ଆପ୍‌ ରାଜନୀତି କନ୍ଦଳ: କପିଲ ମିଶ୍ରାଙ୍କ ଅନଶନ ପ୍ରତିବାଦରେ ଆପ୍‌ ବିଧାୟକଙ୍କ ଅନଶନ, ପୋଲିସ୍‌ ଦ୍ୱାରା ଅଟକ
Khabar Odisha:Sanjib-Jha-sits-on-Hunger-strike-against-Kapil-mishra
ନୂଆଦିଲ୍ଲୀ, ମଇ୧୩(ଖବର ଓଡ଼ିଶା): ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ନେଇ ଚାଲିଥିବା ଭ୍ରଷ୍ଟାଚାରରେ ସାମିଲଥିବା ଚର୍ଚ୍ଚା ବଢ଼ିବାରେ ଲାଗିଛି। ଦଳରୁ ନିଷ୍କାସିତ ହେବା ପରେ ପୂର୍ବ ମନ୍ତ୍ରୀ କପିଲ ମିଶ୍ରା କେଜ୍ରିୱାଲଙ୍କ ବିରୁଦ୍ଧରେ ଅନଶନରେ ବସିଥିବା ବେଳେ ଏବେ ଏହାକୁ ବିରୋଧ କରି ଆମ ଆଦମି ପାର୍ଟୀର ବିଧାୟକ ସଂଜିବ ଝା ଅନଶନ କରିବା ଆରମ୍ଭ କରିଦେଇଛନ୍ତି।
 
ବୁରାଡ଼ିଠାରୁ ସେ ଅନଶନ କରିବାକୁ ନିଷ୍ପତି ନେଇଥିବା ବେଳେ ଖୁବ୍‌ ଶିଘ୍ର ଅରବିନ୍ଦ କେଜ୍ରିୱାଲଙ୍କ ଉପରେ ଲଗାଇଥିବା ଅଭିଯୋଗକୁ କପ୍ରମାଣ କରନ୍ତୁ ବୋଲି ସେ ଦାବି କରିଛନ୍ତି। ଯେତେ ପର୍ୟ୍ୟନ୍ତ ସେ ଏହାର ପ୍ରମାଣ ଦେଇନାହାନ୍ତି ସେ ଅନଶନରୁ ଉଠିବେ ନାହିଁ ବୋଲି ପ୍ରକାଶ କରିଛନ୍ତି। ତେବେ ସୁଚନା ମୁତାବକ ସେ ପ୍ରଥମେ ରାଜଘାଟ ପହଞ୍ଚିବା ପରେ କପିଲ ମିଶ୍ରାଙ୍କ ଘରକୁ ଯାଇଥିଲେ। ସେଠାରେ ପୋଲିସ୍‌ ତାଙ୍କୁ କପିଲଙ୍କ ସହ ଭେଟିବାକୁ ବାରଣ କରିବା ସହ ଅଟକ ରଖିଛି।
 
କହିରଖୁଛୁ ଯେ, କପିଲ ରବିବାର କିଛି ନୂଆ ଖୁଲାସା କରିବେ ବୋଲି ସୁଚନା ଦେଇଛନ୍ତି। ଇତିମଧ୍ୟରେ ତାଙ୍କର ସ୍ୱାସ୍ଥ୍ୟାବସ୍ଥାରେ ସୁଧାର ଆସୁନଥିଲେ ହେଁ ସେ ଏଥିରୁ ନିବୃତ୍ତ ହେଉନାହାନ୍ତି। ଏହା ସହ ସେ ଏକ ଚିଠି ମାଧ୍ୟମରେ ଝାଙ୍କୁ ଜବାବ ମଧ୍ୟ ଦେଇଛନ୍ତି। ଯେଉଁ ୨କୋଟି ଟଙ୍କା ବିଷୟରେ କୁହାଯାଉଛି ବା ଚର୍ଚ୍ଚା ଚାଲିଛି ତାହାର ମୁଁ ନିଜେ ସାକ୍ଷୀ। ମୋ ପାଖରେ ଯାହା ବି ସୂଚନା ରହିଛି ତାହା ମୋର ଶକ୍ତି ଅଟେ। ମାତ୍ର କେଜ୍ରିୱାଲ ଚାହାନ୍ତି ଯେ ମୁଁ ସେଗୁଡ଼ିକୁ ସାର୍ବଜନୀନ କରିଦିଏ ବୋଲି କପିଲ ଚିଠିରେ ଉଲ୍ଲେଖ କରିଛନ୍ତି।
 
ସୁଚନା ଯୋଗ୍ୟ ଯେ, ୬ ମଇରେ ସେ ଦଳର ପଦରୁ ବହିଷ୍କୃତ ହେବା ପୂର୍ବରୁ କେଜ୍ରିୱାଲ ଭ୍ରଷ୍ଟାଚାରରେ ସାମିଲ ଅଛନ୍ତି ବୋଲି ପ୍ରକାଶ କରିଥିଲେ। କେଜ୍ରିୱାଲ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କଠାରୁ ୨ କୋଟି ଟଙ୍କା ନେଇଛନ୍ତି ବୋଲି ସେ ଅଭିଯୋଗ କରିଥିଲେ।

 

  • Tags:

Subscribe

National International State Sports Entertainment