ଥାନେ: ମହାରାଷ୍ଟ୍ରର ଥାନେ ଜିଲ୍ଲାର ବଦଲାପୁରସ୍ଥିତ ଏକ ଘରୋଇ ସ୍କୁଲରେ ଦୁଇ ଜଣ ଛାତ୍ରୀଙ୍କୁ ଯୌନ ନିର୍ଯାତନା ଘଟଣାର ତଦନ୍ତ କରୁଥିବା ସ୍ୱତନ୍ତ୍ର ତଦନ୍ତକାରୀ ଦଳ (ଏସ୍ଆଇଟି) ଶୁକ୍ରବାର ସ୍କୁଲର ଦୁଇ ଜଣ ଟ୍ରଷ୍ଟିଙ୍କୁ ଫେରାର ଘୋଷଣା କରିଛି। ଦୁଇ ଟ୍ରଷ୍ଟିଙ୍କ ବିରୋଧରେ ଅବହେଳା ମାମଲା ରୁଜୁ କରିବା ପରେ କ୍ରାଇମବ୍ରାଞ୍ଚ ଓ ସାଇବର ପୁଲିସ ଟିମ୍ ଦୁଇ ଟ୍ରଷ୍ଟିଙ୍କୁ ଖୋଜୁଛନ୍ତି। 

ଅଧିକାରୀମାନେ କହିଛନ୍ତି ଯେ ଦୁଇ ଟ୍ରଷ୍ଟି ତଦନ୍ତରେ ସହଯୋଗ କରୁନାହାଁନ୍ତି। ପୁଲିସ ଟିମ୍ ଦୁଇ ଟ୍ରଷ୍ଟିଙ୍କ ଘରକୁ ଯାଇଥିବା ବେଳେ ସେମାନଙ୍କୁ ସେମାନଙ୍କ ଘରେ ଦେଖିବାକୁ ମିଳିନଥିଲା। ପୂର୍ବରୁ ଏସଆଇଟି କହିଥିଲା ଯେ ବଦଲାପୁର ଯୌନ ନିର୍ଯାତନା ମାମଲାରେ ଅଭିଯୁକ୍ତଙ୍କ ପରିଚୟ ପରେଡ୍ କାର୍ଯ୍ୟନିର୍ବାହୀ ମାଜିଷ୍ଟ୍ରେଟଙ୍କ ଉପସ୍ଥିତିରେ କରାଯିବ, ଯେଉଁଠାରେ ପୀଡ଼ିତା ଅଭିଯୁକ୍ତଙ୍କୁ ଚିହ୍ନଟ କରିବେ।

ନାବାଳିକାଙ୍କ ବିରୋଧରେ ଯୌନ ନିର୍ଯାତନା ଘଟଣାର ସ୍ବତନ୍ତ୍ର ତଦନ୍ତକାରୀ ଦଳ (ଏସ୍ଆଇଟି) ପୋକ୍ସୋ ଆଇନର ଧାରା ୧୯ର ବ୍ୟବସ୍ଥାକୁ ପାଳନ କରୁନଥିବାରୁ ସ୍କୁଲ କର୍ତ୍ତୃପକ୍ଷଙ୍କ ବିରୋଧରେ ଏତଲା ରୁଜୁ କରିଛି, ଯେଉଁଥିରେ ନାବାଳିକାଙ୍କ ବିରୋଧରେ ଏଭଳି ଯୌନ ନିର୍ଯାତନା ସମ୍ପର୍କରେ ପୁଲିସ କର୍ତ୍ତୃପକ୍ଷ କାର୍ଯ୍ୟାନୁଷ୍ଠାନ ଗ୍ରହଣ କରିବା ବାଧ୍ୟତାମୂଳକ କରାଯାଇଛି।

 ବଦଲାପୁରରେ ଦୁଇ ନାବାଳିକାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୁକ୍ତ ଅକ୍ଷୟ ଶେଡଙ୍କୁ କଲ୍ୟାଣ ଅଦାଲତରେ ହାଜର କରାଯାଇଥିଲା। ଶୁକ୍ରବାର ତାଙ୍କ ବିରୋଧରେ ରୁଜୁ ହୋଇଥିବା ଅନ୍ୟ ଏକ ମାମଲାରେ ମଧ୍ୟ ତାଙ୍କୁ କୋର୍ଟଚାଲାଣ କରାଯାଇଥିଲା। କୋର୍ଟ ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇବାକୁ ନିର୍ଦ୍ଦେଶ ଦେଇଛନ୍ତି। ତାଙ୍କୁ ନଭି ମୁମ୍ବାଇର ତାଲୋଜା ଜେଲକୁ ସ୍ଥାନାନ୍ତର କରାଯାଇଛି। ଉଭୟ ପୀଡ଼ିତାଙ୍କ ବିରୋଧରେ ପୃଥକ ମାମଲା ରୁଜୁ କରି ତଦନ୍ତ ଆରମ୍ଭ ହୋଇଛି।

ଅଧିକ ପଢ଼ନ୍ତୁ: ହଷ୍ଟେଲର ବାଳିକା ଶୌଚାଳୟରେ ଗୁପ୍ତ କ୍ୟାମେରା