କ୍ଷେତରେ ଫଳୁଛି ଧଳା ସୁନା
Khabar Odisha:White-gold-is-growing-in-the-field
ଭବାନୀପାଟଣା, ଜାନୁଆରୀ ୨୨ (ଖବର ଓଡ଼ିଶା):

ଓଡ଼ିଶାର କପା ମାନଚିତ୍ର ରେ କଳାହାଣ୍ଡି ଏକ ପ୍ରମୁଖ ସ୍ଥାନ ପାଇଥିବା ବେଳେ ଏଥିରେ ଆଉ ଏକ ରେକର୍ଡ ଯୋଡିଛନ୍ତି ଭବାନୀପାଟଣା କଲମର କପାଚାଷୀ କୃଷ୍ଣଚନ୍ଦ୍ର ପ୍ରଧାନ ।

2008 ମସିହାରୁ କୃଷ୍ଣଚନ୍ଦ୍ର ସଫଳତାର ସହିତ ବାଲିଆ ମାଟିରେ ଜୈବିକ କଟନ ଉତ୍ପାଦନ କରି ପ୍ରଶଂସିତ ହୋଇଛନ୍ତି । ଜିଲ୍ଲାର ଚାଷୀମାନେ ଏକ ହେକ୍ଟର ଜମିରୁ 14 କ୍ୟୁଣ୍ଟାଲ ଯାଏଁ କପା ଉତ୍ପାଦନ କରିବାରେ ସକ୍ଷମ ହୋଇଥିବା ବେଳେ କପାଚାଷୀ କୃଷ୍ଣଚନ୍ଦ୍ର 2018 ରେ କପା ଚାଷ କରି 142 କ୍ୟୁଣ୍ଟାଲ କପା ଅମଳ କରିବାରେ ସକ୍ଷମ ହୋଇଥିଲେ । ଏହି ଧାରା ବର୍ତ୍ତମାନ ସୁଦ୍ଧା ଜାରୀ ରହିଛି ।

ଏକ କ୍ୟୁଣ୍ଟାଲ କପାର ଦାମ 5 ହଜାର ଟଙ୍କା ହୋଇଥିବା ବେଳେ କୃଷ୍ଣଚନ୍ଦ୍ର ନିଜର ଉତ୍ପାଦିତ କପା ର ବିକ୍ରି ବାବଦୀୟ ମୂଲ୍ୟ 4 ଲକ୍ଷ 61 ହଜାର 300 ଟଙ୍କା ପାଇପାରିଥିଲେ । ଯାହା ଅନ୍ୟ କପାଚାଷୀ ଙ୍କୁ ପ୍ରେରଣା ଯୋଗାଇଛି ।

କଳାହାଣ୍ଡିର କପାଚାଷ ରେ ଏବେ ଆନ୍ତଃ ଚାଷ ହେଉଛି । ପନିପରିବା ସାଙ୍ଗକୁ ଲଙ୍କା ଓ ଶାଗ ମଧ୍ୟ ସଫଳତା ର ସହ କେହି କେହି କରୁଛନ୍ତି ।

80 ଦଶକ  ରେ କଳାହାଣ୍ଡି ଜିଲ୍ଲା ରେ ଆରମ୍ଭ ହୋଇଥିବା ଏହି ଧଳା ସୁନା ଚାଷ 2018-19 ବର୍ଷରେ 58 ହଜାର ହେକ୍ଟର ଜମିରେ ପହଞ୍ଚି ସାରିଥିଲା । ଏଥିରୁ 6 ଲକ୍ଷ କ୍ୟୁଣ୍ଟାଲ କପା ଅମଳ ହୋଇଥିଲା । 2020 ରେ ଅଧିକ 2 ହଜାର ହେକ୍ଟର ଜମିରେ ଚାଷ ହୋଇଥିବା ସୂଚନା ମିଳିଛି ।

ବଲାଙ୍ଗୀର, ନୂଆପଡା, କଳାହାଣ୍ଡି, କୋରାପୁଟ ଜିଲ୍ଲାରେ ଏଭଳି ଚାଷ ବେଶ ସଫଳତାର ସହ ଆଗକୁ ବଢୁଛି ।

  • Tags:

Subscribe

National International State Sports Entertainment