ମହାରାଷ୍ଟ୍ରର ମହିଳା ଆଇପିଏସ୍‌, ଗୋଟିଏ ଚାପୁଡାରେ ବନ୍ଦ କରିଥିଲେ ଦଙ୍ଗା
Khabar Odisha:one-slap-this-lady-ips-officer-end-riots-at-karad
ମୁମ୍ବାଇ,ଏପ୍ରିଲ୨୯(ଖବର ଓଡିଶା): ମହାରାଷ୍ଟ୍ରରେ ୧୩୭ ଜଣ ଆଇଏସ୍‌ ଅଫିସରଙ୍କ ବଦଳି ହୋଇଛି । ଏହାକୁ ଏବେ ସୁଦ୍ଧାର ସବୁଠାରୁ ବଡ ଅଦଳବଦଳ ବୋଲି କୁହାଯାଉଛି । ଏଥିମଧ୍ୟରେ ସ୍ପେଶାଲ୍‌ ଆଇଜି ଅର୍ଚ୍ଚନା ତ୍ୟାଙ୍ଗୀଙ୍କୁ ବଦଳି କରାଯାଇ ମୁମ୍ବାଇର ଜଏଣ୍ଟ କମିଶନର୍‌ କରାଯାଇଛି । ନିଜ ଦମ୍‌ଦାର ଛବି ପାଇଁ ଏହି ମହିଳା ଅଫିସର ଜଣାଶୁଣା । କୁହାଯାଏ ଗୋଟିଏ ଚାପୁଡାରେ ସେ ଦୁଇ ଦଳ ମଧ୍ୟରେ ହୋଇଥିବା ଦଙ୍ଗାକୁ ବନ୍ଦ କରି ଦେଇଥିଲେ ।
 
ଏସ୍‌ପି ଭାବେ ଅର୍ଚ୍ଚନାଙ୍କର ନିଯୁକ୍ତି ମହାରାଷ୍ଟ୍ରର ସମ୍ବେଦନଶୀଳ ଅଞ୍ଚଳ ବୋଲି କୁହା ଯାଉଥିବା କରାଡ୍‌ରେ ହୋଇଥିଲା । ଏହି  ଅଞ୍ଚଳରେ ଦୁଇ ସମ୍ପ୍ରଦାୟ ମଧ୍ୟରେ ନିତି ପ୍ରତିଦିନ ସଂଘର୍ଷ ହୋଇଥାଏ । ତାଙ୍କ ନିଯୁକ୍ତି ପରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ସୂଚନା ମିଳିବା ପରେ ଅର୍ଚ୍ଚନା ସେଠାକୁ ଯାଇ ଉଭୟ ଗୋଷ୍ଠୀକୁ ବୁଝାଇବାକୁ ଚେଷ୍ଟା କରିଥିଲେ । ମାତ୍ର ଦୁଇ ଦଳ ନବୁଝି ପୋଲିସକୁ ଗାଳି କରିବା ଆରମ୍ଭ କରିଥିଲେ । ଏପରି ପରିସ୍ଥିତିରେ ଅର୍ଚ୍ଚନା ଜଣେ ବ୍ୟକ୍ତି ଗାଲରେ ଶକ୍ତ ଚାପୁଡା କଷିଥିଲେ । ଚାପୁଡାର ଶବ୍ଦ ଶୁଣି ହଙ୍ଗାମା କରୁଥିବା ଲୋକମାନେ ଶାନ୍ତ ହୋଇ ଯାଇଥିଲେ ଓ ଏହାର କିଛି ସମୟ ପରେ ସଂଘର୍ଷ ସମ୍ପୂର୍ଣ୍ଣ ଭାବରେ ବନ୍ଦ ହୋଇ ଯାଇଥିଲା । କରାଡ୍‌ ଅଞ୍ଚଳରେ ବହୁ ଅପରାଧିକ କାର୍ଯ୍ୟକଳାପକୁ ଅର୍ଚ୍ଚନା ଖୁବ୍‌ କମ୍ ଦିନରେ ବନ୍ଦ କରି ଦେଇଥିଲେ । ମାତ୍ର ଅକସ୍ମାତ ତାଙ୍କର ବଦଳି ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
 
ଡେରାଡୁନ୍‌ର ଏକ ଶିକ୍ଷକ ପରିବାରରେ ଜନ୍ମଗ୍ରହଣ କରିଛନ୍ତି ଅର୍ଚ୍ଚନା । ତ୍ୟାଗୀଙ୍କର ଜିମ୍‌ରୁ ସକାଳ ଆରମ୍ଭ ହୁଏ । ଅର୍ଚ୍ଚନା ପୋଲିସ୍‌ ମାନଙ୍କ ପାଇଁ ରତ୍ନଗିରିରେ ଯୋଗ ବାଧ୍ୟତାମୂଳକ କରିଥିଲେ । ସେ ମହିଳାମାନଙ୍କ ସମସ୍ୟାକୁ ଆଖି ଆଗରେ ରଖି ସ୍ପେଶାଲ ମହିଳା ସେଲ୍‌ ଗଠନ କରିଥିଲେ । ମହାରାଷ୍ଟ୍ରରେ ସେ ବହୁ ମଦ ଦୋକାନ, ଡ୍ରଗ୍‌ସ ଆଡ୍‌ଡା, ହତ୍ୟା ଘଟଣା ଭଳି ବହୁ ମାମଲା ହାତକୁ ନେଇ ସମାଧାନ କରିଥିଲେ ।
  • Tags:

Subscribe

National International State Sports Entertainment