ମସ୍କୋ: ରୁଷରେ ଏକ ବଡ଼ ବିମାନ ଦୁର୍ଘଟଣା ଘଟିଛି। ରୁଷ ପ୍ରତିରକ୍ଷା ମନ୍ତ୍ରଣାଳୟକୁ ଉଦ୍ଧୃତ କରି ଜାତୀୟ ଗଣମାଧ୍ୟମ ବୁଧବାର ରିପୋର୍ଟ କରିଛି ଯେ ଏକ ରୁଷୀୟ ଆଣ୍ଟୋନୋଭ-୨୬ ସାମରିକ ପରିବହନ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁଃଖଦ ଦୁର୍ଘଟଣାରେ ଏଥିରେ ଥିବା ସମସ୍ତ ୨୯ ଜଣଙ୍କ ମୃତ୍ୟୁ ହୋଇଛି।

ରୁଷ ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ ଦୁର୍ଘଟଣା ମାର୍ଚ୍ଚ ୩୧ ତାରିଖ ମଙ୍ଗଳବାର ସନ୍ଧ୍ୟାରେ  ଘଟିଥିଲା। ବିମାନଟି ତା'ର ନିର୍ଦ୍ଧାରିତ ଉଡ଼ାଣରେ ଥିଲାବେଳେ ହଠାତ୍ ନିୟନ୍ତ୍ରଣ ଟାୱାର ସହିତ ଯୋଗାଯୋଗ ବିଚ୍ଛିନ୍ନ ହୋଇଗଲା। ସର୍ଚ୍ଚ ଏବଂ ଉଦ୍ଧାରକାରୀ ଦଳଗୁଡ଼ିକ ଏକ କଷ୍ଟକର ସନ୍ଧାନ ପରେ ଦୁର୍ଘଟଣାସ୍ଥଳକୁ ଠାବ କରିଥିଲେ। 

ଘଟଣାସ୍ଥଳରୁ ମିଳିଥିବା ରିପୋର୍ଟ ଅନୁଯାୟୀ, ବିମାନରେ ଥିବା ସମସ୍ତ ୬ ଜଣ କ୍ରୁ ସଦସ୍ୟ ଏବଂ ୨୩ ଜଣ ଯାତ୍ରୀଙ୍କ ମୃତ୍ୟୁ ହୋଇଥିଲା। ଉଦ୍ଧାରକାରୀମାନେ ଘଟଣାସ୍ଥଳରେ କୌଣସି ବଚିଂତ ବ୍ୟକ୍ତିଙ୍କୁ ପାଇଲେ ନାହିଁ।

ପ୍ରାଥମିକ ତଦନ୍ତ ଏବଂ ଘଟଣାସ୍ଥଳରୁ ଉଦ୍ଧାର କରାଯାଇଥିବା ପ୍ରମାଣ ଆଧାରରେ, ବିମାନର ଭଗ୍ନାବଶେଷ ବାହ୍ୟ ଆକ୍ରମଣ କିମ୍ବା ପ୍ରଭାବର କୌଣସି ସଙ୍କେତ ଦେଖାଯାଉନାହିଁ। ପ୍ରତିରକ୍ଷା ମନ୍ତ୍ରଣାଳୟ ସୂତ୍ରରୁ କୁହାଯାଇଛି ଯେ ଏହି ପର୍ଯ୍ୟାୟରେ, ଏକ ଯାନ୍ତ୍ରିକ ତ୍ରୁଟି ଦୁର୍ଘଟଣାର ସବୁଠାରୁ ସମ୍ଭାବ୍ୟ କାରଣ ବୋଲି ମନେ ହେଉଛି। ଏହି ମାମଲାର ତଦନ୍ତ ଜାରି ରହିଛି।

ଅଧିକ ପଢ଼ନ୍ତୁ: ବାଣିଜ୍ୟିକ ଏଲପିଜି ସିଲିଣ୍ଡରର ମୂଲ୍ୟ ୧୯୫ଟଙ୍କା ବଢ଼ିଲା