ନୂଆଦିଲ୍ଲୀ: ଭାରତୀୟ ସେନା ଦିବସ ହେଉଛି ଭାରତୀୟ ସେନାର ବୀରତ୍ୱ, ତ୍ୟାଗ ଏବଂ ନିଃସ୍ୱାର୍ଥପର ସେବାକୁ ସମ୍ମାନ ଜଣାଇବା ପାଇଁ ଏକ ଦିନ। ଦେଶକୁ ସୁରକ୍ଷା ଦେବାରେ ନିୟୋଜିତ ସୈନିକଙ୍କ ସାହସ ଏବଂ ସମର୍ପଣକୁ ମନେ ପକାଇବା ପାଇଁ ଏହି ଦିନଟି ପାଳନ କରାଯାଏ। ପ୍ରତିବର୍ଷ ଜାନୁଆରୀ ୧୫ ତାରିଖକୁ ଭାରତୀୟ ସେନା ଦିବସ ଭାବରେ ପାଳନ କରାଯାଏ। ତେଣୁ, ଆସନ୍ତୁ ଏହି ଦିନର ଗୁରୁତ୍ୱ ଏବଂ ଇତିହାସ ବିଷୟରେ ଜାଣିବା।
ଭାରତୀୟ ସେନା ଦିବସ କାହିଁକି ପାଳନ କରାଯାଏ?
ଭାରତୀୟ ସେନା ଦିବସ ଜାନୁଆରୀ ୧୫,୧୯୪୯ରୁ ଆରମ୍ଭ ହୋଇଥିଲା। ଏହି ଦିନ ଫିଲ୍ଡ ମାର୍ଶାଲ କେ.ଏମ୍. କାରିଆପ୍ପା ଭାରତୀୟ ସେନାର ପ୍ରଥମ ଭାରତୀୟ କମାଣ୍ଡର-ଇନ୍-ଚିଫ୍ ଭାବରେ ଦାୟିତ୍ୱ ଗ୍ରହଣ କରିଥିଲେ। ସେ ବ୍ରିଟିଶ ଜେନେରାଲ୍ ସାର୍ ଫ୍ରାନ୍ସିସ୍ ବୁଚରଙ୍କ ସ୍ଥାନ ନେଇଥିଲେ। ଏହି ଦିନଟିକୁ ସମ୍ପୂର୍ଣ୍ଣ ଭାରତୀୟ ନେତୃତ୍ୱରେ ଭାରତୀୟ ସେନାର ଆଗମନର ପ୍ରତୀକ ଭାବରେ ବିବେଚନା କରାଯାଏ।
ଭାରତୀୟ ସେନା ଦିବସ ଇତିହାସ:
ଭାରତୀୟ ସେନା ଦିବସ ଜାନୁଆରୀ ୧୫,୧୯୪୯ ରେ ଆରମ୍ଭ ହୋଇଥିଲା। ଏହା ଏକ ଐତିହାସିକ ଦିନ ଥିଲା ଯେତେବେଳେ ଭାରତ ସାମରିକ ନେତୃତ୍ୱର ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖିଥିଲା। ୧୯୪୯ ରେ ସାମରିକ ଶକ୍ତିର ହସ୍ତାନ୍ତର ହୋଇଥିଲା। ଏହି ଘଟଣା ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା। ଏହି ଦିନଟି ପ୍ରତ୍ୟେକ ନାଗରିକଙ୍କ ପାଇଁ ଗର୍ବ ଏବଂ ସମ୍ମାନର ଦିନ। ସେନା ଦିବସରେ ଦେଶବ୍ୟାପୀ ଅନେକ କାର୍ଯ୍ୟକ୍ରମ ଆୟୋଜନ କରାଯାଏ। ସୈନିକଙ୍କ ବଳିଦାନ, ସେନାର ସମ୍ମାନ ଏବଂ ସମର୍ପଣକୁ ମନେ ପକେଇ ଦିଆଯାଏ। ସୀମା ସୁରକ୍ଷା ଠାରୁ ଆରମ୍ଭ କରି ବିପର୍ଯ୍ୟୟ ସହାୟତା କାର୍ଯ୍ୟ ପର୍ଯ୍ୟନ୍ତ, ଭାରତୀୟ ସେନା ପ୍ରତ୍ୟେକଟି କାର୍ଯ୍ୟରେ ନିସ୍ୱାର୍ଥପର ସେବାର ଏକ ଅଦ୍ଭୁତ ଉଦାହରଣ ସ୍ଥାପନ କରିଥାଏ।
ଭାରତୀୟ ସେନା ଦିବସର ଗୁରୁତ୍ୱ:
ଭାରତୀୟ ସେନା ଦିବସ ଆମକୁ ମନେ ପକାଇ ଦିଏ ଯେ ଆମେ ଯେଉଁ ନିରାପଦ ଏବଂ ମୁକ୍ତ ଭାରତରେ ବାସ କରୁଛୁ ତାହା ପଛରେ ଆମର ସୈନିକଙ୍କ ସାହସ, କଠିନ ପରିଶ୍ରମ ଏବଂ ନିସ୍ୱାର୍ଥପର ବଳିଦାନ ରହିଛି। ଏହି ଦିନ ଆମ ଦେଶର ସୀମାକୁ ରକ୍ଷା ଦେଉଥିବା ସୈନିକମାନଙ୍କ ପ୍ରତି ସମ୍ମାନ ଏବଂ କୃତଜ୍ଞତା ପ୍ରକାଶ କରିବାର ଏକ ଅବସର। ଏହା ଆମକୁ ଦେଶପ୍ରେମ, ଏକତା ଏବଂ ଦାୟିତ୍ୱର ଭାବନାକୁ ମଜବୁତ କରିବାକୁ ମଧ୍ୟ ପ୍ରେରଣା ଦିଏ।