ମୁମ୍ବାଇ: ମହାରାଷ୍ଟ୍ରର ଯେଉଁ ସ୍କୁଲଗୁଡ଼ିକ ମରାଠୀକୁ ବାଧ୍ୟତାମୂଳକ ବିଷୟ ଭାବରେ ପଢ଼ାନ୍ତି ନାହିଁ ସେମାନଙ୍କୁ ୧ଲକ୍ଷ ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡ଼ିପାରେ। ଏହା ବ୍ୟତୀତ ସେମାନଙ୍କର ମାନ୍ୟତା ମଧ୍ୟ ବାତିଲ କରାଯାଇପାରେ।

ସ୍କୁଲ ଶିକ୍ଷା ବିଭାଗ ଶୁକ୍ରବାର ଏକ ସରକାରୀ ନିଷ୍ପତ୍ତି ଜାରି କରିଛି ଯେଉଁଥିରେ ସମସ୍ତ ସ୍କୁଲରେ ମରାଠୀ ଭାଷାର ବାଧ୍ୟତାମୂଳକ ଶିକ୍ଷାଦାନକୁ କଡ଼ାକଡ଼ି ଭାବରେ ଲାଗୁ କରାଯାଇଛି। ଅନେକ ସ୍କୁଲ, ବିଶେଷକରି କେନ୍ଦ୍ରୀୟ ବୋର୍ଡ ସହିତ ଜଡିତ ସ୍କୁଲଗୁଡ଼ିକ ଏହି ନିୟମ ପାଳନ କରୁ ନଥିବା ନେଇ ଚିନ୍ତା ପ୍ରକାଶ ପାଇଛି।

ସରକାରୀ ନିମୟ (ଜିଆର) ଉଲ୍ଲଂଘନ ପାଇଁ ୧୦୦୦୦୦ ଟଙ୍କା ପର୍ଯ୍ୟନ୍ତ ଜରିମାନା ସହିତ କଠୋର ଦଣ୍ଡର ଚେତାବନୀ ଦେଇଛି। ଜିଆରରେ ଉଲ୍ଲେଖ ଅଛି ଯେ ମହାରାଷ୍ଟ୍ର ବାଧ୍ୟତାମୂଳକ ମରାଠୀ ଭାଷା ଶିକ୍ଷା ଆଇନ-୨୦୨୦ ଅନୁଯାୟୀ ୨୦୨୦-୨୧ ପର୍ଯ୍ୟନ୍ତ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲରେ ମରାଠୀ ଏକ ବାଧ୍ୟତାମୂଳକ ବିଷୟ ହେବ। ଏହା ବୋର୍ଡ କିମ୍ବା ଶିକ୍ଷାର ମାଧ୍ୟମ ନିର୍ବିଶେଷରେ ସମସ୍ତ ପ୍ରତିଷ୍ଠାନ ପାଇଁ ପ୍ରଯୁଜ୍ୟ। ଏହି ନିୟମର କାର୍ଯ୍ୟାନ୍ୱୟନ ତଦାରଖ କରିବା ପାଇଁ ବିଭାଗ ବିଭାଗୀୟ ଉପ-ଶିକ୍ଷା ନିର୍ଦ୍ଦେଶକମାନଙ୍କୁ ଦକ୍ଷ ପ୍ରାଧିକରଣ ଭାବରେ ନିଯୁକ୍ତ କରିଛି।

ଶିକ୍ଷାବର୍ଷ ଆରମ୍ଭ ହେବାର ଦୁଇ ମାସ ମଧ୍ୟରେ ସ୍କୁଲଗୁଡ଼ିକୁ ଯାଞ୍ଚ କରାଯିବ ଯାହା ଦ୍ୱାରା ମରାଠୀ ପଢ଼ାଯାଉଛି କି ନାହିଁ ତାହା ନିଶ୍ଚିତ କରାଯିବ। ଯଦି ଉଲ୍ଲଂଘନ ଜଣାପଡ଼େ, ତେବେ ସ୍କୁଲଗୁଡ଼ିକୁ ନୋଟିସ୍ ପଠାଯିବ ଏବଂ 15 ଦିନ ମଧ୍ୟରେ ଜବାବ ଦେବାକୁ କୁହାଯିବ।

ଅଧିକ ପଢ଼ନ୍ତୁ: ସମସ୍ତ ୯ଟି ଦଳକୁ ଖୋଲା ଚେତାବନୀ ଦେଲେ ଶ୍ରେୟସ ଆୟର