ନୂଆଦିଲ୍ଲୀ: ଦିଲ୍ଲୀରୁ ପାଟନା ଯାଉଥିବା ରାଜଧାନୀ ଏକ୍ସପ୍ରେସକୁ ବୋମା ଧମକ ମିଳିଥିଲା, ଯାହା ଫଳରେ ଯାତ୍ରୀମାନଙ୍କ ମଧ୍ୟରେ ବ୍ୟାପକ ଆତଙ୍କ ସୃଷ୍ଟି ହୋଇଥିଲା। ବୋମା ଧମକ ସମୟରେ ଟ୍ରେନଟି ଆଲିଗଡ଼ ଦେଇ ଯାଉଥିଲା। ଟ୍ରେନକୁ ଅଟକାଇ ଯାଞ୍ଚ କରାଯାଇଥିଲା। କିଛି ନପାଇବା ପରେ ପ୍ରାୟ ୩୧ମିନିଟ୍ ପରେ ଏହାକୁ ଆଗକୁ ଯିବାକୁ ଅନୁମତି ଦିଆଯାଇଥିଲା।

ଆଲିଗଡ଼ ଆରପିଏଫ କମାଣ୍ଡିଂ ଅଫିସର ଗୁଲଜାର ସିଂହ ମଧ୍ୟ ଏହି ବିଷୟରେ ଏକ ବିବୃତ୍ତି ଜାରି କରିଥିଲେ। ସେ କହିଛନ୍ତି, ତେଜସ ରାଜଧାନୀ ଟ୍ରେନଟି ଦିଲ୍ଲୀରୁ ପାଟନା ଯାତ୍ରା କରୁଥିଲା। ଆମେ ଦିଲ୍ଲୀ କଣ୍ଟ୍ରୋଲ ରୁମରୁ ବୋମା ଧମକ ବିଷୟରେ ସୂଚନା ପାଇଲୁ। ସୂଚନା ପାଇବା ପରେ ଆମର ସମ୍ପୂର୍ଣ୍ଣ ବିଡିଏସ୍ (ବମ୍ ଡିସପୋଜାଲ୍ ସ୍କ୍ୱାଡ୍) ଦଳ, ସ୍ଥାନୀୟ ପୋଲିସ, ଏସ୍ଏଚ୍ଓ, ସିଭିଲ୍ ଅଧିକାରୀ, ଆମର କୁକୁର ସ୍କ୍ୱାଡ୍, ଅଗ୍ନିଶମ ଅଧିକାରୀ ଏବଂ ବିଭାଗୀୟ ଅଧିକାରୀମାନେ ଟ୍ରେନଟି ଯାଞ୍ଚ କରିଥିଲେ। କିଛି ମିଳିଲା ନାହିଁ। ଟ୍ରେନକୁ ୩୧ ମିନିଟ୍ ପାଇଁ ଅଟକାଯାଇଥିଲା। ଏବେ ଏହା ଆଗକୁ ବଢ଼ିବା ପାଇଁ ଅନୁମତି ଦିଆଯାଇଛି। 

ଏହା ଉଲ୍ଲେଖନୀୟ ଯେ ତେଜସ ରାଜଧାନୀ ହେଉଛି ରାଜଧାନୀ ଏକ୍ସପ୍ରେସର ଏକ ଅପଗ୍ରେଡେଡ୍ ସଂସ୍କରଣ। ଏଥିରେ ଉନ୍ନତ ଭିତର ସାଜସଜ୍ଜା, ଆଧୁନିକ ଏଲ୍‌ଇଡି ଡିସପ୍ଲେ ଏବଂ ସ୍ୱୟଂଚାଳିତ ଦ୍ୱାର ରହିଛି।

ଅଧିକ ପଢ଼ନ୍ତୁ: ମୌନୀ ଅମାବାସ୍ୟା: ପ୍ରୟାଗରାଜରେ ବୁଡ଼ ପକାଇଲେ ଲକ୍ଷାଧିକ ଭକ୍ତ