ଖବର ଓଡ଼ିଶା: ବଲାଙ୍ଗିର ଜିଲ୍ଲା ପୁଇଁତଳା ଥାନା ଅନ୍ତର୍ଗତ ଫଟକରା (ଖ) ଗାଁରେ ମହିଳାଙ୍କ ମୃତ ଦେହ ଉଦ୍ଧାର ହେବା ଘଟଣାରେ ଅଭିଯୁକ୍ତ ସ୍ୱାମୀକୁ ଗିରଫ କରିଛି ପୁଇଁତଳା ପୁଲିସ । ଗିରଫ ଅଭିଯୁକ୍ତ ହେଲେ ମୃତ ମହିଳାଙ୍କ ସ୍ୱାମୀ ଅଭିଜିତ ଛନ୍ଦl । ତାଙ୍କୁ ପୋଲିସ କୋର୍ଟ ଚାଲାଣ କରାଯାଇଛି ।

ଗତକାଲି ଅଭିଜିତ ଛନ୍ଦlଙ୍କ ସ୍ତ୍ରୀ ମମତା ଛନ୍ଦlଙ୍କ ମୃତଦେହ ତାଙ୍କ ଘରୁ ଉଦ୍ଧାର ହୋଇଥିଲା । ମମତାଙ୍କ ପରିବାର ଲୋକେ ହତ୍ୟା ଅଭିଜିତଙ୍କ ବିରୋଧରେ ହତ୍ୟା ଅଭିଯୋଗ ଆଣିଥିଲେ ।  ଏ ନେଇ ପୁଇଁତଳା ଥାନାରେ ଲିଖିତ ଅଭିଯୋଗ କରିଥିଲେ । ପାରିବାରିକ ବିବାଦକୁ ନେଇ ହତ୍ୟାକାଣ୍ଡ ହୋଇଥିବା ଅଭିଯୋଗ କରିଥିଲେ । ପୋଲିସ ଅଭିଜିତ ଛନ୍ଦlକୁ ଅଟକ ରଖି ପଚାରଉଚୁରା କରୁଥିଲା । ତେବେ ଆଜି ତାକୁ ଗିରଫ କରାଯାଇଛି । ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ସଦର ଥାନା ଏସଡିପିଓ ।