ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହର ପ୍ରଥମଥର ପାଇଁ Met Gala ୨୦୨୬ରେ ଅଂଶଗ୍ରହଣ କରିଛନ୍ତି। ତାଙ୍କ ଏହି ଡେବ୍ୟୁ ସମସ୍ତଙ୍କ ଦୃଷ୍ଟିଆକର୍ଷଣ କରିଛି। ଏହି ଅବସରରେ  ସେ ଫ୍ୟାଶନ୍ ଡିଜାଇନର ମନୀଷ ମଲହୋତ୍ରାଙ୍କ ଡିଜାଇନର ଡ୍ରେସ୍ ପିନ୍ଧି  ମେଟ୍ ଗାଲାରେ ଡେବ୍ୟୁ କରିଥିଲ। କରଣ ଜୋହରଙ୍କର କ୍ରିଏଟିଭ୍ ଲୁକ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି, ଯାହାକୁ ଫ୍ୟାନ୍ସ ଖୁବ୍ ପ୍ରଶଂସା କରିଛନ୍ତି। 

କରଣଙ୍କ ଏହି ପୋଷାକରେ ଭାରତୀୟ କଳାର ରାଜା ରବି ବର୍ମାଙ୍କର କାରୁକାର୍ଯ୍ୟ ହୋଇଥିବା ଦେଖିବାକୁ ମିଳିଛି। ଏଥିରେ ରବି ବର୍ମାଙ୍କ ପ୍ରସିଦ୍ଧ ଚିତ୍ରଗୁଡିକର ଛାୟା ଦେଖିବାକୁ ମିଳିଥିଲା। ଏହି ବର୍ଷର ଥିମ୍ “Costume Art” ଥିବା ବେଳେ, କରଣଙ୍କ ପୋଷାକ ଏହାକୁ ଏକ ନୂତନ ମାନ ଦେଇଛି। ଏହି ଡ୍ରେସ୍‌ରେ “ହଂସ ଦମୟନ୍ତୀ”, “କଦମ୍ବରୀ”, “ଅର୍ଜୁନ ଓ ସୁଭଦ୍ରା ” ପରି ରାଜା ରବି ବର୍ମାଙ୍କ ପ୍ରସିଦ୍ଧ କଳାକୃତିର ଛାୟା ପ୍ରକାଶ ପାଇଥିଲା।ଏଥିସହ ‘ଫ୍ରେମ୍ଡ ଇନ୍ ଏଟର୍ନିଟି’ ନାମକ ଆଉଟଫିଟରେ କରଣ ଜୋହର ପ୍ରାୟ ୬ ଫୁଟର ଲମ୍ବା ହ୍ୟାଣ୍ଡ ପେଣ୍ଟେଡ୍ କେପ୍ ଉପରେ ଏକ ପାୱାର-ଶୋଲ୍ଡର୍ ଭିଣ୍ଟେଜ୍ ଜ୍ୟାକେଟ୍ ପିନ୍ଧିଥିଲେ। ଏହି ହ୍ୟାଣ୍ଡମେଡ୍ ଆଉଟଫିଟକୁ ତିଆରି କରିବା ପାଇଁ ୮୦ରୁ ଅଧିକ କାରିଗର ୮୫ ଦିନରେ କରିଥିଲେ। ଏହି ପୋଷାକ ସାଙ୍ଗକୁ ବ୍ରାଣ୍ଡ୍ ଜ୍ୟୋଲେରୀ, ମଲ୍ଟି ଜେମଷ୍ଟୋନ୍ ମୁଦି ଏବଂ ରିଙ୍ଗ୍ସ ପିନ୍ଧା ତାଙ୍କ ଲୁକ୍ କମ୍ପ୍ଲିଟ୍ କରିଥିଲେ। ଯାହା ଏବେ ଚର୍ଚ୍ଚାର ବିଷୟ ପାଲଟିଛି ।

ତେବେ ନିଜ ଆଉଟଫିଟକୁ ନେଇ କରଣ ଜୋହର କହିଛନ୍ତି ଯେ, ‘‘ମୁଁ ଭାରତକୁ ବୁଝାଇବାକୁ ଏଠାକୁ ଆସିନଥିଲି। ବରଂ ମୁଁ ମୋ କମ୍ଫର୍ଟ ପାଇଁ ଆସିଥିଲି। ’’ ସେ ସର୍ବଦା ରାଜା ରବି ବର୍ମାଙ୍କ ଚିତ୍ରକଳାଗୁଡ଼ିକର ପ୍ରଶଂସକ ହୋଇଆସିଛନ୍ତି ମଧ୍ୟ କହିଛନ୍ତି। ମେଟ୍ ଗାଲା ଏହି ମହାନ ଭାରତୀୟ ଚିତ୍ରଶିଳ୍ପୀଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ଉପଯୁକ୍ତ ସ୍ଥାନ ଥିଲା ବୋଲି ଜୋହର କହିଛନ୍ତି। ଏହା ବ୍ୟତୀତ ସେ ଇନଷ୍ଟ୍ରାମରେ ଇନଷ୍ଟାଗ୍ରାମରେ ତାଙ୍କର ମେଟ୍ ଗାଲା ଡେବ୍ୟୁର ଫଟୋ ସେୟାର କରି ଲେଖିଛନ୍ତି ଯେ, “ମୋର ଲୁକ୍ ରାଜା ରବି ବର୍ମାଙ୍କ କଳା ଦ୍ୱାରା ଅନୁପ୍ରାଣିତ। ଫିଲ୍ମରେ ଏହାକୁ ପ୍ରତିଫଳିତ କରିବାକୁ ଚେଷ୍ଟା କରିଥିଲେ। ’’ ମନୀଷଙ୍କୁ କୃତଜ୍ଞତା ଜଣାଇବା ସହ ତାଙ୍କ ଡିଜାଇନକୁ ମଧ୍ୟ ପ୍ରଶଂସା କରିଛନ୍ତି।

ମେଟ୍ ଗାଲା ୨୦୨୬ ରେ ଭାରତର ଅନ୍ୟାନ୍ୟ ପ୍ରସିଦ୍ଧ ବ୍ୟକ୍ତିମାନେ ମଧ୍ୟ ଅଂଶଗ୍ରହଣ କରିଛନ୍ତି। ଏହି ଆୟୋଜନରେ ଭାରତୀୟ କଳା ଓ ସଂସ୍କୃତିର ଛାପ ସ୍ପଷ୍ଟ ଦେଖାଯାଇଥିଲା।

 

 

 

 

View this post on Instagram

 

 

 

 

 

 

 

 

 

 

 

A post shared by Karan Johar (@karanjohar)