ଭୁବନେଶ୍ୱରରେ ଲୋକାର୍ପିତ ହେଲା ଆଞ୍ଚଳିକ ସ୍ବାୟତ ଜନଜାତି ଜନପ୍ରତିନିଧି ଓ ସ୍ବେଛାସେବୀଙ୍କ ଦକ୍ଷତା ବୃଦ୍ଧି କାର୍ଯ୍ୟକ୍ରମ
Khabar Odisha:all-india-launch-of-programme-for-capacity-building-of-ST-representatives-in-local-self-government
ଭୁବନେଶ୍ୱର, ଫେବୃଆରୀ ୨୭ (ଖବର ଓଡ଼ିଶା):

ଲୋକାର୍ପିତ ହେଲା ଆଞ୍ଚଳିକ ସ୍ବାୟତ ଜନଜାତି ଜନପ୍ରତିନିଧି ଓ ସ୍ବେଛାସେବୀଙ୍କ ଦକ୍ଷତା ବୃଦ୍ଧି କାର୍ଯ୍ୟକ୍ରମ । ଲୋକାର୍ପିତ କରିଲେ କେନ୍ଦ୍ର ଆଦିବାସୀ କଲ୍ୟାଣ ଓ ଜନଜାତି ମନ୍ତ୍ରୀ ଅର୍ଜୁନ ମୁଣ୍ଡା ।

ଆଦିବାସୀ ଅ଼ଞ୍ଚଳ ମାନଙ୍କରେ ଥିବା ଏକ ହଜାର ପାହାଡି ଝରଣାକୁ ସଂରକ୍ଷିତ କରାଯାଇ ଏହାକୁ ପାନୀୟ ଓ କୃଷି କ୍ଷେତ୍ରରେ ବ୍ୟବହାର ଏହାର ମୂଳ ଲକ୍ଷ୍ୟ । ଅନୁସୂଚିତ ଜନଜାତିର ଦକ୍ଷତା ବୃଦ୍ଧି ନିମନ୍ତେ ପ୍ରଥମ ଥର ପାଇଁ ଭୁବନେଶ୍ବରରେ ଆୟୋଜିତ ହେଉଛି ଆଞ୍ଚଳିକ ସ୍ବାୟତ ଜନଜାତି ଜନପ୍ରତିନିଧି ଓ ସ୍ବେଛାସେବୀଙ୍କ ଦକ୍ଷତା ବୃଦ୍ଧି କାର୍ଯ୍ୟକ୍ରମ ।

ଏଥିରେ ଯୋଗ ଦେଇଛନ୍ତି କେନ୍ଦ୍ର ଜନଜାତି ମନ୍ତ୍ରୀ ଅର୍ଜୁନ ମୁଣ୍ଡା, କେନ୍ଦ୍ର ସଚିବ ଦୀପକ ଖଣ୍ଡେରକରଙ୍କ ସମେତ ମୁଖ୍ୟମନ୍ତ୍ରୀ, ରାଜ୍ୟ ଆଦିବାସୀ ଉନ୍ନୟନ ମନ୍ତ୍ରୀ ଜଗନ୍ନାଥ ସାରକା । ପାହାଡି ଝରଣାର ଉତ୍ସକୁ ସଂଚୟ କରିବା ଓ ପରବର୍ତ୍ତୀ ସମୟରେ ଏହାର ଜଳକୁ ବିଭିନ୍ନ କାର୍ଯ୍ୟରେ ଉପଯୋଗୀ କରିବା ଏହାର ଲକ୍ଷ୍ୟ । ଏଥି ପାଇଁ ଜନଜାତି ପ୍ରତିନିଧିଙ୍କୁ ତାଲିମ ପ୍ରଦାନ କରାଯିବ । ପ୍ରାଥମିକ ପର୍ଯ୍ୟୟରେ ଓଡିଶାର ୩ଟି ଆଦିବାସୀ ଜିଲ୍ଲା ଏହି ଯୋଜନାରେ ସାମିଲ ହୋଇଛନ୍ତି, ପରବର୍ତ୍ତୀ ସମୟରେ ଅନ୍ୟ ଜିଲ୍ଲା ସମେତ ଝାଡଖଣ୍ଡ, ଛତିଶଗଡ ଓ ବିହାର ସାମିଲ ହେବ ।

  • Tags:

Subscribe

National International State Sports Entertainment