ନୂଆଦିଲ୍ଲୀ: ଭାରତୀୟ ନାଗରିକଙ୍କୁ ନେଇ ଯାଉଥିବା ଏକ ଡଙ୍ଗା ଭାରତ ମହାସାଗରରେ ବୁଡ଼ିଯାଇଛି। ଦୁର୍ଘଟଣାରେ ତିନି ଜଣ ଭାରତୀୟଙ୍କ ମୃତ୍ୟୁ ହୋଇଛି ଏବଂ ପାଞ୍ଚ ଜଣ ଏବେ ବି ନିଖୋଜ ଅଛନ୍ତି। ସେମାନଙ୍କୁ ଖୋଜା ଚାଲିଛି।

ମୋଜାମ୍ବିକର ବେଇରା ବନ୍ଦର ନିକଟରେ ଏହି ଦୁର୍ଘଟଣା ଘଟିଥିଲା। ମୋଜାମ୍ବିକରେ ଥିବା ଭାରତୀୟ ଦୂତାବାସ ଅନୁଯାୟୀ ଡଙ୍ଗାଟି ଏକ ଟ୍ୟାଙ୍କରରୁ କ୍ରୁ ସଦସ୍ୟଙ୍କୁ ନେଇ ଯାଉଥିଲା। ସେମାନଙ୍କୁ ନିୟମିତ ସ୍ଥାନାନ୍ତର କାର୍ଯ୍ୟ ପାଇଁ ଟ୍ୟାଙ୍କରକୁ ନିଆଯାଇଥିଲା ବେଳେ ଡଙ୍ଗାଟି ହଠାତ୍ ଓଲଟି ପଡ଼ିଥିଲା, ଯାହା ଫଳରେ ଏହି ଦୁର୍ଘଟଣା ଘଟିଥିଲା। ଏଥିରେ ମୋଟ ୧୪ ଜଣ ଭାରତୀୟ ନାଗରିକ ଥିଲେ। ବୁଡ଼ିବାର କାରଣ ଏପର୍ଯ୍ୟନ୍ତ ଜଣାପଡ଼ି ନାହିଁ। ଦୁର୍ଘଟଣା ଘୋଷଣା କରି ଭାରତୀୟ ଦୂତାବାସ କହିଛି, ଦୁର୍ଭାଗ୍ୟବଶତଃ ଏହି ଦୁର୍ଘଟଣାରେ କିଛି ଭାରତୀୟଙ୍କ ମୃତ୍ୟୁ ହୋଇଛି ଏବଂ କିଛି ନିଖୋଜ ଅଛନ୍ତି। ଆମେ ମୃତକଙ୍କ ପ୍ରତି ସମବେଦନା ପ୍ରକାଶ କରୁଛୁ। ଆମେ ପୀଡିତଙ୍କ ପରିବାର ସହିତ ଯୋଗାଯୋଗରେ ଅଛୁ ଏବଂ ସେମାନଙ୍କୁ ସମସ୍ତ ପ୍ରକାରର ସହାୟତା ଯୋଗାଇ ଦେବୁ। 

ଭାରତୀୟ ଦୂତାବାସ ଅନୁଯାୟୀ, ଦୁର୍ଘଟଣା ପରେ ପାଞ୍ଚ ଜଣ ଭାରତୀୟଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି। ଜଣେ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ହସ୍ପିଟାଲରେ ଚିକିତ୍ସା କରାଯାଉଛି। ଉଦ୍ଧାର ଏବଂ ରିଲିଫ୍ କାର୍ଯ୍ୟ ଜାରି ରହିଛି। ନିଖୋଜ ଥିବା ପାଞ୍ଚ ଜଣ ଭାରତୀୟଙ୍କୁ ଖୋଜିବା ପାଇଁ ସ୍ଥାନୀୟ ପ୍ରଶାସନର ସହାୟତାରେ ଏକ ସନ୍ଧାନ ଅଭିଯାନ ଚାଲିଛି। ଏପର୍ଯ୍ୟନ୍ତ ସେମାନଙ୍କୁ ଠାବ କରାଯାଇ ନାହିଁ। ଭାରତୀୟ ଦୂତାବାସ ଆଶ୍ୱାସନା ଦେଇଛି ଯେ ଏହି ଅଭିଯାନ ଉପରେ କଡ଼ା ନଜର ରଖାଯାଇଛି।

ଅଧିକ ପଢ଼ନ୍ତୁ:  ଡ୍ରଗ୍ସ ଚାଲାଣ ଉପରେ ସୁପ୍ରିମକୋର୍ଟଙ୍କ କଡ଼ା ମନ୍ତବ୍ୟ