନ୍ନ ଚିତ୍ର ମଧ୍ୟ ଲଗାଯାଇଛି। ସେଥିରୁ ଗୋଟିଏ ଚିତ୍ର ବିଗ୍ ବସର ଆଖି ରହିଛି। ଲିଭିଙ୍ଗ୍ ରୁମକୁ ରୋଷେଇ ଘର ସହ ଯୋଡାଯାଇଛି।

ବେଡ୍ ରୁମ୍

ବେଡ୍ ରୁମର ଛାତରେ ସତରଞ୍ଜ ଲୁକ୍ ଦିଆଯାଇଛି। ଏହି ରୁମକୁ ଲାଗି କାଚର କାନ୍ଥ ଅଛି। ଭିତରେ ବହୁ ବେଡ୍ ଥିବା ଦେଖାଯାଇଛି। 

ଡାଇନିଙ୍ଗ୍ ରୁମ

ଏଠାରେ ବିଭିନ୍ନ ରଙ୍ଗ ବେରଙ୍ଗର ଚୌକି ପଡିଛି। କାନ୍ଥରେ ପଶୁପକ୍ଷୀଙ୍କର ଚିତ୍ର ଅଙ୍କା ଯାଇଛି। ଏତଦ୍ ବ୍ୟତୀତ ବାର୍ଥ ରୁମର ଛାତରେ ଲାଇଟର ଝାଲର ଲଗାଯାଇଛି।

Subscribe

National International State Sports Entertainment