ଆମ ବଳିଦାନ ବ୍ୟର୍ଥ ହେଲାନି - ଆରଏସଏସ ମୁଖ୍ୟ, ମୋହନ ଭାଗବତ
Khabar Odisha:Our-sacrifices-did-not-go-in-vain---RSS-chief-Mohan-Bhagwat
ଅଯୋଧ୍ୟା, ଅଗଷ୍ଟ ୦୫ (ଖବର ଓଡ଼ିଶା):

ଆଜି ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ ନେଇ ଭୂମି ପୂଜନ ଶେଷ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ସମୟରେ, ରାଷ୍ଟ୍ରିୟ ସ୍ୱୟଂସେବକ ସଂଗଠନର (ଆରଏସଏସ) ର ମୁଖ୍ୟ ମୋହନ ଭାଗବତ ମଧ୍ୟ ଭୂମି ପୂଜନ କାର୍ଯ୍ୟକ୍ରମରେ ଭାଗ ନେଇଥିଲେ। ଏହି ଅବସରରେ ଆରଏସଏସ ମୁଖ୍ୟ ମୋହନ ଭଗବତ ତାଙ୍କ ଅଭିଭାଷଣରେ କହିଛନ୍ତି ଯେ ଆଜି ସମଗ୍ର ଦେଶ ଆନନ୍ଦରେ ପରିପୂର୍ଣ୍ଣ ହୋଇଛି । ଆଜି ଦେଶର ସଂକଳ୍ପ ପୂରଣ ହୋଇଛି ।

ରାମ ମନ୍ଦିର ଭୂମି ପୂଜନ ଉପରେ ଦେଇଥିବା ସମ୍ବୋଧନରେ ଭାଗବତ କହିଛନ୍ତି ଯେ ଏହା ଏକ ଖୁସିର ମୁହୂର୍ତ୍ତ। ଅନେକ ଉପାୟରେ ଆମେ ପ୍ରତିଶ୍ରୁତି ଦେଇଥିଲୁ ରାମ ମନ୍ଦିର ନିର୍ମାଣ କରିବା ନେଇ, କିନ୍ତୁ ମୋର ମନେ ଅଛି ଥରେ ଆମ ସ୍ୱୟଂ ସେବକ ସଂଘର ତତ୍କାଳୀନ ମୁଖ୍ୟ ବାଲା ସାହେବ ଦେଓରାସ ଜି ଆମକୁ କହିଥିଲେ ରାମ ମନ୍ଦିର ପାଇଁ ଆମକୁ ଆହୁରି ପରିଶ୍ରମ କରିବାକୁ ପଡିବ ଆମକୁ ଆହୁରି 30 ବର୍ଷ ଲଢିବା ପାଇଁ ପଡିବ, ତେବେ ଯାଇଁ ଏହି କାମ ଶେଷ ହେବ । ଆଜି ଆମେ ତାଙ୍କର ସେହି ଆଶାକୁ ପୂରଣ କଲୁ | ଆମେ ମଧ୍ୟ ଏହି ସଂକଳ୍ପ ପୂରଣକୁ ଉପଭୋଗ କରୁଛୁ | ସେ ଏହା ମଧ୍ୟ କହିଛନ୍ତି ଯେ ରାମ ମନ୍ଦିର ପାଇଁ ଅନେକ ଲୋକ ବଳିଦାନ ଦେଇଛନ୍ତି ଏବଂ ସେମାନେ ସମସ୍ତେ ଆମ ସହ ଏଠାରେ ସୂକ୍ଷ୍ମ ରୂପରେ ଉପସ୍ଥିତ ଅଛନ୍ତି।

ସଂଘ ମୁଖ୍ୟ ମୋହନ ଭାଗବତ ତାଙ୍କ ଭାଷଣରେ ଆହୁରି କହିଛନ୍ତି ଯେ ବହୁତ ଲୋକ ଅଛନ୍ତି ଯେଉଁମାନେ ଆଜି ଏଠାକୁ ଆସିପାରି ନାହାଁନ୍ତି | ଆଡଭାନି ଜି ତାଙ୍କ ଘରେ ରହି ଏହି କାର୍ଯ୍ୟକ୍ରମ ଦେଖୁଥିବେ | ସେ କହିଛନ୍ତି ଯେ ସାରା ଦେଶରେ ଖୁସିର ଲହରୀ ଖେଳିଯାଇଛି । କେତେ ଶତାବ୍ଦୀ ତଳୁ ଥିବା ଏହି ଆଶା ଆଜି ଲୋକମାନଙ୍କ ପୂରଣ ହୋଇଛି | ସବୁଠାରୁ ବଡ ଆନନ୍ଦ ହେଉଛି ଆତ୍ମବିଶ୍ୱାସ ଯାହା ଭାରତକୁ ଆତ୍ମନିର୍ଭରଶୀଳ କରିବା ପାଇଁ ଆବଶ୍ୟକ ଥିଲା, ଆତ୍ମ-ସଚେତନତା ଯାହା ଆଜି ଆଧ୍ୟାତ୍ମିକ ଦୃଷ୍ଟିକୋଣରୁ ଆରମ୍ଭ ହେଉଛି |

  • Tags:

Subscribe

National International State Sports Entertainment