ବାପା ସାଜିଲା କଂସେଇ, ୫ ବର୍ଷର ପୁଅକୁ ୭ ଖଣ୍ଡ କରି ମାଟିତଳେ ପୋତିଦେଲା
Khabar Odisha:buried-his-5-year-old-son-in-four-pieces-and-buried-him-in-the-ground
ଭୋପାଳ, ଡିସେମ୍ବର ୪(ଖବର ଓଡିଶା):

ବାପା ସାଜିଲା କଂସେଇ । ଜନ୍ମ କଲା ପୁଅକୁ ମାରି ପୋତି ଦେଲା ବାପା । ନିଜର ପାଞ୍ଚ ବର୍ଷ ପୁଅକୁ ସାତ ଖଣ୍ଡ କରିଛି ପିଶାଚ ବାପା । ଏଭଳି ହୃଦୟ ବିଦାରକ ଘଟଣା ଘଟିଛି ମଧ୍ୟପ୍ରଦେଶର ଅଲିରାଜପୁର ଅଞ୍ଚଳରେ । ଏହି ଖବର ପାଇବା ପରେ ସାରା ଅଞ୍ଚଳରେ ଚକିତ କରିଦେଇଛି । 

ସୂଚନା ଅନୁସାରେ, ଅଲିରାଜପୁରର ଦିନେଶ ଡାବର ନାମକ ଜଣେ ବ୍ୟକ୍ତି ନିଜ ପୁଅକୁ କୁରାଢିରେ ହତ୍ୟା କରିଥିବା ଖବର ଜଣାପଡିଛି । ତେବେ ଅନ୍ଧବିଶ୍ୱାସକୁ ନେଇ ଦିନେଶ ନିଜ ପୁଅକୁ କୁରାଢିରେ ହାଣି ହତ୍ୟା କରିଥିବା ପ୍ରାଥମିକ ତଦନ୍ତରୁ ଜଣାପଡିଛି । ନିଜ ପୁଅକୁ କୁରାଢିରେ ହାଣି ସାତ ଖଣ୍ଡ କରିଛି ଦିନେଶ । ତେବେ ଘଟଣାରେ କଂସେଇ ବାପାକୁ ପୋଲିସ ଗିରଫ କରିଛି । 

ଦିନେଶଙ୍କ ପତ୍ନୀଙ୍କ ଦେହ ଗତ କିଛି ଦିନ ହେଲା ଖରାପ ରହିଥିଲା । ଯାହାକୁ ନେଇ ଦିନେଶ ଗୁରୁମାତାଙ୍କୁ ଭେଟ କରିଥିଲେ । ଏଥିରେ ଗୁରୁମାତା ଦିନେଶଙ୍କୁ ପୁଅକୁ ହତ୍ୟା କରିବା ପାଇଁ କହିଥିଲେ । କାରାଣ ଦିନେଶଙ୍କ ପୁଅ ପୁରା ପରିବାର ପାଇଣ ଅଶୁଭ ଏବଂ ସେଥିପାଇଁ ତାଙ୍କ ପତ୍ନୀଙ୍କ ଦେହ ଖରାପ ହେଉଛି । 

ସେପଟେ ପୋଲିସ ଅଭିଯୁକ୍ତଙ୍କୁ ଗିରଫ କରି ଛାନଭିନ୍ ଜାରି ରଖିଛି । ଏପରିକି ଦିନେଶଙ୍କ ଗୁରୁମାତାଙ୍କୁ ଗିରଫ ପାଇଁ ଟିମ୍ ଗଠନ କରାଯାଇଛି । ଏହାସହିତ ବିଭିନ୍ନ ସ୍ଥାନରେ ପୋଲିସ ପକ୍ଷରୁ ଚଢାଉ ଜାରି ରହିଥିବା ଜଣାପଡିଛି ।

  • Tags:

Subscribe

National International State Sports Entertainment