ନୂଆଦିଲ୍ଲୀ: ବିମାନରେ ଯାତ୍ରା କରିବା ସମସ୍ତଙ୍କର ସ୍ୱପ୍ନ ଥାଏ । ପୂର୍ବରୁ କେବଳ ଆର୍ଥିକ ସ୍ୱଚ୍ଛଳ ଶ୍ରେଣୀର ଲୋକମାନେ ବିମାନରେ ଯାତ୍ରା କରୁଥିଲେ । କିନ୍ତୁ ଆଜି କାଲି ମଧ୍ୟବିତ୍ତ ଶ୍ରେଣୀର ଲୋକେ ମଧ୍ୟ ବିମାନ ଯାତ୍ରା କରୁଛନ୍ତି । କାରଣ ସ୍ୱଳ୍ପ ସମୟ ଭିତରେ ଯାତ୍ରୀମାନେ ଗନ୍ତବ୍ୟ ସ୍ଥଳରେ ପହଁଚି ପାରୁଛନ୍ତି । ବିମାନରେ ଆରମ ଦାୟକ ଚୈୟାର ସହିତ ଶୀତତାପ ନିୟନ୍ତ୍ରିତ ସୁବିଧା ଏବଂ ଅନ୍ୟ ଖାଦ୍ୟ ପେୟ ସବୁକିଛି ଉପଲବ୍ଧ ମଧ୍ୟ ହେଉଛି । ତେବେ ୧୦୦ ବର୍ଷ ତଳେ ବିମାନ କେମିତି ଥିଲା ଏବଂ ବିମାନ କିଭଳି ସୁବିଧା ମିଳୁଥିଲା ତାହାର ଫଟୋ ସାମ୍ନାକୁ ଆସିଛି । ନିକଟରେ ହିଷ୍ଟ୍ରି ସିଜିନ୍  (@History.season) ଏହାର ଅତି ବିରଳ ଫଟୋ ସୋସିଆଲ୍ ମିଡ଼ିଆରେ ପୋଷ୍ଟ କରିଛି । ୧୯୨୦ ରୁ ୧୯୩୦ ମସିହାରେ ଚାଲୁଥିବା ବିମାନର କିଛି ଫଟୋ ଇନଷ୍ଟାଗ୍ରାମରେ ସେୟାର ହିଷ୍ଟ୍ରି ସିଜିନ୍ କରିଛି ।  

୧୯୧୪ ମସିହାରେ ପ୍ରଥମ ଯାତ୍ରୀବାହୀ ବିମାନ ଉଡ଼ାଣ ଆରମ୍ଭ କରିଥିଲା । ଯାହା ବିମାନ ଯାତ୍ରାରେ ଇତିହାସ ରଚିଥିଲା । ଏହା ପରେ ଅନେକ ଏୟାରଲାଇନ୍ସ କମ୍ପାନିମାନେ ବିମାନ ନିର୍ମାଣ ଆରମ୍ଭ କରିଥିଲେ । ସେତେବେଳେ ବିମାନ ଯାତ୍ରା ବହୁତ ମହଙ୍ଗା ଥିଲା । ନ୍ୟୁୟର୍କରୁ ଲସ୍ ଏଞ୍ଜେଲ୍ସ ଯିବା ଆସିବା ପାଇଁ ୨୬୦ ଡଲାର (ଆଜିର ଭାରତୀୟ ମୁଦ୍ରା ଅନୁସାରେ ପ୍ରାୟ ୨୨ ହଜାର ଟଙ୍କା) ଖର୍ଚ୍ଚ କରିବାକୁ ପଡ଼ୁଥିଲା । କହିବାକୁ ଗଲେ ସେତେବେଳେ ଏକ ନୂଆ କାର ଦାମର ଅଧା ମୂଲ୍ୟ ଥିଲା । ତଥାପି ଲୋକମାନେ ବିମାନରେ ଯିବାକୁ ପସନ୍ଦ କରୁଥିଲେ । 

କିନ୍ତୁ ବିମାନରେ ଆଜିକାଲିର ସୁବିଧା ଉପଲବ୍ଧ ନ ଥିଲା । ଫଟୋରୁ ଜଣା ପ୍ରତୀୟମାନ ହେଉଛି ବିମାନ ଚୈୟାର ଗୁଡ଼ିକ ବେତରେ ତିଆରିଥିଲା ଏବଂ ଏସି ସୁବିଧା ନ ଥିଲା, ଏମିତିକି କୌଣସି ସେବା ପ୍ରଦାନ କରିବାକୁ କ୍ର୍ୟୁ ମେମ୍ବର ନ ଥିଲେ । ଏହା ସହିତ ବିମାନ ଅଧିକ ଉଚ୍ଚରେ ଉଡ଼ି ପାରୁନଥିଲା । କିନ୍ତୁ ଯେତେବେଳେ ପାଣିପାଗ ଖରାପ ହେଉଥିଲା ସେତେବେଳେ ପବନ ଏବଂ ଥଣ୍ଡା ସିଧାସଳକ ଯାତ୍ରୀଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଥିଲା । ଏମିତିକି ବିମାନ ଭିତରେ ପ୍ରଚଣ୍ଡ ଶବ୍ଧ ମଧ୍ୟ ହେଉଥିଲା । ୧୯୩୦ ବେଳେ ପ୍ରଥମଥର ପାଇଁ କ୍ର‌୍ୟୁ ମେମ୍ବର ରଖାଗଲା, ଯେଉଁମାନେ ପେଶାରେ ତାଲିମ ପ୍ରାପ୍ତ ନର୍ସ ଥିଲେ । ଏମାନେ ବିମାନରେ ଅସୁସ୍ଥ ହୋଇପଡ଼ୁଥିବା ଯାତ୍ରୀଙ୍କ ଧ୍ୟାନ ରଖୁଥିଲେ । 

୧୯୩୦ ମସିହା ପରେ ବିମାନ ଯାତ୍ରା ଏବଂ ସେବାରେ ଧିରେ ଧିରେ ସୁଧାର ଆସିବାରେ ଲାଗିଥିଲା । ଯାହାପରେ ଯାତ୍ରୀମାନଙ୍କ ପାଇଁ ବିଭିନ୍ନ ପ୍ରକାର ସେବା ଆରମ୍ଭ ହୋଇଥିଲା । ଯାହାକି ଏବେ ଅତ୍ୟାଧୁନିକ ସେବା ଉପଲବ୍ଧ ମିଳୁଛି । 

View this post on Instagram

A post shared by History Season (@history.season)