ଗୌହାଟୀ ରେଳଷ୍ଟେସନରୁ ୫ ରେହିଗ୍ୟା ଗିରଫ
Khabar Odisha:Crime-Assam-Five-rohingyas-arrested-by-RPF-at-Guwahati-railway-station-in-Assam

ନୂଆଦିଲ୍ଲୀ, ମଇ ୧୫ (ଖବର ଓଡ଼ିଶା): ଆସାମର ରାଜଧାନୀ ଗୌହାଟୀ ରେଳ ଷ୍ଟେସନର ୧ ନମ୍ବର ପ୍ଲାଟଫର୍ମରୁ ଆରପିଏଫ ଟିମ ମଙ୍ଗଳବାର ୫ ଜଣ ରୋହିଗ୍ୟା ନାଗରିକଙ୍କୁ ଗିରଫ କରିଛି । ଆରପିଏଫ ଟିମର ଇନ୍ସପେକ୍ଟର ପ୍ରସନ୍ନ ଦୋଇମାରୀଙ୍କ ନେତୃତ୍ୱରେ ରୋହିଗ୍ୟାମାନେ ଗିରଫ ହୋଇଛନ୍ତି । 

ଗିରଫ ହୋଇଥିବା ରୋହିଗ୍ୟା ମାନଙ୍କ ଠାରୁ ଭାରତୀୟ ନାଗରିକତାର ନକଲି ପ୍ରମାଣପତ୍ର ବ୍ୟତୀତ ମିଆଁମାର ଉତ୍ପାଦିତ ସିଗାରେଟ, ତମ୍ବାଖୁ ଅନ୍ୟାନ୍ୟ ସାମଗ୍ରୀ ଜବତ ହୋଇଛି । ଆରପିଏଫ ପଖରୁ ମଗାଯାଇଥିବା ପ୍ରମାଣପତ୍ର ରୋହିଗ୍ୟାଙ୍କ ନିକଟରେ ନଥିଲା । ଏଥି ପାଇଁ ୫ଜଣଙ୍କ ପ୍ରତି ଆରପିଏଫର ସନ୍ଦେହ ଜାତ ହୋଇଥିଲା । ଯାଂଚ କରାଯିବା ପରେ ମଧ୍ୟ ବୈଧ ପାସପୋର୍ଟ ମିଳି ନଥିଲା । 

ଗିରଫ ହୋଇଥିବା ୫ ଅଭିଯୁକ୍ତଙ୍କ ମଧ୍ୟରେ ୪ ଜଣ ପୁରୁଷ ହୋଇଥିବା ବେଳେ ଜଣେ ହେଉଛନ୍ତି ମହିଳା । ଏମାନଙ୍କ ବୟସ ୨୦ ରୁ ୨୫ ବର୍ଷ ମଧ୍ୟରେ ହେବ । ଏମାନଙ୍କ ଠାରୁ ଦିଲ୍ଲୀ ଯିବା ପାଇଁ ଟିକେଟ ମଧ୍ୟ ଜବତ ହୋଇଛି । ପଚରାଉଚରା ବେଳେ ଏମାନେ ମିଆଁମାର ନାଗରିକ ବୋଲି ପୋଲିସ ଜାଣିବାକୁ ପାଇଛି । ଏହି ୫ ଜଣ ପୂର୍ବରୁ ୨୦୧୮ ମାର୍ଚ୍ଚ ରେ ଭାରତରେ ସୀମାନ୍ତ ରାଜ୍ୟ ମଣିପୁର ପ୍ରବେଶ କରିବା ପାଇଁ ଉଦ୍ୟମ କରି ଗିରଫ ହୋଇଥିଲେ । ମଣିପୁରର ରାଜଧାନୀ ଇମ୍ଫାଳ ଜେଲରେ ଏକ ବର୍ଷ ଜେଲରେ ରହିବା ପରେ ଜାମିନରେ ଯାଇଥିଲେ । ଏହା ପରେ ମଣିପୁରରୁ ଏମାନେ ଫେରାର ହୋଇ ଯାଇଥିଲେ । 

ଗିରଫ ଅଭିଯୁକ୍ତ ମାନେ ହେଲେ ରଖାୟନ ରାଜ୍ୟ ନିବାସୀ ୨୪ ବର୍ଷୀୟ ଆରୋଫା, ୨୧ ବର୍ଷିଅ ମହମ୍ମଦ ଜୁବର, ୧୯ ବର୍ଷିଅ ମହମ୍ମଦ କମଲ ହୁସେନ, ୧୯ ବର୍ଷିଅ ନରୁଲ ହାକିମ ଓ ମହମ୍ମଦ କଲିମୁଲା । 

 

 

  • Tags:

Subscribe

National International State Sports Entertainment