ବୀଡ: ମହାରାଷ୍ଟ୍ରର ବୀଡ ଜିଲ୍ଲାରେ ସୋମବାର ରାତିରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। କିଛି ଲୋକ ଏହି ସଡ଼କ ଦୁର୍ଘଟଣାରେ ଜଡିତ ଗାଡ଼ିକୁ ରାସ୍ତାରୁ ହଟାଉଥିବା ବେଳେ ଏକ ଦ୍ରୁତଗାମୀ ଟ୍ରକ୍ ଲୋକଙ୍କୁ ଚାପି ଦେଇଥିଛି। କୁହାଯାଉଛି ଯେ ଘଟଣାଟି ରାତି ପ୍ରାୟ ୮.୩୦ ସମୟରେ ଘଟିଥିଲା।

ଘଟଣାସ୍ଥଳରେ ପହଞ୍ଚିଥିବା ଅଧିକାରୀମାନେ କହିଛନ୍ତି ଯେ ଗେଭରାଇର ଦୀପକ ଆଟକରେ ଚଳାଉଥିବା କାରଟି ଏଠାରୁ ପ୍ରାୟ ୧୦୦ କିଲୋମିଟର ଦୂର ଗଧି ଗ୍ରାମ ନିକଟରେ ୫୨ ନମ୍ବର ଜାତୀୟ ରାଜପଥର ଏକ ଅଂଶରେ ଏକ ଡିଭାଇଡରରେ ଧକ୍କା ଦେଇଥିଲା। କିଛି ଲୋକ ଏହି ଦୁର୍ଘଟଣାଗ୍ରସ୍ତ କାରଟିକୁ ବାହାର କରିବାକୁ ଚେଷ୍ଟା କରୁଥିଲେ।

ଦୁର୍ଘଟଣାଗ୍ରସ୍ତ ଗାଡ଼ିକୁ ବାହାର କରାଯାଉଥିବା ସମୟରେ ଏକ ଦ୍ରୁତଗାମୀ ଟ୍ରକ ସେମାନଙ୍କୁ ଚାପି ଦେଇଥିଲା। ଏହି ଘଟଣାରେ ଛଅ ଜଣଙ୍କର ମୃତ୍ୟୁ ହୋଇଥିଲା। ଜଣେ ବ୍ୟକ୍ତି ଗୁରୁତର ଆହତ ହୋଇଥିଲେ। 

ପୋଲିସ କହିବାନୁସାରେ, ମୃତକଙ୍କ ନାମ ବାଲୁ ଅଟକାରେ, ଭାଗବତ ପାରଲକର, ସଚିନ ନନ୍ନାଭରେ, ମନୋଜ କରାଣ୍ଡେ, କୃଷ୍ଣ ଯାଦବ ଏବଂ ଦୀପକ ସୁରୟା ବୋଲି ଜଣାପଡିଛି। ସେମାନେ ସମସ୍ତେ ବୀଡର ଗେଭରାଇର ବାସିନ୍ଦା ଥିଲେ। ଦୁର୍ଘଟଣା‌ ପରେ ଟ୍ରକ୍ ଫେରାର ହୋଇଯାଇଛି। 

ଅଧିକ ପଢ଼ନ୍ତୁ: ତିନିଦିନିଆ ଆମେରିକା ଗସ୍ତରେ ଯିବେ ବୈଦେଶିକ ସଚିବ ବିକ୍ରମ ମିସ୍ରୀ