ଓଲଗା ଟୋକାର୍ଜୁକଙ୍କୁ ୨୦୧୮ ଏବଂ ପିଟର ହାଣ୍ଡକେଙ୍କୁ ୨୦୧୯ ପାଇଁ ସାହିତ୍ୟରେ ନୋବେଲ
Khabar Odisha:National-news-Polish-Author-Olga-Tokarczuk-And-Austrian-Author-Peter-Handke-Won-Literature-Nobel-Prize
ମୁମ୍ୱାଇ,ଅକ୍ଟୋବର ୧୦ (ଖବର ଓଡ଼ିଶା):

ନୋବେଲ ପୁରସ୍କାର ସିରିଜରେ ଗୁରୁବାର ଦିନ ସାହିତ୍ୟ ପାଇଁ ନୋବେଲ ପୁରସ୍କାର ବିଜେତାଙ୍କ ନାଁ ଘୋଷଣା କାରାଯାଇଛି । 2018 ପାଇଁ  ପୋଲାଣ୍ଡର ଲେଖିକା ଓଲଗା ଟୋକାର୍ଜୁକଙ୍କୁ ଏହି ପୁରସ୍କାରରେ ସମ୍ମାନିତ କରାଯାଇଛି । ସେହିପରି 2019 ସାହାତ୍ୟରେ ନୋବେଲ ପାଇଁ  ଅଷ୍ଟ୍ରିଆର ପିଟର ହାଣ୍ଡକେଙ୍କୁ ଚନୟ କରାଯାଇଛି । 

ଲେଖିକା ଏବଂ ସାମାଜିକ କର୍ମୀ ଓଲଗା ବର୍ତ୍ତମାନ ଯୁଗର ଏକ ବ୍ୟବସାୟିକ ରୁପରେ ସଫଳ ଲେଖିକା ରୁପରେ ଖ୍ୟାତ । 2018ରେ ତାଙ୍କର ଉପନ୍ୟାସ ଫ୍ଲାଇଟ୍ସ(ଜେନିଫର କ୍ରାଫ୍ଟ ଦ୍ୱାରା ଅନୁବାଦିତ)କୁ ବୁକର ପ୍ରାଇଜରେ ସମ୍ମାନିତ କରାଯାଇଛି । ଏହି ପୁରସ୍କାର ଜିତିବାରେ ସେ ପୋଲାଣ୍ଡର ପ୍ରଥମ ଲେଖିକା ହୋଇଛନ୍ତି । ଫ୍ଲାଇଟ୍ସ ପାଇଁ 2008 ମସିହାରେ ତାଙ୍କୁ ପୋଲାଣ୍ଡର ସର୍ବୋଚ୍ଚ ସାହିତ୍ୟ ପୁରସ୍କାର ନାଇକି ଆୱାର୍ଡ ମିଳିଥିଲା । 

ଗତ ବର୍ଷ ନୋବେଲ ସଂସ୍ଥାର ଜଣେ ପୂର୍ବତନ ସଦସ୍ୟାଙ୍କ ପ୍ରତି ଫ୍ରାନ୍ସିସ ଫଟୋଗ୍ରାଫର ଜ୍ୟା କ୍ଲାଉଡ ଆର୍ନାଲ୍ଟଙ୍କ ଉପରେ ଯୌନ ଶୋଷଣର ଅଭିଯୋଗ ହୋଇଥିଲା । ଏହାପରେ ସ୍ୱିଡେନର ଏକାଡେମୀକୁ ଅନେକ ସମାଲୋଚନାର ସାମ୍ନା କରିବାକୁ ପଡିଥିଲା । ଏହି କାରଣରୁ ସଂସ୍ଥା 2018 ମସିହାରେ ସାହିତ୍ୟରେ ନୋବେଲ ପୁରସ୍କାର ନଦେବା ପାଇଁ ଘୋଷଣ କରିଥିଲା । ଏହା ପ୍ରଥମ ଘଟଣା ନୁହେଁ । ଏହା ପୂର୍ବରୁ 1936 ମସିହାରେ ମଧ୍ୟ ପୁରସ୍କାର ଦିଆଯାଇ ନଥିଲା । ସେହି ବର୍ଷର ନୋବେଲ ପୁରସ୍କାର ଗୋଟିଏ ବର୍ଷ ପରେ ଇୟୁଗେନ ଓ’ ନୀଲଙ୍କୁ ଦିଆଯାଇଥିଲା ।   

Subscribe

National International State Sports Entertainment