ରାଜ୍ୟସଭା ପ୍ରାର୍ଥୀ ହେବେ ପ୍ରତାପ ଦେବ: ମୁଖ୍ୟମନ୍ତ୍ରୀ
Khabar Odisha:CM-chooses-Pratap-Dev-for-Rajya-Sabha-by-pole
ଭୁବନେଶ୍ୱର, ମେ ୧୧(ଖବର ଓଡ଼ିଶା): ଓଡ଼ିଶାର ଖାଲି ପଡିଥିବା ଗୋଟିଏ ରାଜ୍ୟସଭା ଆସନ ପାଇଁ ଲାଗି ରହିଥିବା କଳ୍ପନା ଜଳ୍ପନାରେ ପୂର୍ଣ୍ଣଚ୍ଛେଦ ପକାଇଛନ୍ତି ବିଜେଡ଼ି ସପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦଳର ମୁଖପାତ୍ର ଶ୍ରୀଯୁକ୍ତ ପ୍ରତାପ କେଶରୀ ଦେବ ରାଜ୍ୟସଭା ପାର୍ଥୀ ହେବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି।
 
ପୂର୍ବତନ ସାଂସଦ ବିଷ୍ଣୁ ଦାସ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ନିଯୁକ୍ତ ହେବା ପରେ ସେ ରାଜ୍ୟସଭା ପଦରୁ ଇସ୍ତଫା ଦେଇଥିଲେ । ଏହା ପରେ ଆସନଟି ଖାଲି ପଡିଥିଲା । ସଂଖ୍ୟା ଦୃଷ୍ଟିରୁ ଏହି ଆସନଟି ବିଜେଡି ଦଳକୁ ଯିବ । ମୁଖ୍ୟମନ୍ତ୍ରୀଙ୍କ ଭଉଣୀ ଗୀତା ମେହେଟ୍ଟାଙ୍କୁ ନେଇ ଚର୍ଚ୍ଚା ଖୁବ୍‌ ଜୋର୍‌ ଧରିଥିଲା । ତେବେ ଗୀତା ରାଜନୀତିଙ୍କୁ ଆସିବାକୁ ଚାହୁଁ ନାହାଁନ୍ତି ବୋଲି ନବୀନ ସ୍ପଷ୍ଟ କରିଥିଲେ ।
 
ଏଠାରେ ସୂଚନା ଯୋଗ୍ୟ ଯେ ଓଡିଶାର ଖାଲିଥିବା ଗୋଟିଏ ରାଜ୍ୟସଭା ଆସନ ପାଇଁ ୮ ତାରିଖ ଦିନ ବିଜ୍ଞପ୍ତି ପ୍ରକାଶ ପାଇଛି। ଆସନ୍ତା ୧୨ ତାରିଖରେ ଏହି ନାମାଙ୍କନ ପତ୍ରମାନଙ୍କର ଯାଂଚ  କରାଯିବା ସହ  ନାମାଙ୍କନ ପତ୍ର ଦାଖଲ କରିବାର ଶେଷ ତାରିଖ ମେ ୧୫ ରହିଛି । ମେ ୨୫ରେ ରାଜ୍ୟ ସଭା ଉପ-ନିର୍ବାଚନ ଅନୁଷ୍ଠିତ ହେବ ।
  • Tags:

Subscribe

National International State Sports Entertainment