ୱାଶିଂଟନ: ଆମେରିକାର ଟେକ୍ସାସରେ ଏକ କମ୍ପାନୀ ଷ୍ଟୋରର ପାର୍କିଂରେ ଜଣେ ବନ୍ଧୁକଧାରୀ ଗୁଳି ଚଳାଇଛି। ଏହି ଘଟଣାରେ ୩ ଜଣଙ୍କର ମୃତ୍ୟୁ ଘଟିଛି। ଘଟଣା ପରେ ଆକ୍ରମଣକାରୀ ଘଟଣାସ୍ଥଳରୁ ଏକ କାର ଚୋରି କରି ପଳାଇ ଯାଇଛି। ପୋଲିସ ତାଙ୍କୁ ଗିରଫ କରିଛି। ପୋଲିସ ଅନୁଯାୟୀ, ଅଭିଯୁକ୍ତର ମାନସିକ ସ୍ୱାସ୍ଥ୍ୟ ଭଲ ନାହିଁ। ତାର ବୟସ ପ୍ରାୟ ୩୦ ବର୍ଷ। ଗୁଳିକାଣ୍ଡ ଘଟଣା ପରେ ସେ ସେଠାରୁ ଏକ କାର ଚୋରି କରି ପଳାଇ ଯାଇଥିଲା। ପରେ ସେ ଏହି କାରକୁ କ୍ଷତି ପହଞ୍ଚାଇଥିଲା ଏବଂ ତା'ପରେ ଡିଲରସିପ୍ ରୁ ଅନ୍ୟ ଏକ କାର ଚୋରି କରିଥିଲା।

ଅଧିକାରୀମାନେ କହିଛନ୍ତି ଯେ ଘଟଣାସ୍ଥଳରୁ ଦୁଇଜଣଙ୍କୁ ମୃତ ଅବସ୍ଥାରେ ପାଇଥିଲେ, ଯେତେବେଳେ ଜଣେ ବ୍ୟକ୍ତିଙ୍କୁ ହସ୍ପିଟାଲ ନିଆଯାଇଥିଲା ଏବଂ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଆହତମାନଙ୍କୁ ମଧ୍ୟ ଚିକିତ୍ସା କରାଯାଉଛି। ଅଷ୍ଟିନର ମେୟର ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ଏବଂ ପୀଡିତଙ୍କ ପରିବାର ପ୍ରତି ସମବେଦନା ଜଣାଇଛନ୍ତି।

ଷ୍ଟୋର କର୍ମଚାରୀମାନେ ଟାର୍ଗେଟର ପାର୍କିଂରେ ଗୁଳିକାଣ୍ଡ ସମ୍ପର୍କରେ ସୂଚନା ପାଇବା ମାତ୍ରେ ସେମାନେ ଷ୍ଟୋରର ଦ୍ୱାର ବନ୍ଦ କରିଦେଇଥିଲେ। ଜଣେ କର୍ମଚାରୀ କହିଛନ୍ତି ଯେ ସେ ପାର୍କିଂରେ ଥିବା ଲୋକମାନଙ୍କୁ ଭୟଭୀତ ହୋଇ ସେମାନଙ୍କ କାର ଛାଡ଼ି ଦୌଡ଼ୁଥିବାର ଦେଖିଥିଲେ। ଦୁଇ ସପ୍ତାହ ପୂର୍ବରୁ, ମିଶିଗନରେ ଏକ ୱାଲମାର୍ଟ ଷ୍ଟୋର ଉପରେ ଆକ୍ରମଣ ହୋଇଥିଲା। ଜୁଲାଇ ୨୬ ତାରିଖରେ ଟ୍ରାଭର୍ସ ସିଟି ଷ୍ଟୋରରେ ୧୧ ଜଣଙ୍କୁ ଛୁରୀ ଆକ୍ରମଣ କରିଥିବା ଜଣେ ଅଭିଯୁକ୍ତଙ୍କ ବିରୁଦ୍ଧରେ ଆତଙ୍କବାଦ ଏବଂ ହତ୍ୟା ଉଦ୍ୟମର ଅନେକ ଅଭିଯୋଗ ଆସିଛି।

ଅଧିକ ପଢ଼ନ୍ତୁ: ବିହାର ଭୋଟର ପ୍ରସଙ୍ଗରେ ଆଜି ସୁପ୍ରିମକୋର୍ଟରେ ଶୁଣାଣି