କରୋନା ଭାଇରସ: କଟକରେ ପୁଣି ୩୯ ଜଣ ପଜିଟିଭ ଚିହ୍ନଟ, ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୬୧୪
Khabar Odisha:State-Odisha-39-new-corona-positive-in-Cuttack-toll-mouth-614-four-persons-dead

ଭୁବନେଶ୍ୱର, ଜୁଲାଇ ୦୧ (ଖବର ଓଡ଼ିଶା): ଚୀନର ଉହାନ ସହରରୁ ବ୍ୟାପିଥିବା କରୋନା ଭାଇରସ ଓଡ଼ିଶାରେ ବଢ଼ିଚାଳିଛି । କଟକ ଜିଲ୍ଲାରେ ପୁଣି ୩୯ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଜିଲ୍ଲା ପ୍ରଶାସନ ପକ୍ଷରୁ ଏହି ସୂଚନା ଦିଆଯାଇଛି । ପ୍ରଶାସନର ସୂଚନା ଅନୁସାରେ ବଡ଼ମ୍ବା ବ୍ଲକରୁ ୧୭ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ନିଆଳି ବ୍ଳକରୁ ୨ ଜଣ, କଣ୍ଟାପଡ଼ା ବ୍ଲକରୁ ୨ ଜଣ, ନିଶ୍ଚିନ୍ତକୋଇଲି ବ୍ଲକରୁ ୯ ଜଣ, କଟକ ମହାନଗର ଅଂଚଳରୁ ୮ଜଣ ଓ ଏନଡିଆରଏଫରୁ ଜଣେ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । 

ସୂଚନାଯୋଗ୍ୟ, କଟକ ଜିଲ୍ଲା ରାଜ୍ୟର କରୋନା ଭାଇରସ ତାଲିକାରେ ତୃତୀୟ ସ୍ଥାନରେ ରହିଛି । ଜିଲ୍ଲାରେ ଏପର୍ଯ୍ୟନ୍ତ ୬୧୪ ଜଣ ଲୋକ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏଥିରୁ ୪୫୩ ଜଣ ଆକ୍ରାନ୍ତ ସୁସ୍ଥ ହୋଇଥିଲା ବେଳେ ୧୫୬ ଜଣ ଆକ୍ରାନ୍ତ ସକ୍ରିୟ ଅଛନ୍ତି । କରୋନା ଭାଇରସ ଯୋଗୁଁ ଜିଲ୍ଲାରେ ୪ ଜଣଙ୍କର ମୃତ୍ୟୁ ହୋଇଛି । ଗଂଜାମ ଜିଲ୍ଲା ୧୩୭୦ ଜଣ କରୋନା ଆକ୍ରାନ୍ତ ସହିତ ସର୍ବାଧିକ ଓ ଦ୍ୱତୀୟ ସ୍ଥାନରେ ଖୋର୍ଦ୍ଧା (୮୨୧ ଜଣ କରୋନା ଆକ୍ରାନ୍ତ) ରହିଛି । 

 

  • Tags:

Subscribe

National International State Sports Entertainment