ଆଜି ଆସିବ ପାକିସ୍ତାନ ନିର୍ବାଚନର ଚୂଡାନ୍ତ ଫଳାଫଳ। ଗତ ଫେବୃଆରୀ ୮ ତାରିଖରେ ପାକିସ୍ତାନ ସାଧାରଣ ନିର୍ବାଚନ ସକାଳ ୯ଟାରୁ ଆରମ୍ଭ ହୋଇ ସନ୍ଧ୍ୟା ୫ଟାରେ ଶେଷ ହୋଇ ଥିବା ବେଳେ ବ୍ୟାପକ ହିଂସା ଘଟଣା ମଧ୍ୟରେ ପାକିସ୍ତାନରେ ସରିଛି ମତଦାନ ପ୍ରକ୍ରିୟା। ତେବେ ପାକିସ୍ତାନର ପରବର୍ତ୍ତି ପ୍ରଧାନମନ୍ତ୍ରୀ କିଏ ହେବେ ତାକୁ ନେଇ ଏବେ ଚର୍ଚ୍ଚା ଲାଗି ରହିଛି। ନିର୍ବାଚନୀ ମଇଦାନରେ ୪୪ ଦଳର ୫୧୨୧ ପ୍ରାର୍ଥୀ ରହିଥିବା ବେଳେ ୨୬୬ ଆସନ ପାଇଁ ମତଦାନ ହୋଇଥିବା ବେଳେ ସେଥିମଧ୍ୟରୁ ୬୦ଟି ସିଟ ମହିଳାଙ୍କ ପାଇଁ ଓ  ୧୦ ଜଣ ସଂଖ୍ୟାଲଘୁଙ୍କ ପାଇଁ ସଂରକ୍ଷିତ ରହିଛି । ଦେଶର ୨୪୧ ମଲିୟନ ଜନସଂଖ୍ୟା ମଧ୍ୟରୁ ୧୨୮ ମିଲିୟନ ଭୋଟର ମତଦାନ କରିଛନ୍ତି । 

ଗୁରୁବାର ଦିନ ନିର୍ବାଚନ ପୂର୍ବରୁ ହିଂସା ଘଟଣା ଘଟିଥିବାରୁ ମତଦାନ ପାଇଁ ସୁରକ୍ଷା ବ୍ୟବସ୍ଥା କଡା କଡି କରାଯାଇଥିବା ବେଳେ  । ସୁରକ୍ଷା ବ୍ୟବସ୍ଥା ଉପରେ ତୀକ୍ଷ୍ଣ ନଜର ରଖିବା ପାଇଁ ପାକିସ୍ତାନର ଆଭ୍ୟନ୍ତରୀଣ ମନ୍ତ୍ରଣାଳୟ ପକ୍ଷରୁ ଏକ 'କଣ୍ଟ୍ରୋଲ୍ ରୁମ୍' ସ୍ଥାପନ କରାଯାଇଥିଲା। ତେବେ ପାକିସ୍ତାନର ମୁସଲିମ ଲିଗର ନଓ୍ବାଜ ସରିଫ, ପିପୁଲ୍ସ ପାର୍ଟିର ବିଲାୱଲ ଭୁଟ୍ଟୋଙ୍କ ଏବଂ ଇମ୍ରାନ ଖାନଙ୍କ ପାର୍ଟି ପିଟିଆଇର ପ୍ରାର୍ଥୀଙ୍କ ମଧ୍ୟରେ ତ୍ରିମୁଖୀ ଲଢ଼େଇ ହେଉଛି।

ଭୋଟ ଗ୍ରହଣ ସରିବା ପରେ ଆରମ୍ଭ ହୋଇଥିଲା ଭୋଟ ଗଣତି । ହେଲେ ଫଳାଫଳ ପ୍ରକାଶରେ ଏଥର ବିଳମ୍ବ ହେଉଥିବାରୁ ଆଜି ସନ୍ଧ୍ୟା ସୁଦ୍ଧା ଫଳାଫଳ ସ୍ପଷ୍ଟ ହେବ ବୋଲି ଅନୁମାନ କରାଯାଉଛି । ଶେଷ ଖବର ସୁଦ୍ଧା ୨୬୫ ଆସନ ମଧ୍ୟରୁ ୧୩୮ ଆସନର ଗଣତି ଚାଲିଛି । ସେଥିମଧ୍ୟରୁ ୮୨ଟି ଆସନରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସମର୍ଥିତ ସ୍ୱାଧୀନ ପ୍ରାର୍ଥୀ ଆଗରେ ଅଛନ୍ତି । ସେହିପରି ୩୫ ଆସନରେ ଆଗୁଆ ଅଛନ୍ତି ନୱାଜ ସରିଫଙ୍କ ପିଏମଏଲଏନ ପାର୍ଟିର ପ୍ରାର୍ଥୀ । ବିଲାଓକ୍ୱଲ ଭୁଟୋଙ୍କ ପାର୍ଟି ପାକିସ୍ତାନ ପିପୁଲ୍ସ ପାର୍ଟିର ୧୭ ପ୍ରାର୍ଥୀ ଭୋଟ ଗଣତିରେ ଆଗୁଆ ଥିବା ସୂଚନା ମିଳିଛି।

ଅଧିକ ପଢନ୍ତୁ: ଦକ୍ଷିଣ ଓଡ଼ିଶାରେ ହାଲୁକା ବର୍ଷା ସମ୍ଭାବନା