ଏକାଧିକ କର୍ମଚାରୀ କରୋନା ପଜିଟିଭ୍ ଚିହ୍ନଟ ପରେ ଆସନ୍ତା ୧୭ ତାରିଖରୁ ବନ୍ଦ ରହିବ ଏମସ୍ ର ଓପିଡ଼ି ଭୁବନେଶ୍ୱର ,ଜାନୁଆରୀ 15(ଖବର ଓଡ଼ିଶା): Share story: ଆସନ୍ତା ୧୭ ତାରିଖରୁ ଏମସ୍ ର ଓପିଡ଼ି ବନ୍ଦ ଲାଗି ଘୋଷଣା ହୋଇଛି । ଏମସ୍ କିଛି କର୍ମଚାରୀ ଓ ଅଧିକାରୀ କରୋନାରେ ଆକ୍ରାନ୍ତ ପରେ ଏପରି ନିଷ୍ପତ୍ତି ନିଆଯାଇଛି । କିନ୍ତୁ ଓପିଡ଼ି ବନ୍ଦ ହେଲେ ମଧ୍ୟ କିଛି ଜରୁରୀକାଳୀନ ସେବା ଜାରୀ ରହିବ । ତେବେ ଏହି ପଦକ୍ଷେପ ଗ୍ରହଣ ନେଇ ସୁଚନା ଦେଇଛି ଭୁବନେଶ୍ୱର ଏମସ୍ । ଟେଲିମେଡି ସର୍ଭିସେସ ଜରିଆରେ ଡାକ୍ତରଙ୍କ ସହିତ ଯୋଗାଯୋଗ କରିପାରିବେ ରୋଗୀ । ଏମ୍ସ ଭୁବନେଶ୍ୱର ସ୍ୱାସ୍ଥ୍ୟ ଆପ ମଧ୍ୟରେ ମଧ୍ୟ ଡାକ୍ତରମାନଙ୍କ ସହିତ ଆଲୋଚନା କରିପାରିବେ ରୋଗୀ । କାଜୁଆଲିଟି, ଏମରଜେନ୍ସି ଓ ଡାଇଲେସିସ୍ ସେବା ଜାରି ରହିବ । ପରବର୍ତ୍ତୀ ନିର୍ଦ୍ଦେଶନାମା ଆସିବା ପର୍ଯ୍ୟନ୍ତ ଏହା ଲାଗୁ ରହିବ । ଖବର ଓଡ଼ିଶା, Reporter, 15/01/2022