ୱାଶିଂଟନ: ଆମେରିକାର ପଶ୍ଚିମ ଉପକୂଳରେ ଗୁରୁବାର ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ତେବେ ସୁନାମି ନେଇ କୌଣସି ସତର୍କ ସୂଚନା ଜାରି କରାଯାଇନାହିଁ। ଓରେଗନ୍ ରାଜ୍ୟର ବାନ୍ଦନ ସହରଠାରୁ ୧୭୩ ମାଇଲ ଦୂର ପ୍ରଶାନ୍ତ ମହାସାଗର ତଳେ ଥିବା ଏକ ଫଲ୍ଟଲାଇନରେ ୬.୦ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି ବୋଲି ୟୁଏସ୍ ଜିଓଲୋଜିକାଲ ସର୍ଭେ କହିଛି।

ଓରେଗନ୍ର ଛୋଟ ସହର ବାଣ୍ଡନଠାରୁ ପ୍ରାୟ ୧୭୩ ମାଇଲ ଦୂରରେ ଥିବା ଏହି ଭୂମିକମ୍ପରେ ୭୫ରୁ ଅଧିକ ଲୋକ ସାମାନ୍ୟ କମ୍ପନ ଅନୁଭବ କରିଥିବା ଗଣମାଧ୍ୟମ ରିପୋର୍ଟ କରିଛି। 

ୱାଶିଂଟନ ରାଜ୍ୟ ଜରୁରୀକାଳୀନ ପରିଚାଳନା ଅଧିକାରୀମାନେ ସୋସିଆଲ ମିଡିଆରେ ପୋଷ୍ଟ କରିଛନ୍ତି ଯେ କାସ୍କେଡିଆ ସବ୍ଡକ୍ସନ ଜୋନ୍ ନିକଟରେ ୬.୦ ତୀବ୍ରତାର ଭୂମିକମ୍ପ ଭୟଙ୍କର ହୋଇଥାଇପାରେ, କିନ୍ତୁ ବୁଧବାରର ଭୂମିକମ୍ପ ବ୍ଲାଙ୍କୋ ଫ୍ରାକ୍ଚର ଜୋନରେ ଥିଲା, ଯେଉଁଠାରେ ଭୂମିକମ୍ପ ସାଧାରଣ କଥା।

କାସ୍କେଡିଆ ସବ୍ଡକ୍ସନ ଜୋନ୍ ହେଉଛି ଉପକୂଳରୁ ୬୦୦ ମାଇଲ ଲମ୍ବା (୯୬୫ କିଲୋମିଟର) ଫଲ୍ଟ, ଯାହା ଉତ୍ତର କାଲିଫର୍ଣ୍ଣିଆରୁ ବ୍ରିଟିଶ କଲମ୍ବିଆ ପର୍ଯ୍ୟନ୍ତ ସଂପ୍ରସାରିତ। ଏହି ଅଞ୍ଚଳରେ ଟେକ୍ଟୋନିକ୍ ଚାପ ୩୦୦ ବର୍ଷରୁ ଅଧିକ ସମୟ ଧରି ଜମା ହୋଇ ଆସୁଛି ଏବଂ ଭୂକମ୍ପ ବିଜ୍ଞାନୀମାନେ କହିଛନ୍ତି ଯେ ଏହା ଯେକୌଣସି ସମୟରେ ଭାଙ୍ଗିପାରେ, ଯାହା ଦ୍ୱାରା ସୁପରଆର୍ଥକ୍ବାକ୍ ଏବଂ ସୁନାମି ସୃଷ୍ଟି ହୋଇପାରେ। 

ଏଠାରେ ଚୀନର ସିଜାଙ୍ଗରେ ମଧ୍ୟ ଭୂମିକମ୍ପର ଖବର ଆସିଛି। ନ୍ୟାସନାଲ ସେଣ୍ଟର ଫର ସିସ୍ମୋଲୋଜି (ଏନସିଏସ) କହିଛି ଯେ ଗୁରୁବାର ସକାଳେ ଚୀନର ସିଜାଙ୍ଗରେ ରିକ୍ଟର ସ୍କେଲରେ ୪.୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଏନସିଏସ ଅନୁଯାୟୀ, ଭାରତୀୟ ସମୟ ସକାଳ ୭ଟା ୨ ମିନିଟରେ ଏହି ଭୂମିକମ୍ପ ଅନୁଭୂତ ହୋଇଥିଲା।