ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ବମ୍ପର ଭୋଟିଂକୁ ନେଇ ଖୁସି ପ୍ରକାଶ କଲେ ପ୍ରଧାନ ବିଚାରପତି ସୂର୍ଯ୍ୟକାନ୍ତ । ସିଜେଆଇ କହିଛନ୍ତି, ରାଜ୍ୟରେ ୯୨ ପ୍ରତିଶତରୁ ଅଧିକ ମତଦାନ ଦେଖି ଖୁସି ଲାଗିଲା । ସିଜେଆଇ ସେହି ସମୟରେ ଏହି ଖୁସି ବ୍ୟକ୍ତ କରିଛନ୍ତି, ଯେବେ ସୁପ୍ରିମକୋର୍ଟ ସେହି ୭୧ ଜଣଙ୍କ ଯାଚିକା ଉପରେ ଶୁଣାଣି କରୁଥିଲେ । ଏହି ଲୋକମାନେ ପଶ୍ଚିମବଙ୍ଗ ନିର୍ବାଚନରେ ଭୋଟ୍ ଦେବାକୁ ଅପିଲ୍ କରିଛନ୍ତି । ଏହି ଲୋକଙ୍କୁ ଏସଆଇଆର ପରେ ଭୋଟର ତାଲିକାରୁ ହଟାଇ ଦିଆଯାଇଛି । ଏବେ ସେମାନଙ୍କ ମାମଲା ଅପିଲେଟ୍ ଟ୍ରିବ୍ୟୁନାଲ ପାଖରେ ବିଚାରଧୀନ ରହିଛି ।

ସିଜେଆଇ ସୂର୍ଯ୍ୟକାନ୍ତ, ଜଷ୍ଟିସ ଜୟମାଲା ବାଗଚୀ ଓ ଜଷ୍ଟିସ ବିପୁଲ ଏମ ପାଞ୍ଚୋଲିଙ୍କ ପୀଠ କହିଛନ୍ତି, ଗୁରୁବାର ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ୯୨ ପ୍ରତିଶତରୁ ଅଧିକ ଭୋଟିଂ ହୋଇଛି । ଏହା ଉପରେ ସିଜେଆଇ ସୂର୍ଯ୍ୟକାନ୍ତ କହିଛନ୍ତି, ଭାରତର ନାଗରିକ ଭାବେ ବମ୍ପର ଭୋଟିଂ ଦେଖି ଖୁସି ଲାଗୁଛି । ଏହା ଗଣତନ୍ତ୍ରର ମଜବୁତି ପାଇଁ ଜରୁରୀ । 

କଲକାତା ହାଇକୋର୍ଟଙ୍କ ମୁଖ୍ୟ ବିଚାରପତି ଭୋଟର ତାଲିକାରୁ ନାଁ ହଟିବା ବିରୋଧରେ  ନିର୍ଣ୍ଣୟ ନେବା ପାଇଁ ୧୯ ଟ୍ରିବ୍ୟୁନାଲ ଗଠନ କରିଛନ୍ତି । ହାଇକୋର୍ଟଙ୍କ ପୂର୍ବତନ ବିଚାରପତି ଓ ଜଜଙ୍କ ଅଧ୍ୟକ୍ଷତାରେ ୧୯ ଅପିଲେଟ୍ ଟ୍ରିବ୍ୟୁନାଲ ଗଠନ କରାଯାଇଛି । ଏହି ଟ୍ରିବ୍ୟୁନାଲ ଯେଉଁ ଭୋଟରଙ୍କ ନାଁ ତାଲିକାରୁ ହଟିଛି ସେମାନଙ୍କ ଅପିଲ୍ ଶୁଣୁଛନ୍ତି ।