ଗୁଜୁରାଟ ବିପକ୍ଷରେ ଶଶାଙ୍କ ସିଂଙ୍କ ୨୯ ବଲରେ ୬୧ ରନ ସାହାଯ୍ୟରେ ପଞ୍ଜାବ ମ୍ୟାଚ ଜିତିଥିଲେ । ହାର ମୁହଁରୁ ଫେରାଇ ଆଣିଥିବା ଶଶାଙ୍କ ଉପରେ ଆଜି ସମସ୍ତଙ୍କର ନଜର ରହିବ । ଆଜିର ମ୍ୟାଚ ଚଣ୍ଡୀଗଡ଼ରେ ପଞ୍ଜାବ କିଙ୍ଗସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ । ଦୁଇ ଦଳ ଚାରୋଟି ମ୍ୟାଚ ଖେଳିଥିବାବେଳେ ୨ ଟି ମ୍ୟାଚରେ ବିଜୟ ହାସଲ କରିଥିବାବେଳେ ୨ଟି ମ୍ୟାଚରେ ପରାସ୍ତ ହୋଇଛନ୍ତି । ନେଟ୍ ରନ ରେଟରେ ସାମାନ୍ୟ ଅନ୍ତର ହେତୁ ସନରାଇଜର୍ସ ହାଇଦ୍ରାବାଦ ପଏଣ୍ଟସ ଟେବୁଲର ପଞ୍ଚମ ସ୍ଥାନରେ ରହିଥିବାବେଳେ ପଞ୍ଜାବ କିଙ୍ଗସ ଷଷ୍ଠ ସ୍ଥାନରେ ରହିଛି । ପୂର୍ବରୁ ଦୁଇ ଦଳ ୨୧ ଥର ଭେଟ ହୋଇଥିବାବେଳେ ହାଇଦ୍ରାବାଦ, ପଞ୍ଜାବ ଉପରେ ଭାରି ପଡିଛି । ସନରାଇଜର୍ସ ହାଇଦ୍ରାବାଦ ୧୪ ଟି ମ୍ୟାଚରେ ବିଜୟ ହାସଲ କରିଥିଲାବେଳେ ପଞ୍ଜାବ ୭ ଟି ମ୍ୟାଚ ଜିତିଛି । ତେବେ ଆହତ ହେତୁ ପୂର୍ବ ମ୍ୟାଚରୁ ବାଦ ପଡିଥିବା ଲିବିଙ୍ଗଷ୍ଟୋନ ଆଜି ମ୍ୟାଚରେ ଉପଲବ୍ଧ ଥିବା ପଞ୍ଜାବ ପକ୍ଷରୁ ସୂଚନା ଦିଆଯାଇଛି ।

ପଞ୍ଜାବ କିଙ୍ଗ୍ସ ସମ୍ଭାବ୍ୟ ୧୧ : - ଶିଖର ଧାୱନ(ଅଧିନାୟକ), ଯନି ବେରଷ୍ଟୋ, ପ୍ରଭସିମରନ ସିଂ, ଜୀତେଶ ଶର୍ମା(ୱିକେଟ୍ କିପର), ସାମ କରନ, ଲିଆମ ଲିବିଙ୍ଗଷ୍ଟୋନ , ଶଶାଙ୍କ ସିଂ,ଆଶୁତୋଷ ଶର୍ମା, ହରପ୍ରିତ ବ୍ରାର, କଗିସୋ ରବାଡା, ହର୍ଶଲ ପଟେଲ (ଇମ୍ପ୍ୟାକ୍ଟ ଖେଳାଳି - ଅର୍ଶଦୀପ ସିଂ)

ସନରାଇଜର୍ସ ହାଇଦ୍ରାବାଦ ସମ୍ଭାବ୍ୟ ୧୧:- ଟ୍ରାଭୀଷ ହେଡ଼, ଅଭିଷେକ ଶର୍ମା, ଏଇଡେନ ମାର୍କରମ, ହେନରିକ କ୍ଲାସେନ (ୱିକେଟ୍ କିପର), ଅବଦୁଲ ସମଦ, ଶାହବଜ଼ ଏହମଦ, ମାର୍କୋ ୟାନସେନ, ପ୍ୟାଟ କମିନ୍ସ (ଅଧିନାୟକ), ଭୁବନେଶ୍ୱର କୁମାର, ମୟଙ୍କ ମାର୍କଣ୍ଡେ, ଟି ନଟରାଜନ (ଇମ୍ପ୍ୟାକ୍ଟ ଖେଳାଳି - ଜୟଦେବ ଉନାଦକଟ)

ଅଧିକ ପଢନ୍ତୁ : ଶତକ ସତ୍ୱେ ମ୍ୟାଚ ହାରିଲେ ବିରାଟ କୋହଲି