ମାଷ୍ଟରକ୍ୟାଣ୍ଟିନରେ ଅଜଣା ଯୁବକଙ୍କ ମୃତଦେହ ଉଦ୍ଧାର। ଏକ ଅଜଣା ଗାଡିରୁ ବ୍ୟକ୍ତିଙ୍କୁ ଠେଲି ଦେଇଥିବା ଅଭିଯୋଗ। ସ୍ଥାନୀୟ ଦୋକାନୀ ଅଚେତ ଅବସ୍ଥାରେ ଯୁବକଙ୍କୁ ପଡିଥିବା ଦେଖି ପୋଲିସକୁ ଖବର ଦେଇଥିଲେ। ଏହାପରେ ପୋଲିସ ଆମ୍ବୁଲାନ୍ସ ସହ ପହଞ୍ଚି ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ହସ୍ପିଟାଲ ନେବା ରାସ୍ତାରେ ବ୍ୟକ୍ତିଙ୍କୁ ମୃତ୍ୟୁ ହୋଇଥିବା ପୋଲିସ ସୂଚନା ଦେଇଛି ।

ସୂଚନା ମୁତାବକ,  ଭୁବନେଶ୍ୱରରେ ଚାଞ୍ଚଲ୍ୟ ମାଷ୍ଟରକ୍ୟାଣ୍ଟିନରେ ଯୁବକଙ୍କ ମୃତଦେହ ଉଦ୍ଧାର। ଅଜଣା ଗାଡିରୁ ବ୍ୟକ୍ତିଙ୍କୁ ଠେଲି ଦେଇଥିବା ସ୍ଥାନୀୟ ବାସିନ୍ଦା ପୋଲିସକୁ କହିଛନ୍ତି। ଏହାପରେ ପୋଲିସ ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ ହେଲେ ଡାକ୍ତର ଯୁବକଙ୍କୁ ମୃତ ଘୋଷଣା କରିଥିବା ଜଣାପଡିଛି। ତେବେ କିଏ ଓ କାହିଁକି ଯୁବକଙ୍କୁ ଫିଙ୍ଗି ଚାଲିଗଲା ଏହାର କାରଣ ଅସ୍ପଷ୍ଟ ରହିଛି। ପ୍ରାଥମିକ ତଦନ୍ତରୁ ଉକ୍ତ ବ୍ୟକ୍ତି ମାଷ୍ଟରକ୍ୟାଣ୍ଟିନ୍ ଛକରେ ବୁଲାବୁଲିି କରୁଥିଲେ ବୋଲି ପୋଲିସ କହିଛି । ତାଙ୍କର ବୟସ ପ୍ରାୟ ୩୫ ବର୍ଷ ହେବ। ଉକ୍ତ ଅଜଣା ଗାଡିକୁ କ୍ୟାପିଟାଲ ଥାନା ପୋଲିସ ଖୋଜୁଛି। ସିସିଟିଭିରୁ ଗାଡି ସମ୍ପର୍କରେ ତଥ୍ୟ ପାଇଛି ପୋଲିସ। କେଉଁ କାରଣରୁ ମୃତ୍ୟୁ ହୋଇଛି ତାକୁ ନେଇ ପୁଲିସ ଅଧିକ ତଦନ୍ତ ଚଳାଇଛି ।

ଅଧିକ ପଢନ୍ତୁ ; ଅଖା ଭିତରୁ ମହିଳାଙ୍କ ମୃତଦେହ ଉଦ୍ଧାର