ଗୁରୁଗ୍ରାମ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ଅଗ୍ନିପଥ ଯୋଜନାକୁ ନେଇ କଂଗ୍ରେସ ରାଜନୀତି କରୁଛି। ଏହି ଦଳ କେବେ ବି ସେନାକୁ ସମ୍ମାନ ଦେଇନାହିଁ। ରାହୁଲ ଗାନ୍ଧୀ କହୁଛନ୍ତି ଯେ ତାଙ୍କୁ ପେନସନ ଦେବାକୁ ପଡ଼ିବ ନାହିଁ ବୋଲି ସରକାର ଅଗ୍ନିପଥ ଯୋଜନା ଆଣିଛନ୍ତି। ସେମାନଙ୍କୁ ବିଶ୍ୱାସ କରନ୍ତୁ ନାହିଁ, ସେମାନେ ମିଛ କହିବାର କାରଖାନା।

ଅଗ୍ନିପଥ ହେଉଛି ସେନାକୁ ଯୁବ ରଖିବା ପାଇଁ ଏକ କାର୍ଯ୍ୟକ୍ରମ। ବିଜେପି ପ୍ରତିଶ୍ରୁତି ଦେଇଛି ଯେ ପ୍ରତ୍ୟେକ ଅଗ୍ନିବୀରଙ୍କୁ ଭାରତ ସରକାର ଏବଂ ହରିୟାଣା ସରକାର ପେନସନ୍ ଚାକିରି ଦେବେ। ଅଗ୍ନିବୀର ଭାବେ ଆସୁଥିବା ଯବାନ ନିଜ ସହ ୩୦ ଲକ୍ଷ ଟଙ୍କାର ଏଫ୍‌ଡି ଆଣିବେ। ସେମାନେ ସିଆରପିଏଫ, ବିଏସଏଫ, ଆଇଟିବିପି ଏବଂ ହରିୟାଣା ସରକାରରେ ସ୍ଥାୟୀ ଚାକିରି ପାଇବେ।  

ଅମିତ ଶାହ ରବିବାର ହରିୟାଣାର ବାଦଶାହପୁର, ନାଙ୍ଗଲ ଚୌଧୁରୀ ଏବଂ ଇନ୍ଦ୍ରି ବିଧାନସଭା ନିର୍ବାଚନ ମଣ୍ଡଳୀରେ ନିର୍ବାଚନୀ ରାଲିକୁ ସମ୍ବୋଧିତ କରିଛନ୍ତି। ବାଦଶାହପୁରର ଧୋରକା ଗାଁରେ ସେ କହିଛନ୍ତି, ହରିୟାଣା ହେଉଛି ବୀରଙ୍କ ଭୂମି। ସେନାର ପ୍ରତି ଦଶମ ସୈନିକ ଏହି ଭୂମିରୁ ଆସିଛନ୍ତି। ହରିୟାଣା ମାଟିରେ ଓ୍ଵାନ୍ ରାଙ୍କ-ଓ୍ଵାନ୍ ପେନ୍‌ସନ୍ ଲାଗୁ କରିବାକୁ ଘୋଷଣା କରାଯାଇଥିଲା। ଏହା ସମ୍ପୂର୍ଣ୍ଣ ହୋଇଛି। ଏହାର ତୃତୀୟ ସଂସ୍କରଣ ମଧ୍ୟ କାର୍ଯ୍ୟକାରୀ ହୋଇଛି। ନୂଆ ଦରମା ସହିତ ପେନ୍ ସନ୍ ମିଳିବ। କଂଗ୍ରେସ ମଞ୍ଚରେ ପାକିସ୍ତାନ ଜିନ୍ଦାବାଦ ସ୍ଲୋଗାନ ଦିଆଯାଉଛି।

ରାହୁଲ ଗାନ୍ଧୀ ଏ ନେଇ ଚୁପ୍ ବସିଛନ୍ତି। ଜମ୍ମୁ-କଶ୍ମୀରରେ ପୁଣି ଧାରା ୩୭୦ ଲାଗୁ କରାଯିବ ବୋଲି ସେ କହିଛନ୍ତି। ଯେପର୍ଯ୍ୟନ୍ତ କେନ୍ଦ୍ରରେ ମୋଦୀ ସରକାର ରହିବ ସେପର୍ଯ୍ୟନ୍ତ ଜମ୍ମୁ-କଶ୍ମୀରରେ କେବଳ ତ୍ରିରଙ୍ଗା ଉଡୁଛି। ରାହୁଲଙ୍କ ତିନି ପିଢ଼ି ମଧ୍ୟ ଧାରା ୩୭୦ ଫେରାଇ ଆଣିପାରିବେ ନାହିଁ। ଓ୍ଵାକଫ୍ ବୋର୍ଡ ଆଇନ ବହୁ ଅସୁବିଧା ସୃଷ୍ଟି କରୁଛି, ସଂସଦର ଆଗାମୀ ଅଧିବେଶନରେ ଆଇନରେ ସୁଧାର ଆସିବ। ରାମ ମନ୍ଦିର ପ୍ରସଙ୍ଗରେ ଶାହ ପ୍ରଶ୍ନ କରିଛନ୍ତି ଯେ ଅଯୋଧ୍ୟାରେ ରାମ ମନ୍ଦିର ନିର୍ମାଣ ହେବା କଥା କି ନାହିଁ।

ଅଧିକ ପଢ଼ନ୍ତୁ: ପଶ୍ଚିମବଙ୍ଗରେ ପୁଣି ଧର୍ମଘଟ କରିପାରନ୍ତି କନିଷ୍ଠ ଡାକ୍ତର