OTM ମାମଲାରେ ଆଜି ରାଜ୍ୟସରକାର ହାଇକୋର୍ଟରେ ସତ୍ୟପାଠ ଦାଖଲ କରିଛନ୍ତି | ଓଟିଏମକୁ ରାଜ୍ୟ ସରକାର ନିଜ ଅକ୍ତିଆରକୁ ନେଇସାରିଛନ୍ତି । ଏନେଇ ଆଜି ଏକ ସତ୍ୟପାଠ ଜରିଆରେ ହାଇକୋର୍ଟଙ୍କୁ ଅବଗତ କରାଇଛନ୍ତି ସରକାରୀ ପକ୍ଷ। 5 ତାରିଖ ଅପରାହ୍ନ 4ଟା ସୁଦ୍ଧା ଓଟିଏମକୁ ନିଜ ଅକ୍ତିଆରକୁ ନେବାଲାଗି ଗତ 3 ତାରିଖ ଦିନ ରାଜ୍ୟ ସରକାରଙ୍କୁ ନିର୍ଦେଶ ଦେଇଥିଲେ ହାଇକୋର୍ଟ । ନଚେତ ମାସିକ 6 ଲକ୍ଷ ଲେଖାଏଁ ତଣ୍ଡ ଗଣିବାକୁ ହେବ ବୋଲି ମଧ୍ୟ କୋର୍ଟ ଚେତାଇ ଦେଇଥିଲେ । ତେବେ ଉକ୍ତ ନିର୍ଦେଶ କାର୍ଯ୍ୟକାରୀ ହୋଇଛି ବୋଲି ଆଜି ହାଇକୋର୍ଟଙ୍କୁ ଅବଗତ କରାଯାଇଛି । କିନ୍ତୁ ଶ୍ରମିକମାନଙ୍କ ପ୍ରାପ୍ୟ, ବକେୟା ଦରମା ଆଦି ପ୍ରଦାନ ପାଇଁ କଣ ପଦକ୍ଷେପ ନିଆଯାଇଛି । ସେନେଇ ତଥ୍ୟ ରଖିବାକୁ ଲିକ୍ୟୁଡେଟରଙ୍କୁ ନିର୍ଦ୍ଦେଶ ହୋଇଛି ।
ଏହି ମାମଲାର ପରବର୍ତ୍ତୀ ଶୁଣାଣି 20 ଡିସେମ୍ବର 2022 ରେ ଅନୁଷ୍ଠିତ ହେବ। ଓଡିଶାର ଆଡଭୋକେଟ୍ ଜେନେରାଲ୍ ଅଶୋକ ପାରଜା ଗତ ମାସରେ ଓଡ଼ିଶା ହାଇକୋର୍ଟଙ୍କୁ ସୂଚନା ଦେଇଥିଲେ ଯେ ଓଡିଶା ସରକାର ଓଟିଏମ୍ ଦାୟିତ୍ୱ ଗ୍ରହଣ କରିବେ।