ବର୍ଷାରେ ବେହାଲ ରାଜଧାନୀ, ଟିୟୁସନ୍ ସାରି ଫେରୁଥିବା ବେଳେ ଡ୍ରେନରେ ଭାସିଗଲେ ନାବାଳକ
Khabar Odisha:The-juvenile-drowned-in-the-drain
ଭୁବନେଶ୍ୱର, ସେପ୍ଟେମ୍ବର ୧୯(ଖବର ଓଡିଶା):

ରାଜ୍ୟରେ ଲଘୁଚାପ ଜନିତ ବର୍ଷା ଲାଗିରହିଛି । ଲଗାଣ ବର୍ଷା କାରଣରୁ ରାଜଧାନୀ ଭୁବନେଶ୍ୱରର ବିଭିନ୍ନ ସ୍ଥାନରେ ବର୍ଷା ହୋଇଛି । ଫଳରେ ବିଭିନ୍ନ ସ୍ଥାନରେ ବର୍ଷା ପାଣି ଜମି ରହି କୃତ୍ରିମ ବନ୍ୟା ସୃଷ୍ଟି ହୋଇଛି । ଫଳରେ ଶିରିପୁର ଶତାଦ୍ଦୀ ନଗର ବ୍ୟାଙ୍କ କଲୋନୀର ଜଣେ ନାବାଳକ ଭାସି ଯାଇଥିବା ସୂଚନା ମିଳିଛି । ତେବେ ନାବାଳକ ଜଣକ ଟିୟୁସନ ସାରି ଫେରୁଥିବା ବେଳେ ଡ୍ରେନ ପାଣିରେ ଭାସିଯାଇଥିବା ଜଣାପଡିଛି । 

ସୂଚନା ଅନୁସାରେ, ନାବାଳକ ଜଣକ ଟିୟୁସନ ସାରି ଘରକୁ ଫେରୁଥିଲେ । ଏହି ସମୟରେ ଡ୍ରେନ ପାଣିରେ ଭାସିଯାଇଥିଲେ । ନାବାଳକ ଜଣକର ନାମ ହେଉଛି ଜ୍ୟୋତି ପ୍ରକାଶ ବେହେରା । ତାଙ୍କର ବୟସ ୧୫ ବର୍ଷ ହେବ । 

ସେପଟେ ସ୍ଥାନୀୟ ଲୋକେ ଖୋଜାଖୋଜି କରିଥିଲେ ମଧ୍ୟ ଏଯାଏ ପତ୍ତା ମିଳିନି । ଅନ୍ୟପଟେ ଅଗ୍ନିଶମ ବିଭାଗକୁ ଜଣାଇବା ପରେ ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟରେ ଲାଗିଥିବା ଜଣାପଡିଛି ।

  • Tags:

Subscribe

National International State Sports Entertainment