କୋଚ୍ ହେବା ପରେ ଶାସ୍ତ୍ରୀଙ୍କ ସାମ୍ନାରେ ରହିଛି ୪ଟି ଚ୍ୟାଲେଞ୍ଜ, ଯାହାକୁ ପୂରଣ କରିବା ମୁସ୍କିଲ
Khabar Odisha:Sports-cricket-odisha-ravi-shastri-team-india-head-coach-bcci-indian-cricket-team-virat-kohli-cac-kapil-dev
ନୂଆଦିଲ୍ଲୀ,ଅଗଷ୍ଟ୧୭(ଖବର ଓଡ଼ିଶା):

ଭାରତୀୟ କ୍ରିକେଟ୍ ଦଳର ପୁର୍ନବାର ମୁଖ୍ୟ କୋଚ୍ ଭାବେ ଚୟନ ହେବା ପରେ ରବି ଶାସ୍ତ୍ରୀ ବହୁତ ଉତ୍ସାହିତ ଅଛନ୍ତି। ୫୭ ବର୍ଷୀୟ ଶାସ୍ତ୍ରୀ ଟି-୨୦ ବିଶ୍ଵ କପ ୨୦୨୧ ପର୍ଯ୍ୟନ୍ତ ଭାରତୀୟ ଦଳର କୋଚ୍ ରହିବେ।  ଶାସ୍ତ୍ରୀ କୋଚ୍ ହେବା ମାତ୍ରେ ଭାରତୀୟ ଦଳର ଭବିଷ୍ୟତକୁ ନେଇ ବଡ଼ ବୟାନ ଦେଇଛନ୍ତି। ସେ ଭାରତୀୟ ଦଳର ଭବିଷ୍ୟତ ପାଇଁ ଯୋଜନାର ଖୁଲାସା କରି କହିଛନ୍ତି ଯେ, ମୁଁ ଏଥିପାଇଁ କୋଚ୍ ହେଲି କାରଣ ମୋତେ ଏହି ଦଳ ଉପରେ ଭରସା ଥିଲା। ଶାସ୍ତ୍ରୀଙ୍କ ସାମ୍ନାରେ ଏବେ ଚାରୋଟି ଚ୍ୟାଲେଞ୍ଜ ରହିଛି। ଯାହାକୁ ଅତିକ୍ରମ କରିବା ମୁସ୍କିଲ ଅଟେ।

ଶାସ୍ତ୍ରୀ କହିଛନ୍ତି ଯେ, ମୋତେ ଭରସା ଥିଲା ଟିମ୍ ଇଣ୍ଡିଆ ଏମିତି ବିରାସତ ଛାଡ଼ି ପାରିବ ଯେମିତି  ବହୁତ ଟିମ୍ ଛାଡ଼ି ପାରିଛନ୍ତି। ଏମିତି ଏକ ବିରାସତ ଯାହାକୁ ଆଗାମୀ ଦଶନ୍ଧି ପର୍ଯ୍ୟନ୍ତ ଦଳ ପିଛା କରୁଥିବ। ଏହା ବ୍ୟତୀତ ଭାରତୀୟ ଦଳର ପୁନର୍ବାର ମୁଖ୍ୟ କୋଚ୍ ରୂପେ ଚୟନ ହେବା ନେଇ ଶାସ୍ତ୍ରୀ କପିଲ ଦେବଙ୍କ କମିଟିକୁ ଧନ୍ୟବାଦ ଦେଇଛନ୍ତି।

ଶାସ୍ତ୍ରୀ କହିଛନ୍ତି ଯେ, ମୁଁ ସର୍ବ ପ୍ରଥମେ କପିଲ, ଶାନ୍ତା ଓ ଅଂଶୁମାନଙ୍କୁ ୨୬ ମାସ ପର୍ଯ୍ୟନ୍ତ କାମ କରିବା ପାଇଁ ତାଙ୍କ ଉପରେ ଭରସା କରିଥିବାରୁ କୃତଜ୍ଞତା ଜଣାଉଛି। ମୋ ପାଇଁ ଏହି ଦଳରେ ଅଂଶ ରହିବା ସମ୍ମାନର କଥା। ଶାସ୍ତ୍ରୀଙ୍କ ନୂତନ କାର୍ଯ୍ୟକାଳ ଟି-୨୦ ବିଶ୍ଵକପ ୨୦୨୧ ପର୍ଯ୍ୟନ୍ତ ରହିବ। ଶାସ୍ତ୍ରୀଙ୍କ ସାମ୍ନାରେ ଏବେ ଚାରୋଟି ଚ୍ୟାଲେଞ୍ଜ ରହିଛି। ଯାହାକୁ ଅତିକ୍ରମ କରିବା ମୁସ୍କିଲ ଅଟେ।

