ନୂଆଦିଲ୍ଲୀ: ଅପରେସନ ସିନ୍ଦୂରରେ ପାକିସ୍ତାନକୁ ଦୃଢ଼ ଜବାବ ଦେଇ ସାରା ବିଶ୍ୱକୁ ଚକିତ କରିଥିବା ଭାରତର ବ୍ରହ୍ମୋସ ସୁପରସୋନିକ୍ କ୍ଷେପଣାସ୍ତ୍ରର ପରବର୍ତ୍ତୀ ସଂସ୍କରଣ ଆସିବାକୁ ଯାଉଛି । ଖୁବ୍ ଶୀଘ୍ର ବ୍ରହ୍ମୋସର ହାଇପରସୋନିକ୍ ପ୍ରକାର ମଧ୍ୟ ଆସିବାକୁ ଯାଉଛି । ଭାରତ ଏବଂ ରୁଷ ଏହି କ୍ଷେପଣାସ୍ତ୍ରକୁ ମିଳିତଭାବେ ନିର୍ମାଣ କରିବେ । ଯାହାର ମୁକାବିଲା ଚୀନା ଏବଂ ଆମେରିକା ଭଳି ଶକ୍ତିଶାଳୀ ଦେଶ ମଧ୍ୟ ବାୟୁ ପ୍ରତିରକ୍ଷା ପ୍ରଣାଳୀରେ ଭାରତର ମୁକାବିଲା କରିପାରିବେ ନାହିଁ । 

ବ୍ରହ୍ମୋସ୍ ଏରୋସ୍ପେସର ପୂର୍ବତନ ମହାନିର୍ଦ୍ଦେଶକ ଅତୁଲ ରାଣେ କହିଛନ୍ତି ଯେ ବ୍ରହ୍ମୋସ୍ ହାଇପରସୋନିକ୍ କ୍ଷେପଣାସ୍ତ୍ର ଉପରେ କାମ ଆରମ୍ଭ ହୋଇଛି । ଉଭୟ ଭାରତ ଏବଂ ରୁଷ ପ୍ରକଳ୍ପରେ କାମ କରିବା ଆରମ୍ଭ କରିଦେଇଛନ୍ତି । ବ୍ରହ୍ମୋସ୍ କ୍ଷେପଣାସ୍ତ୍ରର ନାମକରଣ ଭାରତ ଏବଂ ରୁଷର ଦୁଇଟି ନଦୀ, ବ୍ରହ୍ମପୁତ୍ର ଏବଂ ମସ୍କୋବା ନାମରେ ରଖାଯାଇଛି । ଏହି ପ୍ରକଳ୍ପରେ ଡିଆରଡିଓର ୫୦.୫୦ ପ୍ରତିଶତ ଅଂଶଧନ ଅଛି ଏବଂ ରୁଷ କମ୍ପାନୀର ୪୯.୫୦ ପ୍ରତିଶତ ଅଂଶଧନ ଅଛି।

ତେବେ ବ୍ରହ୍ମୋସ ହାଇପରସୋନିକ୍ କ୍ଷେପଣାସ୍ତ୍ରର ଶକ୍ତି କିମ୍ବା ଗତି ବିଷୟରେ କୌଣସି ଆନୁଷ୍ଠାନିକ ସୂଚନା ପ୍ରଦାନ କରାଯାଇନାହିଁ । ତଥାପି ଏହି କ୍ଷେପଣାସ୍ତ୍ର ଧ୍ୱନୀର ଗତି ଅପେକ୍ଷା 8 ଗୁଣ ଅଧିକ ଦ୍ରୁତ ଗତିରେ ଯିବ ।  ୧୫୦୦ କିଲୋମିଟର ଦୂରରେ ରହି ଶତ୍ରୁ ପକ୍ଷକୁ ଟାର୍ଗେଟ୍ କରିବାର କ୍ଷମତା ରଖିଛି । କୁହାଯାଉଛି କି ପାକିସ୍ତାନ ଏବଂ ଚୀନର ଏକ ବଡ଼ ବଡ଼ ଅଞ୍ଚଳ ମଧ୍ୟ ଏହାର ପରିସରରେ ଆସିବ । ମାକ୍-୮ କିମ୍ବା ମାକ୍-୯ ପର୍ଯ୍ୟନ୍ତ ହୋଇପାରେ । ଅର୍ଥାତ୍, ବ୍ରହ୍ମୋସ ସୁପରସୋନିକ୍ କ୍ଷେପଣାସ୍ତ୍ର ଘଣ୍ଟା ପ୍ରତି  ୧୧୦୦୦ କିଲୋମିଟର ବେଗରେ ଆକ୍ରମଣ କରିପାରିବ ।

ସେହିପରି ବ୍ରହ୍ମୋସ ହାଇପରସୋନିକ୍ କ୍ଷେପଣାସ୍ତ୍ରରେ ସ୍କ୍ରାମଜେଟ୍ ଇଞ୍ଜିନ୍ ବ୍ୟବହାର କରାଯିବ। ଏହା ବାୟୁରେ ଅମ୍ଳଜାନ ଟାଣି ଦୀର୍ଘ ସମୟ ପର୍ଯ୍ୟନ୍ତ ଉଡ଼ିପାରିବ । ଏହା ବ୍ୟତୀତ ଏହି କ୍ଷେପଣାସ୍ତ୍ରର ଓଜନ ମଧ୍ୟ କମ୍ ହେବ ଯାହା ଦ୍ୱାରା ଏହାକୁ ତେଜସ୍ ବିମାନରୁ ସହଜରେ ନିକ୍ଷେପ କରାଯାଇପାରିବ । ଇସ୍ରାଏଲର ଆଇରନ୍ ଡୋମ୍ ବାୟୁ ପ୍ରତିରକ୍ଷା ପ୍ରଣାଳୀକୁ ବହୁତ ଉନ୍ନତ ବୋଲି ବିବେଚନା କରାଯାଏ । ତଥାପି, ବ୍ରହ୍ମୋସ ହାଇପରସୋନିକ୍ କ୍ଷେପଣାସ୍ତ୍ରକୁ ରୋକିବା ଏହା ପାଇଁ କଷ୍ଟକର ହେବ । 

ଏହା କେବଳ ଦ୍ରୁତ ଗତିରେ ନିଜର ଲକ୍ଷ୍ୟସ୍ଥଳକୁ ଆକ୍ରମଣ କରିପାରିବ ନାହିଁ ବରଂ ଶୀଘ୍ର ଘୂର୍ଣ୍ଣନ ମଧ୍ୟ କରିପାରିବ। ଏପରି ପରିସ୍ଥିତିରେ, ଶତ୍ରୁ ପକ୍ଷରେ ଏହାକୁ ଅଟକାଇବା ସହଜ ହେବ ନାହିଁ। ଏହା ଶତ୍ରୁର ରାଡାର ପ୍ରଣାଳୀକୁ ପରାସ୍ତ କରିବାରେ ମଧ୍ୟ ସକ୍ଷମ ହେବ। ଉନ୍ନତ ନିୟନ୍ତ୍ରଣ ପ୍ରଣାଳୀ, ଗୁପ୍ତ ବୈଶିଷ୍ଟ୍ୟ ଏବଂ ଡିଜାଇନ୍ ଏହାକୁ ଆହୁରି ସ୍ୱତନ୍ତ୍ର କରିଥାଏ।