ନୂଆଦିଲ୍ଲୀ: ମହାରାଣା ପ୍ରତାପଙ୍କ ବଡ଼ ପୁଅ ତଥା ପୂର୍ବତନ ସାଂସଦ ମହେନ୍ଦ୍ର ସିଂହ ମେଓ୍ଵାରଙ୍କର ପରଲୋକ ହୋଇଯାଇଛି। ମହେନ୍ଦ୍ର ସିଂହ ମେୱାର କିଛି ଦିନ ହେବ ଅସୁସ୍ଥ ହୋଇ ଚିକିତ୍ସିତ ହେଉଥିଲେ। ମହେନ୍ଦ୍ର ସିଂହ ମେୱାରଙ୍କୁ ୮୩ ବର୍ଷ ହୋଇଥିଲା ଏବଂ ସେ କିଛି ଦିନ ପାଇଁ ଡାକ୍ତରଖାନାରେ ଭର୍ତ୍ତି ହୋଇଥିଲେ। ମେୱାର ୧୯୮୯ରେ ଚିତ୍ତୋରଗଡ଼ ସଂସଦୀୟ ଆସନରୁ ବିଜେପି ପ୍ରାର୍ଥୀ ଭାବରେ ଲୋକସଭାକୁ ନିର୍ବାଚିତ ହୋଇଥିଲେ।

ପୂର୍ବତନ ରାଜପରିବାର ସଦସ୍ୟ ମହେନ୍ଦ୍ର ସିଂହ ମେଓ୍ଵାରଙ୍କର ରବିବାର ଉଦୟପୁରର ଏକ ଘରୋଇ ହସ୍ପିଟାଲରେ ପରଲୋକ ଘଟିଛି। ମହେନ୍ଦ୍ର ସିଂହ ମେୱାର ଷୋଡ଼ଶ ଶତାବ୍ଦୀର ରାଜପୁତ ରାଜା ମହାରାଣା ପ୍ରତାପଙ୍କ ବଂଶଧର ଥିଲେ, ଯିଏ କି ୧୫୯୭ ମସିହାରେ ମୃତ୍ୟୁ ପର୍ଯ୍ୟନ୍ତ ମେୱାରକୁ ଶାସନ କରିଥିଲେ।

ମହେନ୍ଦ୍ର ସିଂହ ମେଓ୍ଵାରଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ରାଜସ୍ଥାନ ମୁଖ୍ୟମନ୍ତ୍ରୀ ଭଜନ ଲାଲ ଶର୍ମା ଏବଂ ଅନ୍ୟ ରାଜନୈତିକ ନେତାମାନେ ଶୋକ ପ୍ରକାଶ କରିଛନ୍ତି। ସାମାଜିକ ଓ ରାଜନୈତିକ ଜୀବନରେ ଅମୂଲ୍ୟ ଅବଦାନ ଦେଇଥିବା ଚିତ୍ତୋଡଗଡ଼ର ପୂର୍ବତନ ସାଂସଦ ତଥା ମେଓ୍ଵାର ରାଜପରିବାରର ସଦସ୍ୟ ମହେନ୍ଦ୍ର ସିଂହ ମେଓ୍ଵାରଙ୍କ ବିୟୋଗରେ ଅତ୍ୟନ୍ତ ଦୁଃଖିତ। ସେ ସାରା ଜୀବନ ରାଜସ୍ଥାନର ଐତିହ୍ୟର ସଂରକ୍ଷଣ ଓ ସୌନ୍ଦର୍ଯ୍ୟକରଣ ରେ ନିୟୋଜିତ ଥିଲେ।

ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି, ଲୋକଙ୍କ ସେବା କରିବା ପାଇଁ ସେ ସମ୍ପୂର୍ଣ୍ଣ ନିଷ୍ଠାର ସହ କାମ କରିଛନ୍ତି। ତାଙ୍କର ସମାଜ କଲ୍ୟାଣମୂଳକ କାର୍ଯ୍ୟ ସବୁବେଳେ ପ୍ରେରଣାର ଉତ୍ସ ହୋଇ ରହିବ। ଦୁଃଖର ଏହି ମୁହୂର୍ତ୍ତରେ ମୁଁ ତାଙ୍କ ପରିବାର ଏବଂ ପ୍ରଶଂସକଙ୍କୁ ମୋର ସମବେଦନା ଜଣାଉଛି।  

ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ଟୁଇଟ୍ କରି କହିଛନ୍ତି, ପୂର୍ବତନ ସାଂସଦ ମହାରାଣା ମହେନ୍ଦ୍ର ସିଂହ ମେଓ୍ଵାରଙ୍କ ଦେହାନ୍ତ ଖବର ଶୁଣି ମୁଁ ଦୁଃଖିତ। ମୁଁ ସଦାପ୍ରଭୁଙ୍କ ନିକଟରେ ପ୍ରାର୍ଥନା କରୁଛି ଯେ ଦିବଂଗତ ଆତ୍ମାକୁ ତାଙ୍କ ଚରଣରେ ସ୍ଥାନ ଦିଅନ୍ତୁ ଏବଂ ଏହି ଅସୀମ ଦୁଃଖ ସହିବା ପାଇଁ ପରିବାରକୁ ଶକ୍ତି ଦିଅନ୍ତୁ।

ଅଧିକ ପଢ଼ନ୍ତୁ: ଆମେରିକା ଓ ୟୁରୋପକୁ ଟାର୍ଗେଟ କରିପାରିବ ଭାରତର କ୍ଷେପଣାସ୍ତ୍ର