ପ୍ରଥମଥର ପାଇଁ ଲୋକସଭାରେ ଆସନ ଶୂନ ହୋଇଥିଲେ ବି ରାଜ୍ୟସଭାରେ ପ୍ରମୁଖ ବିରୋଧୀ ଭୂମିକା ଲିଭାଇବ ବିଜୁ ଜନତା ଦଳ । ରାଜ୍ୟସଭାରେ ଦଳର ୯ ସାଂସଦ ଓଡିଶାର ସ୍ୱାର୍ଥ ପାଇଁ ବିଭିନ୍ନ ପ୍ରସଙ୍ଗରେ ନିଜର ଆଭିମୁଖ୍ୟ ଶାଣିତ କରିବେ ବୋଲି ରାଜ୍ୟସଭା ସାଂସଦ ସସ୍ମିତ ପାତ୍ର ଏବଂ ସୁଲତା ଦେଓ କହିଛନ୍ତି ।
ଆଜି ନବୀନ ନିବାସରେ ସଂସଦୀୟ ଦଳର ବୈଠକ ବସିଥିଲା । ଏହି ସମୟରେ ଦଳର ସୁପ୍ରିମୋ ଆଭିମୁଖ୍ୟ ସ୍ପଷ୍ଟ କରିଛନ୍ତି । ଏହାପରେ ବିଜେଡି କହିଛି, ଗୃହରେ ବିରୋଧୀ ଭୂମିକାରେ ରହିବ ଦଳ । ଆବଶ୍ୟକ ପଡିଲେ ଗୃହର ମଧ୍ୟ ଭାଗକୁ ଆସି ପ୍ରତିବାଦ କରିବ । ଓଡିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା, ଜାତୀୟ ରାଜପଥ, ଗ୍ରାମାଞ୍ଚଳରେ ପକ୍କା ଘର,ମହାନଦୀ ଜଳ ବିବାଦ ,ରେଲୱେ ସଂଯୋଗୀକରଣ ଆଦି ଦାବି ରଖିବ ବୋଲି ଦଳ ପକ୍ଷରୁ କୁହାଯାଇଛି ।