ଏକ ରୋମାଞ୍ଚକର ମ୍ୟାଚର ଅନ୍ତରେ ୩ ୱିକେଟ୍ ରେ ବାଜି ମାରିଛି ରାଜସ୍ଥାନ ରୟାଲ୍ସ । ଚଣ୍ଡିଗଡ଼ରେ ଖେଳାଯାଇଥିବା ଏହି ମ୍ୟାଚ ଶେଷ ଓଭରରେ ପହଞ୍ଚିଥିଲେ ମଧ୍ୟ ସିମରନ ହେଟମାୟର ୧୦ ବଲରେ ୨୭ ରନ କରି ମ୍ୟାଚ ଜିତାଇଛନ୍ତି ଓ ମ୍ୟାଚର ଶ୍ରେଷ୍ଠ ଖେଳାଳି ରୂପେ ବିବେଚିତ ମଧ୍ୟ ହୋଇଛନ୍ତି । ଟସ୍ ଜିତି ବୋଲିଂର ନିଷ୍ପତି ନେଇଥିଲେ ରାଜସ୍ଥାନର ଅଧିନାୟକ ସଂଜୁ ସାମସନ । ରାଜସ୍ଥାନର ବୋଲର ସୁନ୍ଦର ବୋଲିଂର ପ୍ରଦର୍ଶନ କରିବା ସହ ୭୦ ରନରେ ୫ଟି ୱିକେଟ୍ ନେବାରେ ସଫଳ ହୋଇଥିଲେ । ଲିଆମ ଲିବିଙ୍ଗଷ୍ଟୋନଙ୍କ ୧୪ ବଲରେ ୨୧ ରନ ଏବଂ ଆଶୁତୋଷ ଶର୍ମାଙ୍କ ୧୬ ବଲରେ ୩୧ ରନ ସାହାଯ୍ୟରେ ପଞ୍ଜାବ କିଙ୍ଗ୍ସ ୨୦ ଓଭର ଶେଷ ସୁଦ୍ଧା ୧୪୭ ରନରେ ପହଞ୍ଚିଥିଲା । ରାଜସ୍ଥାନ ପକ୍ଷରୁ କେଶବ ମହାରାଜ ଏବଂ ଆଭେଶ ଖାନ ୨ଟି ଲେଖାଏଁ ୱିକେଟ୍ ନେଇଥିଲେ । ଟ୍ରେଣ୍ଟ ବୋଲ୍ଟ , କୁଲଦୀପ ସେନ ଓ ୟୁଜବେନ୍ଦ୍ର ଚହଲ ଗୋଟିଏ ଲେଖାଏଁ ୱିକେଟ୍ ନେଇଥିଲେ । 

ଦ୍ଵିତୀୟ ଇନିଂସରେ ରାଜସ୍ଥାନର ଓପନିଂ ବ୍ୟାଟ୍ସମ୍ୟାନ ମନ୍ଥର ଗତିରେ ବ୍ୟାଟିଂ କରିଥିଲେ । ୟଶସ୍ଵୀ ଜେସୱାଲ ୨୮ ବଲରେ ୩୯ ରନ କରିଥିବାବେଳେ ତନୁଷ କୋଟିଆନ ୩୧ ବଲରେ ୨୪ ରନ କରିଥିଲେ । ସଂଜୁ ସାମସନ ୧୪ ବଲରେ ୧୮, ରିୟାନ ପରାଗ ୧୮ ବଲରେ ୨୩, ଧ୍ରୁବ ଯୁରେଲ ୧୧ ବଲରେ ୬, ସିମରନ ହେଟମାୟର ୧୦ ବଲରେ ୨୭, ରୋମାନ ପୋଏଲ ୫ ବଲରେ ୧୧ ଓ କେଶବ ମହାରାଜ ୨ ବଲରେ ୧ ରନ କରିଥିଲେ । ଅର୍ଶଦୀପ ସିଂ, ଲିଆମ ଲିବିଙ୍ଗଷ୍ଟୋନ ଓ ହର୍ଶଲ ପଟେଲ ଗୋଟିଏ ଲେଖାଏଁ ୱିକେଟ୍ ନେଇଥିଲେ । କଗିସ ରବାଡା ଓ ସାମ କରନ ୨ଟି ଲେଖାଏଁ ୱିକେଟ୍ ନେଇଥିଲେ ।

ଅଧିକ ପଢ଼ନ୍ତି : କମାଲ କଲେ ରାଶିଦ, ମ୍ୟାଚ ଜିତିଲା ଗୁଜୁରାଟ