ଫ୍ଲୋରିଡ଼ା: ନାସାର ବିଶାଳ ଏସ୍‌ଏଲ୍‌ଏସ୍‌ ରକେଟ୍ ଯୋଗେ ବୁଧବାର ସନ୍ଧ୍ୟାରେ ଚାରି ଜଣ ମହାକାଶଚାରୀ ଚନ୍ଦ୍ର ଅଭିମୁଖେ ଯାତ୍ରା କରିଥିଲେ। ଏହି ମିଶନ୍, ୧୯୭୨ରେ ଆପୋଲୋ ୧୭ ପରେ ପ୍ରଥମ ମାନବ ଚନ୍ଦ୍ର ଅଭିଯାନ, ଆର୍ଟେମିସ୍ କାର୍ଯ୍ୟକ୍ରମ ଅଧୀନରେ ମାନବଜାତିକୁ ଚନ୍ଦ୍ରକୁ ଫେରାଇ ଆଣିବା ଦିଗରେ ଏକ ପ୍ରମୁଖ ପଦକ୍ଷେପ।

ଗୁରୁବାର ଭାରତୀୟ ସମୟ ସକାଳ ୪ଟା୫ରେ ଫ୍ଲୋରିଡାର କେନେଡି ସ୍ପେସ୍ ସେଣ୍ଟରରୁ ଏକ ଘଡ଼ଘଡ଼ି ଗର୍ଜନ ସହିତ ବିଶାଳ କମଳା ଏବଂ ଧଳା ଏସ୍‌ଏଲ୍‌ଏସ ରକେଟ୍ ଉଡ଼ାଣ କରିଥିଲା। ରକେଟ୍ ର ଶବ୍ଦ କିଲୋମିଟର ଦୂର ପର୍ଯ୍ୟନ୍ତ ପ୍ରତିଧ୍ୱନିତ ହୋଇଥିଲା, ହଜାର ହଜାର ଦର୍ଶକ ଏବଂ ନାସାର କର୍ମଚାରୀ ଏହି ଐତିହାସିକ ମୁହୂର୍ତ୍ତକୁ ସାକ୍ଷୀ ରଖି କରତାଳି ଏବଂ ଆନନ୍ଦ ଦେଇଥିଲେ।

ମିଶନରେ ଥିବା ଚାରି ଜଣ କ୍ରୁ ସଦସ୍ୟ ହେଉଛନ୍ତି:

• ରିଡ୍ ୱିଜମ୍ୟାନ୍ (କମାଣ୍ଡର୍, ନାସା)
• ଭିକ୍ଟର ଗ୍ଲୋଭର (ପାଇଲଟ୍, ନାସା)
• କ୍ରିଷ୍ଟିନା କୋଚ୍ (ମିସନ୍ ବିଶେଷଜ୍ଞ, ନାସା)
• ଜେରେମି ହାନସେନ୍ (ମିସନ୍ ବିଶେଷଜ୍ଞ, CSA - କାନାଡା)

ଉଲ୍କ୍ଷେପଣ ପୂର୍ବରୁ, ମହାକାଶଚାରୀମାନେ ସଂକ୍ଷିପ୍ତ କିନ୍ତୁ ଭାବପ୍ରବଣ ବାର୍ତ୍ତା ପ୍ରଦାନ କରିଥିଲେ। କାନାଡିୟ ମହାକାଶଚାରୀ ଜେରେମି ହାନସେନ କହିଛନ୍ତି, ଆମେ ସମଗ୍ର ମାନବଜାତି ପାଇଁ ଯାଉଛୁ। 

ଆର୍ଟେମିସ୍-୨ ଲଞ୍ଚ ନିର୍ଦ୍ଦେଶକ ଚାର୍ଲି ବ୍ଲାକୱେଲ-ଥମ୍ପସନ ମହାକାଶଚାରୀମାନଙ୍କୁ ସମ୍ବୋଧିତ କରି କହିଥିଲେ, ରିଡ୍, ଭିକ୍ଟର, କ୍ରିଷ୍ଟିନା ଏବଂ ଜେରେମି, ଆପଣମାନେ ଏହି ଐତିହାସିକ ମିଶନରେ ଆର୍ଟେମିସ୍ ଦଳର ହୃଦୟ, ଆମେରିକୀୟ ଜନତା ଏବଂ ବିଶ୍ୱର ଅଂଶୀଦାରଙ୍କ ସାହସ ଏବଂ ଏକ ନୂତନ ପିଢ଼ିର ଆଶା ଏବଂ ସ୍ୱପ୍ନକୁ ଆପଣଙ୍କ ସହିତ ବହନ କରୁଛନ୍ତି। ଶୁଭକାମନା। ଏହି ମିଶନ୍ ଆର୍ଟେମିସ୍ କାର୍ଯ୍ୟକ୍ରମର ଦ୍ୱିତୀୟ ପର୍ଯ୍ୟାୟ, ଯାହା ୨୦୨୦ ଦଶକର ଶେଷ ସୁଦ୍ଧା ଚନ୍ଦ୍ର ପୃଷ୍ଠରେ ପ୍ରଥମ ମହିଳାଙ୍କୁ ଅବତରଣ କରିବା ଲକ୍ଷ୍ୟ ରଖିଛି। ଆର୍ଟେମିସ୍-୨ର ସଫଳତା ପରେ, ଆର୍ଟେମିସ୍-୨ ଚନ୍ଦ୍ରରେ ମାନବ ଅବତରଣ ପାଇଁ ଯୋଜନା କରାଯାଇଛି।

ଅଧିକ ପଢ଼ନ୍ତୁ: ଇରାନ ପରାଜୟ ସ୍ବୀକାର ନକଲେ ଆମେ ଆକ୍ରମଣ ଜାରି ରଖିବୁ: ଟ୍ରମ୍ପ