ନୂଆଦିଲ୍ଲୀ: ଲେହରେ ହିଂସା ପରେ ସରକାର ସୋନମ ୱାଙ୍ଗଚୁକଙ୍କୁ ଗିରଫ କରିଛନ୍ତି। ସେ ବର୍ତ୍ତମାନ ରାଜସ୍ଥାନର ଯୋଧପୁର ଜେଲରେ ବନ୍ଦୀ ଅଛନ୍ତି। ତାଙ୍କ ପତ୍ନୀ ଗୀତାଞ୍ଜଳି ତାଙ୍କ ସ୍ୱାମୀଙ୍କ ଗିରଫଦାରୀକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ଏକ ଆବେଦନ ଦାଖଲ କରିଥିଲେ, ଯାହାର ଶୁଣାଣି ଆଜି ହେବାକୁ ଯାଉଛି। ଗତ ମାସ ସେପ୍ଟେମ୍ବର ୨୬ ତାରିଖରେ ସୋନମ ୱାଙ୍ଗଚୁକଙ୍କୁ ଅଟକ ରଖାଯାଇଥିଲା। ତାଙ୍କ ବିରୁଦ୍ଧରେ ଜାତୀୟ ସୁରକ୍ଷା ଆଇନ (ଏନ୍‌ଏସଏ) ଅନୁଯାୟୀ ଏକ ମାମଲା ରୁଜୁ କରାଯାଇଛି। ଏହା ମଧ୍ୟ ଦାବି କରାଯାଇଥିଲା ଯେ ସୋନମ ୱାଙ୍ଗଚୁକଙ୍କର ପାକିସ୍ତାନୀ ଗୁଇନ୍ଦା ସଂସ୍ଥା, ଆଇଏସଆଇ ସହିତ ସମ୍ପର୍କ ଥିଲା।

ଅକ୍ଟୋବର ୨ରେ ସୋନମ ୱାଙ୍ଗଚୁକଙ୍କ ପତ୍ନୀ ସମ୍ବିଧାନର ଧାରା ୩୨ ଅନୁଯାୟୀ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ହେବିଅସ୍ କର୍ପସ ପାଇଁ। ସୁପ୍ରିମକୋର୍ଟ ଆଜି ମାମଲାର ଶୁଣାଣି କରିବେ। 

ସୂଚନାଯୋଗ୍ୟ, ସେପ୍ଟେମ୍ବର ୨୪ ତାରିଖରେ ଲେହରେ ହଠାତ୍ ହିଂସା ସୃଷ୍ଟି ହୋଇଥିଲା। ପ୍ରଦର୍ଶନକାରୀମାନେ ଭାରତୀୟ ଜନତା ପାର୍ଟି (ବିଜେପି) ମୁଖ୍ୟାଳୟ ମଧ୍ୟ ପୋଡ଼ି ଦେଇଥିଲେ। ଏହି ସମୟରେ ପୋଲିସ ତଦନ୍ତରୁ ଜଣାପଡିଛି ଯେ ସୋନମ ୱାଙ୍ଗଚୁକ ହିଂସାକୁ ଉସୁକାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ତାଙ୍କର ଉତ୍ତେଜକ ଭାଷଣ ପ୍ରତିବାଦକୁ ହିଂସାତ୍ମକ କରିଥିଲା। ହିଂସାକୁ ଦମନ କରିବା ପାଇଁ ପୋଲିସ ଗୁଳି ଚାଳନା କରିଥିଲା। ଫଳରେ ଚାରି ଜଣଙ୍କର ମୃତ୍ୟୁ ହୋଇଥିଲା।

ଲେହରେ କର୍ଫ୍ୟୁ ଜାରି କରାଯାଇଥିଲା ଏବଂ ଅନେକ ଅଞ୍ଚଳରେ ଇଣ୍ଟରନେଟ୍ ସେବା ମଧ୍ୟ ବନ୍ଦ କରାଯାଇଥିଲା। ସମ୍ପୂର୍ଣ୍ଣ ଘଟଣାରେ ସୋନମ ୱାଙ୍ଗଚୁକ୍ ପ୍ରମୁଖ ଭୂମିକା ଗ୍ରହଣ କରିଥିଲେ। ହିଂସା ଆରମ୍ଭ ହେବାର ମାତ୍ର ଦୁଇ ଦିନ ପରେ ପୋଲିସ ତାଙ୍କୁ ଗିରଫ କରିଥିଲା। ତାଙ୍କ ଉପରେ ଦୁଇଟି ଏନଜିଓ ମାଧ୍ୟମରେ ବିଦେଶୀ ପାଣ୍ଠି ଯୋଗାଣର ଅଭିଯୋଗ ମଧ୍ୟ ଥିଲା।

ସୋନମ ୱାଙ୍ଗଚୁକ୍ ଯୋଧପୁର ଜେଲରେ ବନ୍ଦୀ ଅଛନ୍ତି। ସୋନମ ଲେହବାସୀଙ୍କୁ ଶାନ୍ତି ବଜାୟ ରଖିବାକୁ ନିବେଦନ କରିଛନ୍ତି ଏବଂ ହିଂସାର ନ୍ୟାୟିକ ତଦନ୍ତ ଦାବି କରିଛନ୍ତି। ଏକ ଫେସବୁକ୍ ପୋଷ୍ଟରେ ସୋନମ ୱାଙ୍ଗଚୁକ୍ ଲେଖିଛନ୍ତି, ମୁଁ ଶାରୀରିକ ଏବଂ ମାନସିକ ଭାବରେ ସୁସ୍ଥ ଅଛି। ଆପଣମାନଙ୍କ ସମସ୍ତ ପ୍ରାର୍ଥନା ପାଇଁ ଧନ୍ୟବାଦ। ମୁଁ ପୀଡିତଙ୍କ ପରିବାର ପ୍ରତି ମୋର ସମବେଦନା ଜଣାଉଛି। 

ଅଧିକ ପଢ଼ନ୍ତୁ: ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