ବାହୁଡ଼ା ଯାତ୍ରା: ଶ୍ରୀକ୍ଷେତ୍ରରେ ଶ୍ରୀଜିଉମାନଙ୍କ ପହଣ୍ଡି ଜାରି, ଦିନ ୧୨ଟାରେ ରଥଟଣା
Khabar Odisha:State-Bahuda-Yatra-of-Shree-Jagannath-Lord-Balabhadra-and-Subhadra-in-Puri

ପୁରୀ, ଜୁଲାଇ ୦୧ (ଖବର ଓଡ଼ିଶା): ଶ୍ରୀକ୍ଷେତ୍ର ପୁରୀରେ ଶ୍ରୀଜିଉମାନଙ୍କର ପବିତ୍ର ବାହୁଡ଼ା ଯାତ୍ରା ଜାରି ରହିଛି । ଆଜି ସକାଳ ଧୂପ ଶେଷ ହେବା ପରେ ଶ୍ରୀଜିଉମାନଙ୍କୁ ପହଣ୍ଡି କରାଯାଉଛି । ପ୍ରଥମେ ଚକ୍ରରାଜ ସୁଦର୍ଶନ ମହାପ୍ରଭୁଙ୍କ ପହଣ୍ଡି ହୋଇଛି । ଏହା ପରେ ଜଗତନାଥ ଶ୍ରୀଜଗନ୍ନାଥ, ତାଙ୍କର ବଡ଼ଭାଇ ପ୍ରଭୁ ବଳଭଦ୍ର ଓ ଭଉଣୀ ଦେବୀ ସୁଭଦ୍ରା ଓ ପହଣ୍ଡିରେ ଆସି ରଥ ଉପରେ ବିରାଜମାନ କରିବେ । କୋଭିଡ-୧୯ ଗାଇଡଲାଇନକୁ ପାଳନ କରି ଆଜି ସୀମିତ ଭକ୍ତ ଓ ସେବାୟତଙ୍କ ଦ୍ୱାରା ଶ୍ରୀଜିଉମାନଙ୍କର ଧାଡ଼ି ପହଣ୍ଡି ହୋଇଛି । 

ବାହୁଡ଼ା ଯାତ୍ରା ଅବସରରେ ଆଜି ଦିନ ୧୨ଟାରେ ରଥଟଣା ପାଇଁ ନୀତିନିର୍ଘଣ୍ଟ ହୋଇଛି । ଶ୍ରୀଜିଉମାନେ ଜନ୍ମବେଦୀରୁ ରତ୍ନବେଦୀକୁ ବାହୁଡ଼ିବେ । ଏଥି ପାଇଁ ଗୁଣ୍ଡିଚା ମନ୍ଦିର ନାକଚଣା ଦ୍ୱାର ସମ୍ମୁଖରେ ତାଳଧ୍ୱଜ, ଦର୍ପଦଳନ ଓ ନନ୍ଦିଘୋଷ ଅପେକ୍ଷାରତ । ଦିନ ୧୦ଟାରୁ ସାଢ଼େ ୧୧ଟା ମଧ୍ୟରେ ରଥ ଉପରେ ଗଜପତି ମହାରାଜା ଦିବ୍ୟସିଂହ ଦେବ ଛେରାପହଁରା କରିବେ । 

ନଅ ଦିବସୀୟ ଯାତ୍ରା ଶେଷ କରି ମହାପ୍ରଭୁ ଶ୍ରୀଜଗନ୍ନାଥ ନିଜର ବଡ଼ ଭାଇ ବଳଭଦ୍ର ଓ ସାନଭାଇ ସୁଭଦ୍ରାଙ୍କ ସହିତ ଆଜି (ମଙ୍ଗଳବାର) ଶ୍ରୀମନ୍ଦିର ଅଭିମୁଖେ ଫେରିବେ । କୋଭିଡ-୧୯ କଟକଣା ଭଳି ଆଜି ମଧ୍ୟ ପବିତ୍ର ଆଶାଢ଼ ଶୁକ୍ଲପକ୍ଷ ଦଶମୀ ତିଥିରେ ବାହୁଡ଼ା ଯାତ୍ରା ଅନୁଷ୍ଠିତ ହେଉଛି । ଶ୍ରୀକ୍ଷେତ୍ରର ବଡ଼ଦାଣ୍ଡ ଆଜି ପୁଣି ସାଧାରଣ ଭକ୍ତ ଶୂନ୍ୟ ହେବ । ଗତ ରଥଯାତ୍ରା ଭଳି ବଡ଼ଦାଣ୍ଡରେ ଏଥର ମଧ୍ୟ ଗହଳି ଦେଖାଯିବ ନାହିଁ । ସୀମିତ ଭକ୍ତ ଓ ସେବାୟତଙ୍କ ଦ୍ୱାରା ରଥଟଣା କାର୍ଯ୍ୟ ହେବ ।  

 

  • Tags:

Subscribe

National International State Sports Entertainment