ନୂଆଦିଲ୍ଲୀ: ବୁଧବାର ରାତିରେ କଲ୍ୟାଣପୁରୀ ଥାନା ତ୍ରିଲକପୁରୀ ୧୩ ବ୍ଲକର ଏକ ପାର୍କରେ ବସିଥିବା ଜଣେ ଯୁବକଙ୍କ ଉପରକୁ ଜଣେ ଦୁର୍ବୃତ୍ତ ୫ଟି ଗୁଳି ଚଳାଇଛନ୍ତି। ଆହତ ରବି ତାଙ୍କ ସାଙ୍ଗମାନଙ୍କ ସହ ନିଆଁ ଜଳାଉଥିଲେ। ଏହି ଘଟଣା ପରେ ଅଭିଯୁକ୍ତ ଫେରାର ହୋଇଯାଇଥିଲା। ପ୍ରାଥମିକ ସୂଚନା ଅନୁଯାୟୀ, ରବିଙ୍କୁ ଆହତ ଅବସ୍ଥାରେ ପାଟପରଗଞ୍ଜର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା। ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ଘଟଣା ଘଟିଥିବା ଆଶଙ୍କା କରାଯାଉଛି। ଆକ୍ରମଣର ଅଭିଯୁକ୍ତ ବ୍ୟକ୍ତି ଜଣକ ତ୍ରିଲୋକପୁରୀର ବାସିନ୍ଦା ବୋଲି ଜଣାପଡ଼ିଛି। ଆହତଙ୍କ ନାମରେ ଆକ୍ରମଣ ସମେତ ଅନେକ ଅପରାଧିକ ମାମଲା ରହିଛି। 

ଏହା ପୂର୍ବରୁ ବୁଧବାର ପୂର୍ବ ଦିଲ୍ଲୀର ଜାଫରାବାଦ ଅଞ୍ଚଳରେ ଜଣେ ଯୁବକଙ୍କୁ ଛୁରି ଭୁସି ହତ୍ୟା କରାଯାଇଥିଲା। ରାସ୍ତାରେ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା। ଯୁବକଙ୍କ ପରିଚୟ ମିଳିପାରିନାହିଁ। ଡକାୟତିକୁ ବିରୋଧ କରିବାରୁ ତାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି। ପୁଲିସ ତା' ନିକଟରୁ ପର୍ସ ଓ ମୋବାଇଲ୍ ଫୋନ୍ ଜବତ କରିନାହିଁ। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। 

ଜାଫରାବାଦ ଥାନା ପୁଲିସ ହତ୍ୟା ଧାରାରେ ଏତଲା ରୁଜୁ କରି ଘଟଣାର ତଦନ୍ତ କରୁଛି। ଦୁର୍ବୃତ୍ତମାନଙ୍କୁ ଠାବ କରିବା ପାଇଁ ପୁଲିସ ସିସିଟିଭି କ୍ୟାମେରାର ଫୁଟେଜ୍ ଯାଞ୍ଚ କରୁଛି। ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରବିବାର ଭୋର ୩ଟା ବେଳେ ରାସ୍ତାରେ ଜଣେ ଯୁବକ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପଡ଼ିଥିବା ନେଇ ପୁଲିସକୁ ଖବର ମିଳିଥିଲା।

ଅଧିକ ପଢ଼ନ୍ତୁ: ଆଗ୍ରା-ଲକ୍ଷ୍ନୌ ‘ଏକ୍ସପ୍ରେସ୍‌ୱେ’ରେ ଜଳିଗଲା ଯାତ୍ରୀବାହୀ ବସ୍‌