ଭାରତ ସହ ଚାଲିଥିବା ଶାନ୍ତି କଥାବାର୍ତ୍ତା ମଧ୍ୟରେ ଚୀନ୍ ପୂର୍ବ ଲଦାଖରେ ପ୍ରବଳ ଥଣ୍ଡାରେ ସୌନିକମାନଙ୍କୁ ସାହାର୍ଯ୍ୟ କରିବା ପାଇଁ ଶହ ଶହ ଟ୍ରକରେ ହଜାର ହଜାର ଟନ୍ ଅତ୍ୟାବଶ୍ୟକ ସାମଗ୍ରୀ ଯୋଗାଇ ଦେଇଛି। ଆସନ୍ତା ମାସରେ ଏହି ଅଞ୍ଚଳରେ ଥଣ୍ଡା ହେବା ପୂର୍ବରୁ ଚୀନ୍ ଏହାକୁ ଯୋଗାଇ ଦେଇଛି। ଚାଇନାର ରାଷ୍ଟ୍ରାୟତ୍ତ ଟିଭି ଚ୍ୟାନେଲ ସିସିଟିଭି ରିପୋର୍ଟ କରିଛି ଯେ ଶହ ଶହ ବିରାଟ ଟ୍ରକ୍ ଦିନରାତି ପୂର୍ବ ଲଦାଖରେ ଅତ୍ୟାବଶ୍ୟକ ଜିନିଷ ଯୋଗାଇବାରେ ଲାଗିଛି ।

ଚୀନ୍ ଜାଡ଼ ଶୀତ ପାଇଁ ଏହି ଅଞ୍ଚଳରେ ରହିବାକୁ ପ୍ରସ୍ତୁତି ଶେଷ କରିଛି, ସିସିଟିଭି କହିଛି ଯେ ପର‌୍ୟ୍ୟାପ୍ତ ଯୋଗାଣ ପରେ ବର୍ତ୍ତମାନ ଚୀନ୍ ସୌନିକମାନେ ଥଣ୍ଡା ପାଗକୁ ସହଜରେ ବିତାଇ ପାରିବେ। ଚୀନ୍ ପୁଣିଥରେ ଭାରତ ସହ ଏକ ବଡ ପ୍ରତାରଣା ପାଇଁ ପ୍ରସ୍ତୁତି କରୁଛି। ଚୀନ୍ ଆର୍ମି ଗତ ୩୦ ଦିନ ମଧ୍ୟରେ ଅଧିକୃତ ଅକସାଇ ଚିନ୍ ଅଞ୍ଚଳରେ ବଡ଼ ଧରଣର ସୌନିକ ମୁତୟନ କରିଛି ଏବଂ ବହୁ ବେଗରେ ରାସ୍ତା ନିର୍ମାଣ କରୁଛି । କେବଳ ଏତିକି ନୁହେଁ, ପାଙ୍ଗୋଙ୍ଗ ହ୍ରଦର ଫିଙ୍ଗର ୫ ରୁ ୮ କୁ ସଂଯୋଗ କରୁଥିବା ଚୀନ୍ ମଧ୍ୟ ରାସ୍ତାକୁ ପ୍ରଶସ୍ତ କରିଛି ଯାହା ଦ୍ୱାରା କୌଣସି ଯୁଦ୍ଧ କାର‌୍ୟ୍ୟ ହେଲେ ଚୀନ୍ ସେନା ଭାରତୀୟ ଫ୍ରଣ୍ଟ ନିକଟରେ ଅତି ଶୀଘ୍ର ପହଞ୍ଚିପାରିବ।