ଶାସ୍ତ୍ରୀଙ୍କ ସାମ୍ନାରେ ଥିବା ୪ ଚ୍ୟାଲେଞ୍ଜ

୨୦୨୦ ଟି-୨୦ ବିଶ୍ଵକପରେ ଦଳକୁ ଚମ୍ପିଆନ କରାଇବା

୨୦୨୧ ଟି-୨୦ ବିଶ୍ଵକପରେ ବି ଦଳକୁ ଚମ୍ପିଆନ କରାଇବା

୨୦୨୧ ବିଶ୍ଵ ଟେଷ୍ଟ ଚମ୍ପିଆନସିପରେ ଦଳକୁ ସଫଳ କରାଇବା

୨୦୨୧ ବିଶ୍ଵ ଦିନିକିଆ ଚମ୍ପିଆନସିପରେ ଦଳକୁ ଚମ୍ପିଆନ କରାଇବା 

ଶାସ୍ତ୍ରୀଙ୍କ ରେକର୍ଡ

୨୦୧୭ ଜୁଲାଇରୁ ଭାରତ ରବି ଶାସ୍ତ୍ରୀଙ୍କ କୋଚିଂରେ ୨୧ଟି ଟେଷ୍ଟରୁ ୧୩ଟିରେ ବିଜୟୀ ହୋଇଛି। ତାଙ୍କର ବିଜୟ ହାର ୫୨.୩୮ ରହିଛି। ଅନ୍ୟ ପଟେ ଟି-୨୦ରେ ଦଳର ବିଜୟ ହାର ୬୯.୪୪ ପ୍ରତିଶତ ରହିଛି। ଏହି ସମୟରେ ଭାରତ ୩୬ଟି ଟି-୨୦ ଅନ୍ତରାଷ୍ଟ୍ରୀୟରୁ ୨୫ଟିରେ ବିଜୟୀ ହୋଇଛି। ଦିନିକିଆ ଉପରେ ନଜର ପକାଇଲେ ଭାରତ ୬୦ଟିରୁ ୪୩ଟି ମ୍ୟାଚରେ ବିଜୟୀ ହୋଇଛି। ଶାସ୍ତ୍ରୀଙ୍କ କୋଚିଂ ସମୟରେ ଦିନିକିଆରେ ଦଳର ବିଜୟହାର ୭୧.୬୭ ପ୍ରତିଶତ ରହିଛି। 

ଶାସ୍ତ୍ରୀଙ୍କ ଭାରତୀୟ କ୍ରିକେଟ୍ ଦଳ ସହିତ ଏହା ଚତୁର୍ଥ କାର୍ଯ୍ୟକାଳ ହେବ। ସେ ୨୦୦୭ ବାଂଲାଦେଶ ଗସ୍ତରେ କିଛି ସମୟ ପାଇଁ ଦଳର କୋଚ୍ ରହିଥିଲେ। ଏହା ପରେ ୨୦୧୪ ରୁ ୨୦୧୬ ପର୍ଯ୍ୟନ୍ତ ଦଳର ନିର୍ଦ୍ଦେଶକ ଓ ୨୦୧୭ରୁ ୨୦୧୯ ପର୍ଯ୍ୟନ୍ତ ମୁଖ୍ୟ କୋଚ୍ ରହିଥିଲେ। ୫୭ ବର୍ଷୀୟ ଶାସ୍ତ୍ରୀ ଭାରତ ପକ୍ଷରୁ ୮୦ ଟେଷ୍ଟ ଓ ୧୫୦ ଦିନିକିଆ ମ୍ୟାଚ୍ ଖେଳିଛନ୍ତି।

Subscribe

National International State Sports Entertainment